Artur Masek Kataluniako hauteskundeak azaroaren 25era aurreratu ditu
Artur Mas Generalitateko presidenteak Kataluniako hauteskundeak datorren azaroaren 25ean izango direla iragarri du, Kataluniako Parlamentuan egin duen agerraldian.
Mas presidenteak iragarpen horrekin ekin dio Kataluniako Politika Orokorreko eztabaidari, aurrez Nuria de Gispert Kataluniako Parlamentuko presidentearekin elkartu da, eta bere asmoen berri eman dio.
Kataluniako presidenteak Diada egunean Bartzelonan egindako manifestazio jendetsua gogoratu du, eta fede ekintza gisa izendatu du. Artur Masek gaineratu du, orain berari eta gainerako politikoei dagokiela gertaturikoa interpretatzea.
"Niri dagokit interpretatzea eta horren ondorioak kontuan izanda jardutea, eta hori izan da egunotan egiten saiatu naizena", adierazi du Masek. Hausnarketa egun batzuen ostean, "erabakitzeko" eta "ekintza zehatzen" unea iritsi dela azaldu du, batik bat Kataluniarentzako paktu fiskala negoziatzeari Mariano Rajoy Gobernuko presidenteak ez esan ostean.
Artur Masen ustez, egoera politikoak norabide aldaketa izan du: "Manifestazioa izugarriak eta paktu fiskala negoziatzeari uko egiteak nire ideiekin eta konpromisoekin bat etortzera eraman didate".
Masen hitzetan, Rajoyk paktu fiskala errefusatzea eta Diadako manifestazioaren erreakzioak argi utzi dute Espainiak Katalunia ulertu gabe jarraitzen duela: "Europako nazio zaharrenetako batek errespetua, subiranotasuna, osotasun nazionala eta Europar Batasunaren barruan Estatu propioa izatea eskatu du", Madrilek ez du horri buruzko aipamenik egin.
Autodeterminazio eskubidea
Bere hitzaldiaren amaieran, Artur Masek esan du Kataluniari ordua iritsi zaiola "autodeterminazio eskubidea erabiltzeko". "Kataluniako herritarrek euren bidea askatasunez erabaki behar dute. Herritarren borondatea bete dezagun", esan du.
Azaroaren 25eko hauteskundeetatik aterako den Parlamentu berriak "misio historikoari" heldu beharko diola esan du Artur Masek: "Seguruenik azken 300 urteetako erronkarik garrantzitsu eta zailena izango da", gaineratu du.
‘Murrizketa gehiago izango dira’
Bestalde, Artur Masek azaroaren 25eko hauteskunde autonomikoen ostean aurrekontuetan murrizketak egiten jarraituko dutela azaldu du, eta "herrialdeari horiek amaitu egingo direla zin egitea engainatzea da", gaineratu du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.