Australiak monarkia britainiarra birplanteatuko du bere Konstituzioan
Elizabeth II.a Australiako azken estatuburu britainiarra izan liteke. Erresuma Batuko erregina izateaz gain, Elizabeth II.a Commonwealtheko 14 herrialdeetako estatuburua ere bada, besteak beste Australiakoa, Zeelanda Berrikoa eta Kanadakoa.
Orain, erreginaldiaren 70. urteurreneko ospakizunak direla eta, iritsi da momentua Australiako Estatuko buruzagitzari buruz hausnartzeko, Matt Thistlethwaite ministro australiarraren ustez. Bera da, lehen aldiz, Estatuko buruzagitza eredu berria bilatzeko zereginarekin eta Estatuko gorengo karguan australiar bat izan dadin, izendatu berri duten ministroa. Politikari laborista honek uste duenez, Elizabeth II.aren erreginaldiaren amaiera une egokiena izango litzateke gai honi buruz serioski eztabaidatzeko. "Australia independentea da. Geure nortasuna eta kultura daukagu", dio Thistlethwaitek, "australiar guztiek izan behar dute estatuburu izateko ahalmena".
Canberrako gobernuko kide baten adierazpenok kontutan izanda, uste da Anthony Albanese lehen minitro laborista izendatu berriak gai honi buruz referendum bat antolatuko duela. Iraganean, 1999an egindako referendumean, australiarren %55 monarkia britainiarrari eustearen alde azaldu ziren. Dena dela, kontsulta egitekotan ere, ez litzateke oraingo gobernuaren agintaldian egingo, baizik eta Alderdi Laboristaren hurrengoan, hauteskundeak berriro irabaziz gero.
Bere erreginaldi luzean, Elizabeth II.ak guztira 14 bider egin du bidaia Australiara. Izan ere, atzerrira egin dituen bisita gehienak Commonwealtheko herrialdeetara egin ditu. Hortik kanpo, gutxitan joan da atzerrira. Horrek, halere, ez dizkio herrialde horietako sinpatiak bermatu. Australia ez da Commonwealtheko herrialdeen artean Konstituzioa erreformatuz monarkia kendu nahi duen bakarra. 2021eko azaroaren 30ean, Kariben Barbados uhartea errepublika bihurtu zen. Inguru horretako beste herrialde batzuetan ere errege-familia britainiarrak kritika ugari jaso ditu.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.