Liz Truss Atzerri ministroa Boris Johnsonen ondorengo izendatuko dute astelehen honetan
Boris Johnson Erresuma Batuko lehen ministroaren ondorengoa izateko faboritoa da Liz Truss Atzerri ministroa. Alderdi Kontserbadorearen afiliatuek euren lider berria aukeratzeko boza emateko epea ostiral honetan bukatu da, eta Erresuma Batuko gobernuburu berria izendatuko astelehen honetan, Boris Johnsonek dimisioa eman ostean.
Inkesta batzuetan 30 puntuko aldea atera dio Trussek Rishu Sunak Ekonomia ministro ohiari (beste hautagaia), eta litekeena da astelehen honetan bertan lehen ministro izendatuta izatea.
Azken hilabetean bozkatzeko aukera izan dute Alderdi Kontserbadorearen 160.000 afiliatu inguruk, posta nahiz Internet bidez, Sunak edo Trussen alde. Bi hautagaiak ehunka ekitaldietan izan dira primarioen kanpainan, euren gobernu-proposamenak ezagutzera emate aldera.
Sozietateen gaineko zerga
Bizitzaren kostuaren krisiari aurre egiteko proposamenak izan dira ardatz bi hautagaien hauteskunde primarioen kanpainan, inflazioa % 10etik gorakoa baita Erresuma Batuan eta, adituek diotenez, % 18koa izan daitezke datorren urtean.
Johnsonen aurreikusitako % 19tik % 25erako sozietateen gaineko zergaren igoera bertan behar utziko duela hitzeman du Trussek, irabaziz gero.
Lehen ministroaren agenda
Agurtzeko hitzaldia eskainiko du Boris Johnsonek astearte honetan Downing Streeteko aurrealdean. Jarraian, hegazkinez joango da Aberdeenera, Eskoziara, Erresuma Batuko hiriburutik 500 kilometrora.
Liz Trussek, primarioen irabazleak, ere bertara bidaiatuko du, beste hegazkin batean. Han, erreginak harrera egingo dio, eta Erresuma Batuko gobernuburu izendatuko du. Geroago, Londresera itzuliko da, lanean hasi eta segurtasun nazionalarekin lotutako lehenengo txostenak jasotzen hasiko da.
15:00etan GMT orduan Downing Streeteko bulegora iritsiko da Truss. Bere lehenengo hitzaldia eskainiko dio herrialdeari, eta ministroak izendatzen hasi.
Asteazkenean Komunen Ganberako lehenengo kontrol saioan izango da gobernuburua, eta Keir Starmer oposizioko liderrarekin eztabaidatuko du. Egunean zehar ministroak izendatzen jarraituko du, eta atzerriko beste gobernuburuekin mintzatuko da telefonoz.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.