Franz Ferdinand, rock dantzagarriaren erregeak
Franz Ferdinand Glasgoweko taldea 2014ko Bilbao BBK Live jaialdiaren kartelburu da eta uztailaren 10ean, osteguna, izango da Kobetamendiko agertoki nagusian.
Alex Kapranosen taldeak jaialdira bertaratzen direnak dantzan jarriko ditu, Euskal Herrian izan diren besteetan egin duen gisa, 2010ean Donostian eta urtebete lehenago Bilboko Casillan.
Franz Ferdinanden arrakasta 2003an asi zen, Domino Recordsekin fitxatu zutenean. "Darts of pleasure" izeneko EPa kaleratu eta nazioarteko oihartzuna izan zuten. "Franz Ferdinand" taldearen izen bereko lehen disko luzea 2004an eta ezohiko arrakasta lortu zuten: Erresuma Batuetako zerrendetan hirugarren postua lortu zuten 2004ko otsailean eta milioi bat disko saldu zituzten Estatu Batuetan. "Take Me Out", "This Fire" eta "The Dark of the Matinée" kantuek arrakasta itzela lortu zuten. Taldeak Mercury Prize saria eskuratu zuen urte horretan:
2005eko urrian "You Could Have It So Much Better... With Franz Ferdinand" kaleratu zuten, soinu berriei aurre eginez, baina kritikak jaso zituzten denbora gutxiegi igaro zelakoan aurrekoaren eta honen artean.
Erresuma Batuan diskorik salduena izan zen eta zortzigarrena Estatu Batuetan. "Do You Want To" eta "Walk Away" gisako kantuak aurkitu daitezke lan honetan.
Franz Ferdinanden hirugarren diskoak "Tonight: Franz Ferdinand" izena hartu zuen eta Domino Recordsek kaleratu zuen 2009k urtarrilaren 26an. "Ulysses" izan zen lehen singlea eta kritikak ez zuen kantua oso ondo hartu. Diskoa, aldiz, ondo hartu zuten musika kritikoek. Kontzeptu baten inguruko diskoa da: jai-gau baten ingurukoa eta hurrengo eguneko ondorioei buruzkoa.
Franz Ferdinandek mundu mailako arrakasta zuen dagoeneko eta "No You Girls", "Cant Stop Feeling", "What She Came For" eta "Live Alone" kantuek leku berezia izan ohi dute taldearen kantutegietan. Halere, disko honek ez zuen aurrekoen arrakasta lortu.
Orain arte kaleratu duten diskoaren izena "Right Thoughts, Right Words, Right Action" da eta 2013ko abuztuan kaleratu zuten, "Right Action", "Love Illumination", "Evil Eye" eta "Bullet" arrakastekin.
Albiste gehiago musika
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.
The Beach Boys talde kaliforniarrak debuta egin du Donostiako Jazzaldian
Estreinakoz Donostiako jazzaldian, taldearen hainbat garaitako kanta ezagunak jo dituzte. Kaliforniakoen kantak belaunaldien himno bihurtu dira: gaztaroko maitasuna, surfaren kultura eta baikortasuna islatzen duten abestiak.
Jamie Cullumek ireki du aurtengo Jazzaldia kontzertu "intimo" batekin, Kursaalean
Abeslari britainiarra ia ohiko bihurtu da Jazzaldian, eta aurtengoa bere bosgarren aldia da. Hau ez da Jamie Cullumek eskainiko duen kontzertu bakarra izango, izan ere, Zurriolako hondartzan doako kontzertu bat eskainiko du, bere hitzetan "festa bat" izango dena.
Ozzy Osbourne hil da, Black Sabbath taldeko abeslaria, 76 urte zituela
Abeslari britainiarrak duela bi aste eskaini zuen agurtzeko kontzertua. Black Sabbath taldean "Paranoid", "War Pigs" eta "Sabbath Bloody Sabbath" bezalako abesti arrakastatsuak interpretatuz ekin zion haren ibilbideari. Horrez gain, bakarka ere aritu izan zen. Guztira, 100 milioi disko baino gehiago saldu zituen mundu osoan.