Putinek Donetskeko eta Luhanskeko errepubliken independentzia aitortu du
Vladimir Putin Errusiako presidenteak Donetsk eta Luhansk herri errepubliken independentzia ofizialki aitortu du eta Ukrainako mugan dauden tropa errusiarrei bi herrietan horietan sartzeko agindua eman die, eskualde horretan "bakea bermatzeko helburuarekin".
Dekretua sinatzeko ekitaldia Kremlinen egin dute eta bertan izan dira Denis Pushilin eta Leonid Pasechnik Donetskeko eta Luhanskeko buruzagi independentistak.
"Uste dut beharrezkoa dela Donetskeko eta Luhanskeko errepubliken independentzia berehala aitortzea", adierazi du telebista bidez eman duten diskurtsu luze batean. Ildo horretan, Errusiako Parlamentuari eskatu dio berretsi ditzala gaur bi errepublikekin sinatu dituen itunak.
Putinek ziurtatu du Donbassen egoera "kritikoa eta larria" dela. 2014az geroztik, independentisten eta Ukrainako Armadaren arteko borrokak izan dira eta, guztira, 14.000 pertsona inguru hil dira.
"Azpimarratu nahi dut Ukraina guretzako ez dela herrialde bizilaguna. Errusiaren historiaren, kulturaren eta eremu izpiritualaren zati bat dira. Gure burkideak eta senideak dira", nabarmendu du.
Horrez gain, Putinek salatu du Ukrainako Gobernuak "irtenbide militarra" soilik eskaintzen duela Donbass eskualderi lotutako gatazkan eta "eraso militarrak berehala eten" ditzala exijitu dio. "Hala egiten ez badute, erantzukizun guztia Kieveko agintariena izango da", ohartarazi du.
Ukrainaren balizko sarrera NATOn
Bestalde, Putinek salatu du Ameriketako Estatu Batuek eta NATOk ez diotela bermerik ematen Ukraina Aliantzan sartuko ez dela ziurtatzeko eta, ondorioz, bere neurriak hartuko dituela adierazi du.
"Mapa ikustea besterik ez dago mendebaldeko herrialdeek NATO ez zabaltzeko hartu zuten konpromisoa bete duten ala ez ikusteko. Engainatu egin gaituzte. Bost alditan handitu dute NATO", kritikatu du.
"Eta, horren ondorioz, Aliantza eta bere azpiegitura militarra Errusiako mugaraino iritsi dira. Hori da Europako segurtasun krisiaren gakoetako bat, bi aldeen arteko konfiantza urratu baita", erantsi du.
"Ukraina NATOn sartzen bada, Errusiaren kontrako mehatxu militarra biderkatu egingo da", berretsi du.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.