Uholde suntsitzaileek 160 hildako utzi dituzte dagoeneko Alemanian eta Belgikan
Uholde suntsitzaileek 133 hildako utzi dituzte dagoeneko Alemaniako mendebaldean. Belgikan 27 hildakoren berri eman dute oraingoz. Bitartean, desagertuak bilatzen eta herritarrak ebakuatzen jarraitzen dute; izan ere, zonalde batzuetan ibaiek gainezka egin dezakete berriro.
Ipar Renania-Westfalia (Alemaniako jendetsuena) eta Renania-Palatinatua landerretako agintariek hondakin artean biktima gehiago topatzea espero dute. Azken egunetako ekaitzek hondamendia eragin dute.
Heinber hirian, Herbeheretako mugatik gertu, ehunka pertsona ebakuatu behar izan dituzte gauean, dike bat hautsi ondoren, nahiz eta hura sendotzeko lanean aritu.
100.000 pertsona argindarrik gabe
Beste udalerri batzuetan hondakinak kentzen eta garbitzen hasi dira jadanik. Euri-jasarik izango ez dela iragarri dute zerbitzu meteorologikoek larunbat honetan. 100.000 pertsona inguruk ez dute argindarrik udalerri eta barruti batzuetan.
Hegoaldeko beste eskualde batzuetan, aldiz, bereziki Baden-Württemberg Landerrean, alertan jarraitzen dute euri-jasengatik. Babes zibileko zerbitzuak eta suhiltzaileak ibaietako eta haranetako bazterrak babesten ari dira.
Uholde suntsitzaileak ostegunean hasi ziren, egunak euritan eman ondoren. Rhineko ibaiadarrek eta eskualdeko beste ibai handiek gainezka egin ondoren gertatu da triskantza handiena. Luiziak izan dira.
Frank-Walter Steinmeier Alemaniako presidenteak eskualdea bisitatuko du larunbat honetan. Tragediaren aurrean batasuna eta larrialdi klimatikoaren aurkako borroka areagotzea eskatu zuen Steinmeierrek ostiralean.
Bestalde, Angela Merkel kantzilerrak bisita "laster" egiteko asmoa du. Hondamendiak buruzagia bidaia ofizialean harrapatu zuen Ameriketako Estatu Batuetan.
Ministroen Kontseiluak datorren asteazkenean kaltetuak laguntzeko pakete berezi bat onartzea espero dute, Der Spiegel astekariak aurreratu duenez.
41.000 etxebizitzak ez dute argindarrik Valonian (Belgika)
Belgikan, gutxienez 27 pertsona hil eta beste lau desagertu dira uholdeen ondorioz, Le Soir egunkariak jakitera eman duenez. Valoniako eskualdean, herrialdeko hegoaldean, 41.000 bat etxebizitza argindarrik gabe geratu dira. Biztanleria laguntzeko larrialdi funtsak martxan jarri dituzte bertako agintariek.
"Argindarra hornitzeko sarearen egoerak oso larria izaten jarraitzen du", ohartarazi dute buruzagiek. Gainera, mugikortasuna oso mugaturik dago; izan ere, tren eta autobus zerbitzuak bertan behera geratu dira.
Hildakoen kopuruak gora egin dezakeela ohartarazi du Lieja probintziako gobernadoreak. "Liejan soilik 13 pertsona daude desagerturik", azaldu du. "Oraingoz ez dakigu ezer, eta oraindik ezin dugu behin-betiko kopururik eman", errepikatu du.
Alexander Croo Belgikako lehen ministroak uztailak 20rako dolu eguna deitu zuen ostiralean. Zenbatekoek "okerrera" egitea espero dutela deitoratu zuen agintariak. Herrialdeko zonalde askotan egoerak "kritikoa" izaten jarraitzen duela azpimarratu zuen.
Albiste gehiago mundua
Hawaiiko Kilauea sumendia berriro esnatu da
Hawaiiko Kilauea sumendiak erupzioari ekin dio berriro, laba arku bat airera botata. Labak altuera handia hartu du eta gailurreko kraterraren sekzio batean zabaldu da. Abendutik izandako 31. erupzioa da honakoa, Kilauea munduko sumendi aktiboenetako bat bihurtuz.
Azken erasoek 17 hildako utzi dituzte Gazan, sei haur tartean
Bonbardaketek Zerrenda jotzen jarraitzen dute, ospitaleak gainezka dauden bitartean; hori guztia, ONUk deklaratutako gosete egoeran.
Mugarik Gabeko Medikuak: "Gazako pazienteak hezur eta azal ziren, bereziki haurrak"
Raul Incertis gobernuz kanpoko erakundeko mediku anestesista Gazatik itzuli berri da, eta bertan bizi duten egoera salatu du; izan ere, zentro medikoetan "zauritutako zibil asko jasotzen zituzten, bereziki emakumeak eta haurrak, janaria hartzen ari zirela tirokatuak". Medikuak esan du Israelek ezinezko egin duela Gazan bizitzea, eremu "postapokaliptiko" bihurtu duelako.
Txinan gero eta komunitate gehiago daude emakumeentzat bakarrik
Txinan goraldian daude elkarrekin bizitzea erabakitzen duten emakumeen komunitateak, familia tradizional bat eraiki beharrean. Beren burua zaintzeko libre bizitzea aldarrikatzen dute emakume horiek.
Kanadak AEBren aurka errepresalia gisa ezarritako muga-zergen zati bat kenduko du, Trumpekin akordioa errazteko
Gaia gertutik jarraitzen duten iturrien arabera, Carneyk % 25eko zergak kenduko ditu AEBk, Mexikok eta Kanadak sinatutako USMCA merkataritza libreko hiruko akordioaren estandarrak betetzen dituzten Estatu Batuetako merkantzientzat. Hala ere, Ottawak % 25eko muga-zergak mantenduko ditu altzairu eta aluminioarentzat, baita autoentzat ere.
Nord Stream gasbidearen sabotajeagatik Italian atxilotutako ukrainarrak Alemaniara estraditatzea errefusatu du
Gainera, akusatuak ukatu egin ditu Alemaniako justiziak egozten dizkion delituak.
NBEk Gazako gosetea izendatu izanaren gakoak
Azken asteetan, goseak eragindako berrehun heriotza baino gehiago erregistratu dira, martxoaren hasieratik Israelgo Gobernuak elikadura-laguntza eta oinarrizko beste hornidura batzuk blokeatu izanaren ondorioz. Hala ere, NBEk gosete egoera bat ofizialki deklaratu ahal izateko, zenbait baldintza bete behar dira.
NBEk ofizialki gosete egoera deklaratu du Gazan
Ehunka mila pertsona gose larrian daude eta krisia datozen asteetan areagotu egingo omen da.
Epaile batek debekatu egin du Alligator Alcatraz atxiloketa-zentroan migratzaile gehiago sartzea
Floridako Gobernuak Kathleen Williams magistratuaren epaia apelatuko duela iragarri du, deportazioak egiten jarraituko dutela ohartarazteaz gain.
Trumpek 450 bat milioi dolarreko isuna saihestu du apelazioan, iruzur egitea leporatuta zigortu ostean
Alabaina, Trump Erakundearen "enpresa-kultura mugatzeko" ezarritako kautelazko neurriak mantendu dituzte magistratuek. Ondarea puzteaz akusatuta dago, mailegu mesedegarriak eta bestelako finantza-onura batzuk lortzeko helburuarekin.