Alemaniako Barne ministroak dimisioa emateko mehatxua egin du, Merkeli presioa eginez
Horst Seehofer Alemaniako Barne ministro eta CSU (Batasun Sozial Kristaua, alemanezko sigletan) alderdiko buruzagiak dimisioa emateko mehatxua egin zuen igandean bere alderdiak ateak itxita egindako bilera batean. Alemaniako migrazio eta asilo politika dela eta, aspalditik du aurrez aurrekoa Seehoferrek Angela Merkel kantzilerrarekin, eta horri presioa egiteko egin du azken keinu hori.
Igandean, 15:00etan, abiatu zuten bilera Batasun Sozial Kristauak Munichen duen egoitzan, eta 23:00ak arte egon ziren bilduta. Egoitzatik irtendakoan, gertukoekin batzartuta jarraitu zuen Seehoferrek, eta 01:00ak aldera, dimisioaren aukera azaldu ei zien.
Merkelek, bere aldetik, batzarra egin zuen Berlinen buru duen CDU alderdiko kideekin, eta elkarrizketarako deia egin zion Seehoferri. Gaur, 08:30ean, berriz bilduko zirela iragarri zuen alderdiak Twitterren duen kontuan.
Bayerische Rundfunk Bavariako telebistaren arabera, Seehofer Berlinera joateko aukera aztertzen ari da, kantzilerraren aldetik "konpromisoa" lortzeko asmoz.
Bavariako CSU eta kantzilerraren CDU alderdien arteko liskarrak krisi sakona eragin du Alemaniako Gobernuan, Merkelek agintean daramatzan 12 urteetako latzenetarikoa.
CSUren babesik gabe, Merkelen koalizioak —CDU, CSU eta SPD (Alderdi Sozialdemokrata) alderdiek osatzen dute— ganberan duen gehiengoa galduko luke. Alemaniako hedabideen arabera, hura galduta, hainbat aukera izango lituzke Alemaniako kantzilerrak: gutxiengo gobernu batekin agintzen jarraitzea, beste bazkide bat topatzea edota hauteskundeak deitzea.
Migrazioaren kontura, ika-mika
Seehoferren eta Merkelen arteko krisia duela aste batzuk lehertu zen, Barne ministroak Europar Batasuneko (EB) beste herrialde batzuetan erregistratutako migratzaileei mugak itxiko dizkiela iragarri ostean. Kantzilerrak arazoa konpontzeko konpromisoa agertu zion, eta EBko gainerako bazkideekin akordioa lortuko zuela hitz eman zion.
Handik gutxira ituna adostu zuen Merkelek Bruselan. 28 estatuburuek "bigarren mailako migrazioa" geldiarazteko neurriak adostu zituzten, eta dozena bat herrialderekin aldebiko itunak lortu zituzten migratzaileak euren herrialdeetara itzultzeko izapideak azkartzeko.
Seehoferren aburuz, lortutako akordioa ez da nahikoa, eta horregatik egin du mehatxua.
Albiste gehiago mundua
:eitb-banner?$eitb-banner$&fmt=webp-alpha&qlt=80)
Carlo Acutis mende honetako lehenengo santu izendatu du aita santuak
Leuzemiak jota hil zen 2006an, 15 urterekin. Acutis apirilaren 27an kanonizatu behar zuten, baina zeremonia bertan behera geratu zen Frantzisko aita santua hil zelako.
83 pertsona hil ditu Israelek Gazan erasoetan, eta beste bost, gosez
Israelgo Atzerri ministro Gideon Saarrek esan du gerra amaituko litzatekeela Hamasek bahituak entregatu eta armak utziko balitu. Hamasek esan du bahituak askatzeko prest dagoela, Israelek bere indar guztiak Zerrendatik erretiratzen baditu.
40. Open Sestao Basque Country xake txapelketan ez da parte-hartzaileen banderarik ikusiko, jokalari israeldarrak daudelako
Antolatzaileek "Israelek Gazan egindako genozidioa" gaitzetsi dute, eta Palestinako bandera jarriko dute Las Llanasen.
Lisboako funikularraren kablea eten egin zela frogatu dute lehen ikerketek
Kable hori funikularreko beste kabina bati lotuta zegoen, eta kontrapisu gisa erabiltzen zen.
Japoniako lehen ministroak dimisioa eman du, PLD alderdiak bere etorkizuna erabakitzeko hitzordua heldu aurretik
Alderdiak primarioen ezohiko aurrerapen baten inguruan eztabaidatu bezperan eman du dimisioa. Izan ere, hauteskundeetan emaitza kaxkarrak lortu ostean, pentsatzekoa da alderdiaren zein Gobernuaren buruzagitzatik kenduko zutela
Errusiaren eraso batek sutea eragin du Kieven, Gobernuaren eraikin batean, gerran lehen aldiz
Gutxienez bi pertsona hil eta 18 zauritu dira Errusiako Armadak Kieven egindako eraso masibo baten ondorioz. 800 drone eta dozena bat misil baino gehiago jaurti dituzte, eta horietako batzuek Ukrainako Gobernuaren eraikin bat jo dute.
Poliziak hainbat manifestari atxilotu ditu Londresen, Palestine Actionen aldeko protestan
Erresuma Batuko Poliziak hainbat manifestari atxilotu ditu larunbat honetan Parlamentuko plazan, Londresen, Palestine Action taldeari babesa adierazteko protesta batean. Uztailean erakunde terrorista izendatu zuten talde hori, hegazkin militar batzuei Palestinako banderak margotzeagatik kalteak egitea eta Elbit Systems Israelgo defentsa enpresaren instalazioak blokeatzea egotzita. 138 pertsona auzipetu dituzte ordutik talde horri laguntzea egotzita. Milaka pertsona bildu dira Parlamentu aurrean, 'Genozidioaren aurka nago, Palestine Actionen alde nago' leloa zeramaten kartelak eskuetan hartuta. Poliziaren aurkako oihuak ere entzun dira; "Ezin zarete ezkutatu, genozidioaren alde zaudete. Lotsa!", tartean.
Defentsa Departamentua Gerra Departamentu bihurtu du Trumpek
Pentagonoak 1947an erabili zuen izendapen hori azkenekoz, Bigarren Mundu Gerraren ondoren estrategia diplomatiko gisa Defentsa Departamentu bihurtu zuenean.
Israelek eraikin bat eraitsi du Gazan, ebakuazioa agindu ostean
Armadak altuera handiko bloke baten aurkako erasoa baieztatu du, hegoaldeko "eremu humanitario" batera ebakuatzeko agindua eman ondoren. Armadak esandakoaren arabera, Hamasek erabiltzen zuelako eraitsi du.
Bruselak Googleri jarritako isuna kritikatu du Trumpek, eta errepresaliekin mehatxatu du: "Bidegabea da!"
Europako Batzordeak isuna jarri dio Googleri publizitate-teknologiaren (adtech) sektorean abusuzko praktikak egitea leporatuta, gutxienez 2014tik, antza, bere zerbitzuei mesede egiteagatik, lehiakideen beste hornitzaile batzuen kaltetan.