Ezer ez da berdin
Guzti hau hasi zenean amaierak gertu zirudien. Gure agintariek sinestarazi ziguten udaberriaz batera loreak eta galdutako poza berreskuratuko genituela. Urrutiko udazkenean, agian gorabeheratxo batzuk izateko arriskua sumatzen zutela, baina ez zegoela kezkatzeko arrazoirik…
Egunak, asteak eta hilabeteak igaro ondoren, berriro egiaztatu dugu inork ez dakiela ezer. Aditu ospetsuenek, erabakiak hartzen dituzten politikoei ezjakintasuna leporatu diete, benetan dakitenei jaramonik ez egin izana; politikoek gogoratu diete adituei ez dutela ezertan asmatu, krisiak ustekabean harrapatu zituela eta ondoren beste guztiok egin duguna egin dutela, proba egin eta balio ez bazuen beste zerbaitetan ahalegindu. Erdian gaudenok berriz behin agindu ziguten "normaltasun berriaren" zain gaude, oximoron hori entelekia hutsa dela jakin arren.
Datorrena datorrela ez da, orain dela gutxi arte ezagutu duguna, besteak beste gu ez garelako berdinak izango. Historia liburuek kontatzen digute jendea nola moldatu izan den egoera larrienetan, ustekabeko harrigarrienetan, mundua goitik behera erori zaionean. Era berean argitzen digute, zerbait bizi dugunean, batez ere bat-bateko ezustekoa bada, ez garela jabetzen jasandakoaz denbora pasa arte, hura oroimena izan arte, eta orduan ere oroitzapena eta benetan gertatutakoa ez datozela bat.
Oraingo honetan, gaitza ez da oraindik iragana bihurtu, ezinezkoa zaigu ondorioez jabetzea, usteak heldu aurretik usteltzen direlako. Inguruan iragaten ari dena kontatzea tokatu zaigunoi aldiz hitzak falta zaizkigu, gaur arte balio zuena zentzugabe bihurtzen delako ahoskatu orduko. Gaiak berriz, beste guztia ezabatu du, eguna joan eta eguna etorri lelo bera darabilgu, ez dago besterik, zertaz ari garen askotan ez badakigu ere.
Etorkizuna asmatzen hasiko bagina, bidean utzi behar izan ditugun batzuk berreskuratzea litzateke ondoen zeudenen desio nagusia. Beste askorentzat aldiz, oker zegoenak okerrera egin du eta ez dute sekula inoiz amestutakoa lortuko, pandemiak egitasmo ugariren oinarriak zapuztu dituelako. Ez gara berriro hutsetik hasiko, baina hain nabarmen geratu den gure ahuleziak eta ezinak, zerbaitetarako balio beharko luke, gutxienez sarriegi oker jokatu dugula aitortzeko. Baina ez da horrela gertatuko, historia liburuek erakutsi digutelako, kondaira irautea lortu dutenek idatzi dutela, irabazleen egia kontatzeko.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".