Ekonomia ministroak Johnson ordezkatzeko hautagaitza aurkeztu du
Nadhim Zahawi Ekonomia ministro britainiar berriak larunbat honetan iragarri duenez, hautagaitza aurkeztuko du Boris Johnson ordezkatzeko lider kontserbadore eta lehen ministro gisa, Grant Shapps Garraio ministroak gauza bera egin ondoren.
Hedabideei haren asmoa helarazi ostean, Zahawik hitz eman du hautatzen badute zergak jaitsiko dizkiela familia eta enpresei, defentsa gastua areagotuko duela eta erreformak egingo dituela Hezkuntza sisteman.
Zahawik, aurretik Hezkuntza ministro izandakoak, Rishi Sunak ordezkatu zuen joan den astean, horrek Ekonomia arduradun kargua utzi ostean, Johnsonen kudeaketaren aurkako protestan.
"Nire helburua sinplea da: nire belaunaldiari eman zizkioten aukerak ematea, britainiar guztiei, direnak direla eta datozen lekutik datozela", gaineratu du jatorri irakiarra duen Zahawik.
Lehenxeago, Garraio ministroak bere hautagaitza iragarri du Sunday Times egunkariaren orrialdeetan. Johnson ordezkatzera heltzekotan, larrialdiko aurrekontua prestatzeko asmoa baietsi du, besteak beste zergen murrizketa eta energia kontsumo handia duten enpresentzako laguntzak jasoko lituzkeena.
Zahawiz eta Shappsez gain, aurkezteko asmoa azaldu dute Sunakek, Tom Tugendhat Komunen Ganberako Kanpo batzordeko presidenteak, Suella Braverman fiskal nagusiak eta Kemi Badenoch berdintasunerako Estatu idazkari ohiak.
Litekeena da datozen egunotan alderdiko izen garrantzitsuek euren asmoak helaraztea; tartean Sajid Javid Osasun ministro ohiak, Liz Truss uneko Kanpo ministroak edo Jeremy Hunt Foreign Office-ko ministro izandakoak.
Beste faboritoetako batek, Ben Wallace Defentsa ministroak, baztertu egin du larunbat honetan primarioetan aurkeztea, Twitterreko bere kontuan adierazi baitu herrialdeko segurtasuna mantentzen jarraituko duela buru-belarri.
Datorren astelehenean, 1922 Komiteak, karterarik gabeko diputatu kontserbadoreak biltzen dituenak, zuzendaritza hautatuko du eta buruzagi berria aukeratzeko egutegia ezagutzera emango du.
Johnsonek dimisioa eman behar izan zuen, bere Gobernuko 50 kidek baino gehiagok dimisioa aurkeztu ondoren, bere kudeaketa eta azken hilabeteetako eskandaluak salatzeko, besteak beste, Downing Streeteko egoitzan izandako jaietakoa pandemian.
Albiste gehiago mundua
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.