Irlanda bateratzeko ordua da, Sinn Feinen arabera
Ipar Irlandako gobernuan presidentzia kargua hartu ondoren, Sinn Fein alderdi nazionalista irlandarra prest dago bi Irlanden bateratzea bultzatzeko.
Mary Lou McDonald alderdi honetako buruzagia, eta Sinn Fein alderdikoa ere den Michelle O'Neil, Belfastko gobernuan ministro nagusia, prest daude hamarkada honetan bi Irlanden bateratzea lortu dadin referenduma antolatzeko. Horretarako prestakuntzak egiten dagoeneko hasiko dira.
Ipar Irlandako Bake akordioek bi Irlanden bateratzea aurreikusten dute. Horretarako biztanlegoaren gehiengoak alde egon behar du.
2022Ko maiatzean egin ziren azken hauteskundeetan, Sinn Fein alderdiak lehen aldiz DUP, alderdi unionista protestantea, gaindituz, Ipar Irlandako lehen indarra izatera iritsi zen. Azken inkesta batek aurrikusten duenaren arabera, Irlandako Errepublikan ere Sinn Fein lehen indarra izango litzateke, botoen % 30 lortuz. Ikusi beharko da pronostiko horiek betetzen diren datorren urtean izango diren hauteskundeetan.
McDonaldek eta O'Neilek kaleratutako agirian azpimarratzen dutenez, bi Irlandetan gauzak aldatzeko borondatea dago. Ipar Irlandan orain arte gehiengo unionista protestantea izan da, baina gehiengo hori dagoeneko desagertu omen da.
Referendum baketsua, ordenatua, demokratikoa eta konstituzionala
Brexit-aren referendumak eredua izan beharko luke bi Irlanden batuketaren kontsulta egiteko.
McDonaldek aitortu du Ipar Irlandan biztanlegoaren gehiengoa batuketaren alde dagoela iragartzen duen inkestarik ez dagoela. Baina uste duenez, Ipar Irlandako gobernu berriarekin hori aldatuko da, jendeak batuketarako benetako posibilitatea dagoela ikusiko duenean.
John Finucane, gobernuko Ekonomia ministroak, Sinn Feinekoa bera ere, uste duenez, Europar Batasunetik Erresuma Batuaren irtetzeak errazago bihurtu du Ipar Irlanda eta Irladako Errepublikaren arteko batuketa lortzea.
Albiste gehiago mundua
Suediako Kiruna udalerriko eliza ikonikoa bost kilometro lekualdatzeko lanak hasi dituzte, errepidez
Suedia iparraldeko Kiruna udalerriko eliza ikonikoa bost kilometro lekualdatzeko lanak hasi dituzte, errepidez, bertako meategia handitu behar dutelako. Eliza 40 metro zabal da (672 tonako pisua), eta gaur hasitako operazioa asteazken arratsaldean amaitzea aurreikusi dute. Eliza daraman trailerra 500 metro orduko abiaduran mugituko da eta lekualdaketa zuzenean jarraitu ahal da Suediako telebista publikoaren webgunean.
Trumpek iragarri du Putin eta Zelenskiren arteko aldebiko bilera "antolatzen" hasi dela
Balizko aldebiko bilera horren ondoren, presidente estatubatuarra ere batuko litzateke elkarrizketetara. Bestalde, Zelenskik 77.000 milioi euroko balioa duten armak erosteko eskaintza egin dio Trumpi, Ukrainarentzako segurtasun bermeak ematearen truke.
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.