Sergio Blanco musikari bilbotarra hil da, Mocedadeseko kidea
Sergio Blanco abeslari bilbotarra hil da (66 urte) gaur Madrilgo San Camilo ospitalean, gaixotasun luze baten ondorioz, Allende Blanco musikariaren alabak berri eman dutenez. Mocedades eta El Consorcio musika taldeetako kidea izan zen eta, Estibaliz Uranga emaztearekin batera, Sergio eta Estibaliz bikote musikala osatu zuen.
Familiak hala eskatuta, ez da ezagutzera emango hil-kaperari eta musikaria lurperatuko duten tokiari buruzko informazioa.
Biografia
Sergio Blanco 1948ko azaroaren 17an jaio zen Bilbon. Aeronautikako ingeniari ikasketak egiten hasi zen, baina Industria Ingeniaritza Teknikoan lizentziatu zen.
1968an hasi zen abesten Estibaliz Urangarekin Voces y guitarras taldearen baitan, Mocedades taldearen aurrekari izan zena. Mocedades taldearekin hiru disko grabatu zituen, horien artean, Buscame. Halaber, hainbat abesti idatzi zituen, besteak beste, "Yesterday was a happy day".
1972. urtean Sergiok eta Estibalizek taldea utzi zuten eta bikote gisa beren ibilbidea hasi zuten 1973ko azaroan, Sergio eta Estibaliz izenarekin. 1975eko martxoan Espainia ordezkatu zuten Eurovision lehiaketan "Tu volveras" abestiarekin eta hamargarren tokian sailkatu ziren. Hilabete batzuk geroago, abenduaren 9an, Sergio Blanco eta Estibaliz Uranga ezkondu egin ziren Bilbon.
1984. urtean agerpen laburra egin zuten Mocedades taldearen 15. urteurreneko musika kontzertuan, hiru kantu abestuz.
De par en par (1989) eta Planeta tierra (1992) diskoek izandako harrera epelaren ondotik, Sergio eta Estibaliz bikote musikalak bere ibilbideari amaiera eman zion. Geroago, Sergio Blancok, Estibaliz, Amaya eta Iñaki Uranga anai-arrebek eta Carlos Zubiagak El Consorcio taldea sortu zuten eta guztira, zazpi disko grabatu zituzten, azkena, 2008an argitaratutako Querido Juan.
Albiste gehiago musika
Donostiako Jazzaldiak "arrakasta handiarekin" eta "sasoi betean" itxi du bere 60. edizioa
Miguel Martinen azken edizioa izan da, zuzendari gisa, baina Donostiako jaialdiaren "zerbitzura" lanean jarraituko du. Martinek ordainpeko 17 kontzertutan harmailak lepo bete direla nabarmendu du, eta gainerakoetan ia beteta egon direla. Doako 52 kontzertuek 158.700 pertsona batu dituzte, eta ordainpekoek, berriz, 20.480.
Jimmie Vaughan blues rockaren izen handia, IV. Bilbao Blues Festival Saria
Jaialdiko txapela jaso du larunbat honetan Vaughanek (Texas, 1951), eta, ondoren, kontzertua eskaini du, Estatuko bakarra. 1976an The Fabulous Thunderbirds talde mitikoa sortu zuen Vaughanek eta, 1989an taldea utzi ondoren, bakarlari gisa aritu zen. Guztira, lau Grammy irabazi ditu.
Bulego taldeak Jazzaldiko publikoa bereganatu du
Donostiako jazz jaialdiaren barruan, energiaz beteriko zuzenekoa eskaini du bart Azkoitiko taldeak Zurriola hondartzan, familiaz eta gaztez osatutako publikoaren aurrean.
Dee Dee Bridgewaterrek, jazzaren izar handiak, Donostiako Jazzaldia saria jaso du
Menphiseko abeslari handiaren lau hamarkada baino gehiagoko ibilibidea saritu nahi izan dute. Bridgewater Donostiako Jazzaldiaren oholtza gainean zuzenean aritu da ostiral honetan. Golardoa jasotzean, "emakume guztien eta bereziki emakume beltzen" alde egindako lana aldarrikatu du.
Latzen taldea oholtza gainean da berriro, 17 urteren ondotik
Egunotan Lakuntzan ospatzen ari diren Hatortxu Rock jaialdiaren azken edizioan agertu da berriro Oñatiko heavy taldea. Bi maketa eta bi diskoren ostean, 1999. urtean banandu ziren. 2007an, laukoteak itzulera bira bat egin zuen, "Hellmuga" diskoan jasoa gelditu zena.
Mississippi Queen & The Wet Dogs bilbotarrek hasiera eman diote Bilbao Blues Festival jaialdiari
Igandera arte, Bilbo bluesaren munduko hiriburua izango da, eta bertan ez da legendarik eta ezustekorik faltako. Ostiral honetan Mississippi Queen & The Wet Dogs, The Kings of Blues eta Blackburn Brothers taldeen txanda izan da.
Jamie Cullumek festa handia bihurtu du Zurriola hondartzako kontzertua
Zurriolako hondartza agertoki bikaina izan da, beste behin, Jamie Cullum britaniar artista entzutetsua hartzeko. Cullum Donostiara itzuli da bostgarren aldiz, jazz, pop eta swing estiloak nahasten dituen errepertorio berriarekin.
The Beach Boys talde kaliforniarrak debuta egin du Donostiako Jazzaldian
Estreinakoz Donostiako jazzaldian, taldearen hainbat garaitako kanta ezagunak jo dituzte. Kaliforniakoen kantak belaunaldien himno bihurtu dira: gaztaroko maitasuna, surfaren kultura eta baikortasuna islatzen duten abestiak.
Jamie Cullumek ireki du aurtengo Jazzaldia kontzertu "intimo" batekin, Kursaalean
Abeslari britainiarra ia ohiko bihurtu da Jazzaldian, eta aurtengoa bere bosgarren aldia da. Hau ez da Jamie Cullumek eskainiko duen kontzertu bakarra izango, izan ere, Zurriolako hondartzan doako kontzertu bat eskainiko du, bere hitzetan "festa bat" izango dena.
Ozzy Osbourne hil da, Black Sabbath taldeko abeslaria, 76 urte zituela
Abeslari britainiarrak duela bi aste eskaini zuen agurtzeko kontzertua. Black Sabbath taldean "Paranoid", "War Pigs" eta "Sabbath Bloody Sabbath" bezalako abesti arrakastatsuak interpretatuz ekin zion haren ibilbideari. Horrez gain, bakarka ere aritu izan zen. Guztira, 100 milioi disko baino gehiago saldu zituen mundu osoan.