Euskal kulturaren agertoki bihurtuko da berriro Boise, Jaialdia itzuli da eta
Egitarau bete-betearekin dator bueltan Boiseko Jaialdiaren zortzigarren edizioa, eta uztailaren 29tik abuztuaren 3ra euskal musikak, gastronomiak, dantzak eta herri kirolek hartuko dute hiria.
Hamar urteren ondoren, atzera berriz euskal kulturaren agertoki bihurtuko da Boise (Idaho, AEB). Bueltan da Jaialdia, eta aurreko edizioetan bezala, milaka pertsona biltzea aurreikusi dute Euzkaldunak euskal etxeko antolatzaileek. Uztailaren 29tik abuztuaren 3ra da hitzordua.
Sei egunetan dozenaka ekitaldik beteko dute jaialdiko egitaraua: musika, dantza, gastronomia eta herri kirolak uztartuko dituzte, euskal kultura zabaldu eta diaspora trinkotzea helburu duen ekimenean. Kontsultatu egitarau osoa, hemen.
Zalantzarik gabe, astebururako Expo Idahoko agertokietan programatuta dauden kontzertuek batuko dute jende gehien. Besteak beste, Neomak, Gatibu, Amuma Says No, Xabi Aburruzaga, Tio Teronen Semeak, Añorgako Dantzariak eta Oinkari igoko dira oholtzara.
Eta, nola ez, Sports Night herri kirolen festa handia izango da beste hitzordu nagusia. Han bilduko dira punta-puntako hainbat kirolari, horien artean, Karmele Gisasola, Nerea Arruti, Iker Vicente, Julen Alberdi, Aitzol Atutxa eta Gari Garmendia.
1987an jaio zen Jaialdi ekimena, eta, arian-arian, ekitaldi xume gisa hasi zena hazi egin da, 40.000 pertsona biltzeraino. Aurtengoa zortzigarren edizioa izango da. 2020koa bertan behera geratu zen, covidaren pandemia zela eta.
Bisita instituzionalak
Festa eta aldarrikapena biltzen dituen ekitaldiak bi herrien arteko harremanak sendotzea ere bilatzen du. Hori dela eta, aurten ere, Eusko Jaurlaritzak ordezkaritza zabala bidaliko du Boisera, Imanol Pradales lehendakaria buru.
Ohar batean, Lehendakaritzak azaldu du Pradalesen bidaia ofizialak “agenda politiko eta kultural bizia” uztartuko dituela, "Euskadiren nazioarteko errekonozimendu eta proiekzioaren alde apustu argia" egiteko.
"Eusko Jaurlaritzak bi helburu hauek ditu: batetik, Idaho estatuko eta Boise hiriko agintariekin harreman instituzionalak sendotzea, eta, bestetik, Estatu Batuetako euskal komunitatea errekonozitu eta babestea, euskal kulturaren eta balioen enbaxadore naturala izan baita hamarkada askotan”, nabarmendu du Jaurlaritzak idatzian.
Zure interesekoa izan daiteke
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.