Eredugarria
Ukrainako gatazkak, sendoak ziruditen gure oinarri eta euskarri nagusiak dardarka uzteaz gain, gure ahuldade eta beldurrak azaleratu ditu. Azken 11 urtean Siriako gerra beldurgarria pairatu dutenei edo Afganistango egoera surrealistatik ihes egin dutenei ateak itxi dizkiegu, eta behar izanez gero indarra erabili dugu gure mugak urra ez ditzaten. Orain, berriz, Ukrainatik babes bila atera direnei besoak, ateak, eskolak eta lantegiak ireki dizkiegu.
Jokaera honi buruz azalpen asko eman dute giza portaera aztertu eta ikertzen dutenek, baina hitz bat erabili behar izanez gero, arrazakeria litzateke egokiena. Baina jokamolde horrek azpimarratzeko moduko aldea ere badu. Ukrainatik babes bila joandako 4 miloi pertsonen erdia ondoko Polonian geratu dira. Varsoviako Gobernuak hartutako neurriak goraipatzeko modukoak dira, zalantzarik gabe.
Ez dute kopuru mugarik jarri, Ukrainatik datozen guztiak hartuko dituzte. 18 hilabeteko baimena eman diete bertan egoteko, eta behar izanez gero epe hori 3 urte arte luzatzeko prest dira. Guztiei paperak eman dizkiete inongo oztoporik jarri gabe. Horrek aukera emango die lan egiteko eta oinarrizko zerbitzuak jaso ahal izateko. Milaka eta milaka haur ukrainar Poloniako eskoletan matrikulatu dituzte eta haur bakoitzari 65 euroko laguntza eman diote. Haur horiez arduratzen diren familia eta erakundeei, berriz, 8 euro egunero haur bakoitzeko.
Europar Batasuneko herrialde gehienetan antzerako jarrera erakutsi dute errefuxiatu hauekiko. Egia da Polonian errazagoa zaiela, lehendik ere miloi eta erdi direlako bertan lan egiten duten ukrainarrak, soldata handiagoak dituztelako, bisa erraz lortzen dutelako eta bi hizkuntzek antz handia dutelako. Langile ukrainarrek Mendebaldera abiatu diren poloniarren lekua hartu dute azken urteetan bertako lanlekuetan.
Poloniak eta orohar Europar Batasuneko herrialde guztiek krisi honetan izandako jokabidea etorkizunerako eredu izan liteke, hemendik aurrera babes bila datozkigun errefuxiatuei eman beharreko tratuaren irudi eta ardatza. Zoritxarrez, ez dirudi hala izango denik, eta Ukrainako gerrak eragindako elkartasun bulkada ahuldu egingo da babesa eskatzen digutenen azala eta jatorria ezberdinak direnean. Baina, nahi eta nahi ez, egun eta aste hauetan gertatu dena guztion gogoan geratuko den aurrekaria da, eta aurrerantzean zaila izango zaigu ate joka datozkigunei haientzako lekurik ez dagoela erantzutea, barruan gehiegi gaudela edo guztiontzako lekurik ez dagoela. Hor ere Ukrainakoak etorkizuna aldatuko digu.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.