'Assangek espioitza gune gisa erabili zuen enbaxada', Lenin Morenoren hitzetan
Lenin Moreno Ekuadorko presidenteak gogor kritikatu du Julian Assange WikiLeakseko sortzaileak Ekuadorrek Londresen duen enbaxadan azken zazpi urteotan izandako jarrera. Salatu duenez, "enbaxada espioitza gune gisa erabili zuen, eta behin eta berriro urratu zituen bere asilo politikoaren baldintzak".
Assangeri babesa kentzeko erabakiaren inguruko azalpenak eman ditu Morenok The Guardian egunkariari eskainitako elkarrizketa batean.
WikiLeakseko sortzailea ostegunean atxilotu zuten, Ekuadorrek 2012an emandako asiloa ukatu ostean. Polizia britainiarrak indarrez atxilotu zuen Assange, AEBk hura atxilotzeko egindako eskaeragatik eta Erresuma Batuak ezarritako behin-behineko askatasun baldintzak urratzeagatik.
2010ean, dozenaka mila dokumentu sailkatu argitaratu zuen Assangek sortutako WikiLeaksek, Irakeko eta Afganistango gerrei buruzko informazio garrantzitsuarekin, eta baita kablegrama diplomatiko asko ere.
"Enbaxada beste estatu batzuetako prozesuetan esku hartzeko erabili zuen Assangek"
2012an Rafael Correaren Gobernuak Assangeri emandako asilo politikoa kentzeagatik kritikak jaso ditu Morenok. Ekuadorko presidenteak erabakia defendatu du: "Ez da arbitrarioa izan, nazioarteko araudian oinarrituta dago eta".
Halaber, The Guardian egunkariak gogorarazi duenez, WikiLeaksekin nolabaiteko lotura zuen webgune anonimo batek Morenoren anaiak 'offshore' enpresa bat sortu zuela jakinarazi zuen, eta Morenoren eta horren familiaren argazki pribatuak argitaratu zituen.
Morenok, ordea, ukatu egin du mendekuz aritu izana. Horren arabera, "gure eremutik, eta aurreko gobernuko agintarien baimenarekin, Ekuadorko enbaxada beste estatu batzuen prozesuetan esku hartzeko erabili da".
"Ezin dugu onartu gure etxea den hori, ateak parez pare zabaldu zizkion hori, espioitza gune bat bihurtzea", erantsi du.
Moreno, Ekuadorko kaleetan, Assangeren atxiloketaren ostean. Argazkia: EFE
Enbaxadako langileei emandako tratua, salagarri
Gehiago ere esan du Morenok, eta Assangek enbaxadako langileei emandako tratua kritikatu du. "Tratu txarrak eman zizkien, eta Ekuadorren kontrako kanpaina erasokorra abiatu zuen, laguntzen ari zitzaizkionak mehatxatzeraino", deitoratu du.
Horrez gain, Assangeren "jarrera higieniko desegokia" ere izan du hizpide Ekuadorko presidenteak. Morenoren arabera, "azkenean, etengabeko protokolo urraketen eta mehatxuen ondorioz, asilo politikoa eutsiezina bilakatu zen".
Erresuma Batuak "idatziz" bermatu dio Ekuadorri Assangeren oinarrizko eskubideak errespetatuko dituztela eta ez dutela heriotza-zigorra aplikatzen duen ezein herrialdera estraditatuko.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.