2016ko Literaturaren Nobel saria, Bob Dylanentzat
Suediako Akademiak Literaturaren Nobel saria Bob Dylan musikari eta poeta estatubatuarrari ematea erabaki du, epaimahaiaren aburuz, "amerikar musikagintza tradizioaren barruan adierazpide poetiko berriak sortu dituelako".
"Blowin' in the Wind," "Masters of War," "A Hard Rain's a-Gonna Fall," "The Times They Are a-Changin," "Subterranean Homesick Blues", "Like a Rolling Stone" eta beste hamaika ereserkiren egileak, dagoeneko musikaren historiako ikono argia denak, munduko kultura sari garrantzitsuenetako bat jasoko du, baita 800 000 euro inguru ere, horren kariaz.
Per Wastberg Suediako Akademiako kidearen hitzetan, “bizirik dagoen poeta handiena da, agian, Dylan”, eta Sara Danius Nobel Akademiako idazkariak, epaimahaiaren ebazpena irakurtzeko ardura izan duen emakumeak (historia osoko lehen emakumea izan da zeregin horretan), epaimahaikideen artean batasun handia egon dela azaldu du.
"Poeta handia"
Daniusek kantautore estatubatuarraren aukeraketaren alde egin du, haren "poeta" izaera azpimarratuta, eta Greziako antzinako poetekin alderatu du: "Milaka urte atzera egiten badugu, Homero eta Safo aurkituko ditugu. Kantatzeko eta musika tresnek lagunduta jasotzeko testu poetikoak sortu zituzten horiek, eta Bob Dylanekin gauza bera gertatzen da. Irakurri egin ahal da, eta irakurri egin behar da", esan du iragarpena eman eta berehala.
Dylan "ingeles hizkuntzako poeta handia da, oso berritzailea", eta 54 urtez "ekinean eta bere burua berrasmatzen" jardun du.
Dylan, euskaraz
Euskaraz, ez dago Dylanen lan idatzirik editatuta, baina Juan Garzia itzultzaileak Minnesotan jaiotako musikariaren hainbat kantu euskaratu zituen "Senez" Euskal Itzultzaile, Zuzentzaile eta Interpreteen Elkartearen aldizkarirako, 1999an.
Albiste gehiago literatura
Patxi Zubizarretak lortu du Xabier Lete beka
Euskarazko literatura sorkuntzarako 70.000 euroko dirulaguntza “Txoriei begiratzen zien gizonari begiratzen zion emakumea” proiektua gauzatzeko izango da.
EHUk Gabriel Arestiren pentsamenduaren gaurkotasuna aldarrikatu du
EHUko 35 ikasle-irakaslek gaur egundik begiratu diote duela mende erdi zendutako bilbotar idazlearen obrari eta pentsamenduari, "Gabriel Arestik ereindakoak 1975-2025" liburuan.
"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek
Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta)
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.