Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Ipar Euskal Herriko udal hauteskundeen bigarren itzulian 11 herritan aukeratutako alkateek kargua hartu dute azken egunotan. Gaur goizean, Baionako eta Biarrizko aginte makila jaso dute, hurrenez hurren, Jean-Rene Etchegarayk eta Serge Blancok. Atzo, Kanboko eta Hendaiako alkateen txanda izan zen, hots, Peio Etxeleku eta Kotte Ecenarrorena.
Jean-Rene Etchegarayk ondo baino hobeto ezagutzen du Baionako herriko etxea, azken 12 urteotan bera izan baita bertako auzapeza. Hautagai zentristak 6 urte gehiago egingo ditu karguan, botoen % 50,70 eskuratu baitzituen martxoaren 22ko bozetan.
Serge Blanco errubgi jokalari ohi ezagunarentzat, ordea, estreinako aldia izango da zeregin horietan. Orain arte Biarrizko alkate izandako Maider Arosteguyri gailendu zitzaion, botoen % 41,92 lortuta.
Atzo izan zuten kargua hartzeko eguna Peio Etxelekuk eta Kotte Ecenarrok, hurrenez hurren, Kanboko eta Hendaiako auzapezek.
Etxeleku jeltzalea aurrenekoz arituko da Kanboko Alkatetzan, baina gertutik ezagutzen du herriko etxea, duela 6 urte zinegotzi aukeratu baitzuten Christian Deveze orain arteko auzapez eskuindarraren zerrendaren baitan. Oraingoan, baina, bere zerrenda propioa osatuta irabazi ditu hauteskundeak, botoen % 46 eskuratuta. Kargua hartzeko ekitaldian nabarmendu zuenez, "ardura eta poza" ditu dantzan, biak nahasian. Horren hitzetan, interes orokorra zaintzea izango da bere egitekoa, eta berrikuntza gisa, alkateorde postua eskaini dio oposizioari.
Ecenarro sozialista beteranoa da Hendaiako herriko etxean, laugarren agintaldia egiteko eskubidea lortu baitzuen martxoaren 22ko bigarren itzulian, botoen % 44,31 eskuratuta.
Herri kontseiluak osatuta, hurrengo hitzordu garrantzitsua apirilaren 11n izango dute Ipar Euskal Herrian, Euskal Hirigune Elkargoko presidentea aukeratuko baitute. Ikuskizun dago nork aurkezten duen bere burua presidente kargurako; besteak beste, Etchegaray egungo burua, Peio Etxeleku jeltzalea eta Jean Claude Iriart Baionako EH Bairen hautagaia izan litezke lehian.
Galdetu dioten arren, Etchegarayk ez du argitu hautagai izango ote den.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.