Scholz, Alemanian "koalizio aurrerakoia" gidatzeko bidean
Olaf Scholz SPD sozialdemokrataren burua "koalizio aurrerakoi" baten kantziler izateko bidean dago, eta horixe iragarri du Alderdi Berdeko eta Alderdi Liberaleko (FDP) buruzagiekin batera. Izan ere, abian jarri dute Alemanian Gobernua osatzeko negoziazio formala.
Scholzek agerraldia egin du erabakiaren berri emateko Saskia Eskien eta Norbert Walter-Borjans SPDko presidentearen ondokoekin; Annalena Barboeck eta Robert Habeck Alderdi Berdearen presidentearekin eta haren ondokoarekin; eta Christian Lindner FDP liberalen buruarekin.
"Hiru alderdiak azken 100 urteetako industria modernizazio proiektu handiena bultzatzeko moduan gaude", azaldu du Scholzek agerraldian.
Koalizioa negoziatzeko oinarri gisa erabiliko duten agiriak eraldatze ekologikoaren eta deskarbonizazioaren garrantzia azpimarratzen du, zergak igotzea baztertzen du (liberalen eskaera nagusietako bat), eta inbertsio eta neurri sorta bat aurreikusten du kohesio soziala handitzeko.
Azken puntu horri dagokionez, gutxieneko soldata orduko 9,6 eurotik 12 eurora igotzea proposatu dute, SPDren eta Berdeen programetan agertzen zen moduan.
Elkarrizketetan Berdeek erdietsi duten lorpen handienetako bat 2030erako ikatzari uko egitea da, hasieran espero zutena baino 8 urte lehenago.
Bidea egiten hasi diren arren, hiru alderdiek barne eztabaida egin beharko dute asteburuan negoziazioekin aurrera jarraitu ala ez erabakitzeko, eta oniritzia emanez gero, datozen hilabeteetarako agenda zehaztuko dute.
"Uste dut denok esan dugula urte amaiera baino lehenago koalizio baterako akordioa izatea espero dugula", adierazi du Scholzek, hauteskundeen irabazleak. % 25,7ko babesa jaso zuen, eta liberalen hautagaiak, Armin Laschetek, % 24,1koa.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".