FARCeko talde disidente batek atzera armak hartzeko erabakia hartu du
Kolonbian, FARC gerrillako talde disidente batek atzera armak hartzeko erabakia hartu du eta "borrokarako aro berria" hasi duela iragarri du. Ivan Marquez gerrillako bigarrena izan zenak eman du albistea, interneten zabaldutako bideo batean.
"Munduari aditzera eman nahi diogu Marquetalia bigarrena hasi dela (duela mende erdi baino gehiago FARC sortu zen tokia), zapalkuntzaren aurka armetan altxatzeko munduko herriek duten eskubide unibertsalaren babesean", esan du Marquezek. Haren alboan, hogei pertsona inguru ageri dira, fusilak eskuan.
Bideo horretan, Marquez ez ezik, Jesus Santrich edota El Paisa FARCeko gerrillari ohiak ageri dira.
"Inoiz ez gaituzte ez menderatu eta ezta garaitu ere ideologikoki. Hori dela eta, borrokak aurrera darrai. Armak hartzera behartu gintuztela jasoko dute historiako orriek", dio 2019ko abuztuaren 29ko data eta 32 minutuko iraupena duen bideoan.
Grabazioan diotenez, Inirida ibaiaren toki batetik ari dira hizketan, Venezuelako eta Brasilgo mugetatik gertu.
Marquezen esanetan, borroka armatura itzultzeko erabakia "estatuak Habanako bake akordioari egindako traizioaren erantzuna da". Gaineratu duenez, aliantzak bilatuko dituzte ELN Nazioa Askatzeko Armadarekin.
Ivan Marquez sarritan agertu izan da FARCek armak uztearen aurka eta "akatsa" izan zela nabarmendu izan du. Haren hitzetan, 2016ko azaroan bake akordioa sinatu zenetik buruzagi sozialak eta gerrillari ohiak hiltzen jarraitu dute eta estatua egin du sinatutakoa ez betetzearen erantzule.
Manifestuaren irakurketa amaituta, Santrichek hartu du hitza eta "Gora FARC-EP" esanez. Gainerako gerrillariek gora esanez erantzun diete.
Albiste gehiago mundua
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.
Gazako haurren heriotzak "aurrekaririk gabe" hazi direla ohartarazi du UNICEFek
Gazatarren aurkako bonbardaketak ez du etenik: gutxienez 22 palestinar hil dira bart Israelen beste eraso batzuetan.
Trumpek bi urpeko nuklear zabaldu ditu Medvedev Errusiako presidente ohiaren "adierazpen probokatzaileen" aurrean
Ukrainako gerra geldiarazteko AEBk Errusiari ezarri zion ultimatuma kritikatu zuen duela gutxi, eta ohartarazi zuen horrek bi herrialdeen arteko gatazka ekar zezakeela.