Boiseko Jaialdia, AEBko diasporarekin harremanak sendotzeko aldia
Euskal erakundeen ordezkaritza bat, Imanol Pradales lehendakaria buru, Boisen izango da gaurtik abuztuaren 3ra bitartean. Idahoko erakundeekin lankidetza estutzea izango dute helburu, AEBko euskal komunitateari babesa ematearekin batera.
Dena prest dago gaur Boiseko Jaialdiari hasiera emateko. Argazkia: EITB.
Astearte honetan hasiko da Boiseko (Idaho, AEB) Jaialdia, Euskal Herritik kanpo egiten den euskal herritarren topaketarik handiena, eta Ipar Amerikako diasporako herritarrekin harremanak sendotzeko aukerarik onenetakoa. Helburu horrekin bertan izango da EAEko erakundeen ordezkaritza bat, Imanol Pradales lehendakaria buru duela. Diaspora aitortu eta babesteaz gainera, Idahoko erakundeekin harremanak estutzeko ere baliatuko dute bidaia.
Imanol Pradalesek Jaialdiaren elkartasun izaera azpimarratu du sare sozialetan. "Bost kontinenteetako milaka eta milaka euskal herritar bilduko gara berriro, herri bateko kide garela berresteko eta ospatzeko, eta gure etorkizuna askatasunean, demokrazian, bakean eta justizian eraiki nahi dugula aldarrikatzeko, balio horiek partekatzen ditugun gainerako nazioekin batera, inor baino gehiago sentitu gabe", esan du.
"Ospatu eta komunitatea egingo dugu”, gaineratu du, “konplexurik gabe folklorearen balioa aldarrikatuz, zentzu zabalean ulertuta".
Horrez gainera, gogorarazi du AEBn egoteak Idahoko erakundeekin lankidetza estutzeko ere balioko duela eta hainbat arlotan (ekonomikoa, kulturala, politikoa eta ezagutzari lotutakoa, berbarako) "elkarlanerako aukera berriak” aztertzeko asmoa duela.
Eusko Jaurlaritzaren ordezkaritzak agenda betea izango du datozen egunetan. Besteak beste, bilerak izango dituzte Idahoko gobernadorearekin, Boiseko alkatearekin eta euskal diasporako ordezkariekin; Boise State Universityk antolatutako jai eta ekitaldietan egongo da, eta Jaialdiko ekintzetan ere parte hartuko du.
Guztion gustoko ekitaldiak
Idahoko euskal komunitateak gogo biziz hartuko du 2025 honetako Jaialdia; izan ere, aurreko edizioa, 2020koa, bertan behera geratu behar izan zen covid pandemiaren ondorioz. Uztailaren 29tik abuztuaren 3ra bitartean, egitarau zabala izango da Boise hiriko hainbat tokitan: kontzertuak, jardunaldi gastronomikoak, dantza ikuskizunak, herri kirolak… Kontsulta ezazu programazio osoa, hemen.
Besteak beste, Neomak, Gatibu, Amuma Says No, Xabi Aburruzaga, Tio Teronen Semeak, Añorgako Dantzariak eta Oinkari arituko dira bertan.
Era berean, edizio guztietan bezala, Sports Night izango da hitzordu nagusietako bat. Asteazken gauean izango da eta eliteko kirolariak bilduko ditu, hala nola Karmele Gisasola, Nerea Arruti, Iker Vicente, Julen Alberdi, Aitzol Atutxa eta Gari Garmendia.
Jaialdia 1987an jaio zen, ospakizun puntual gisa, eta gaur egun 40.000 pertsona baino gehiago biltzen ditu. Bost urtean behin ospatzen da eta aurtengoa zortzigarren edizioa izango da.
Zure interesekoa izan daiteke
2027ko urtarrileko manifestazioa azkena izatea nahi du Sarek, ETAko presoen auzia behin betiko ixten dela irudikatzeko
Sare herritarrak ekitaldi jendetsua egin du gaur Arrasaten, sorreratik izandako ibilbidearen balantzea egin eta "etapa bati bukaera ematen hasteko" beharra aldarrikatzeko. "Sareren amaiera, gauzak ongi eginez gero, garaipen kolektiboa eta diskretua izango da", nabarmendu dute.
Nolakoa izango da EAJren Bilboko alkategaia hautatzeko prozesua?
Hautagai berri bat izendatzeko, Bilboko batzar-arteko bilera bat egin behar da lehenbizi. Bilera horretan, hiriburuan dauden 13 udal-erakundeek eta Bizkai Buru Batzarrak parte hartzen dute.
Aburto ez da Bilboko alkate izateko hautagai gisa aurkeztuko 2027an
Hunkituta egin du iragarpena oraindik Bilboko alkatea denak: "Hausnarketa sakon bat egin ondoren, alderdiak erabaki du Bilbok lidergo berria behar duela".
Otegik ohartarazi du hauteskundeak aurreratzea PPri eta Voxi "atea irekitzea" dela: "Txantxa gutxi horrekin"
Otegiren ustez, hauteskunde orokorrak aurreratzearen alde egiten duenak "herri honi esan behar dio zer irabazten duen Euskal Herriak, bertako langileek, emakumeek, gazteek eta bere izaera nazionalak PPren eta Voxen gobernu batekin".
1991n ETAk hildako Luis Garcia Lozanoren omenezko plaka bat jarri dute Donostian
Guztira, 38 plaka jarri ditu Donostiako Udalak duela bi legealdi bultzatutako ekimenaren harian. Terrorismoaren eta indarkeria politikoaren biktimak leku publikoetan ikusarazteko bultzatu zuten egitasmoa, Udalak ohar baten bidez gogorarazi duenez.
Hainbat eragilek manifestazioa deitu dute ekainaren 20rako, Ertzaintzaren "errepresioa eta inpunitatea" salatzeko
Deitzaileen artean daude Euskal Herriko Global Sumud Flotilla, Iñigo Cabacasen, Amaia Zabarteren eta Iker Aranaren senide eta lagunak edota Mugimendu Sozialista. Talde horiek "herri mugimenduaren aurkako kriminalizazio kanpaina" egitea egotzi diote Jaurlaritzari.
Equo alderdi berdeak 15. urteurrena ospatu du Gasteizen
Equo alderdi berdeak 15. urteurrena ospatu du Gasteizen. Urte hauetan izandako bilakaera aztertu eta etorkizunari begira hausnarketa egin dute bertan. Egindako ibilbidearekin harro agertzeaz gain, gizarteak ekologia gaiekin egin duen aurrerapausoa azpimarratu dute.
Anduezak esan du PSE-EEk EAJrekin gobernatzeko duen koalizio formulari ahal den denbora guztian eutsiko diotela
Eneko Andueza PSE-EEko idazkari nagusia "oso harro" agertu da bi urte hauetan egindako lanagatik. Hainbat arlotan gobernuko bazkidearekin desadostasunak egon direla onartuta ere, EAJrekin duen koalizioaren garrantzia nabarmen du. Duela 11 urte hasi zuten ibilbidea formula arrakastatsua dela esan, eta sozialistek formula horri behar den denbora guztian eutsiko diotela iragarri du.
Aburtoren agurra: 'Bilbo efektua' auzoetara zabaldu nahi izan zuen alkatea
Juan Mari Aburtok urtebete barru utziko du Alkatetza, agintaldia amaitzearekin batera. Hiru legealditan zehar, auzoen aldeko apustuagatik bereizi nahi izan da, eta herritarren lehentasunen aldaketari aurre egin behar izan dio.
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.