'Bazekiten lana mahai gainean zegoela', esan du epaimahaiko buruak
Joseba Sarrionandia (Iurreta, 1958) idazleak irabazi du aurten Euskadi literatura saria, euskarazko saiakera atalean. Eusko Jaurlaritzak ez dio saria emango, "justiziaren aurrean bere egoera erregularizatu artean". Izan ere, 1985etik ihes eginda dago Sarrionandia, ETAko kide izateagatik kartzelan zela bertatik ihes egin zuenetik.
ETB-1eko 'Azpimarra' saioan, izendapenaz eta Eusko Jaurlaritzaren erabakiak sortutako polemikaz aritu da Ainhoa Larrañaga, Sarrionandiari Euskadi Literatura saria ematea erabaki duen epaimahaiko burua.
Larrañagak esan du epaimahaiak oso argi zeukala saria Sarrionandiarentzat izan behar zela, eta hori ondo oinarrituta dagoela aktan. Eusko Jaurlaritzak saria atxikitzea erabaki izanak, baina, harrituta utzi du: ''Harritu nau saria aitortzeko arazorik ez egotea eta gero dirua atxikitzeko erabakia hartzea. Guk ez geneukan horren berri'', adierazi du.
Horren harira gaineratu duenez, Jaurlaritzak ''epaimahaikideok baino lehen'' zekien lana mahai gainean zegoela. Beraz, ''ez ditu bat-batean hartu'', esan du.
Ander Iturrioz Euskal Herriko idazleen elkarteko presidenteak balorazio pertsonala egin du. Iturriozen ustetan, saria politizatu egin da bete-betean, eta, bere hitzetan, arrazoi ''aktual'' batengatik: ''errelatoaren borroka''. Iturriozen ustetan, "galtzaileak eta irabazleak behar dituen errelato bat sortu nahi dute", eta ''horrelako figura bat ez da ongi uztartzen borroka horren baitan''. ''Bonbazo bat da eta ezin zuten onartu'', azpimarratu du.
Albiste gehiago literatura
EHUk Gabriel Arestiren pentsamenduaren gaurkotasuna aldarrikatu du
EHUko 35 ikasle-irakaslek gaur egundik begiratu diote duela mende erdi zendutako bilbotar idazlearen obrari eta pentsamenduari, "Gabriel Arestik ereindakoak 1975-2025" liburuan.
"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek
Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta)
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.
Literaturak eskaintzen duen ihesbidea ospatuko du Literaturiak
Maiatzaren 23tik 25era egingo dute Literaturia Zarautzen, aurten 'Ihes' lelopean. Liburu azoka, liburu aurkezpenak, elkarrizketak, eta musika, antzerki eta bertso emanaldiak bildu dituzte programan.