Iparralde

"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.

Tenperatura maximoak 36 gradu ingurukoak izan daitezke Ebro inguruan, Arabako hegoaldean, Nafarroako erdialdean bezala, eta 38 gradu ingurukoak Erriberan. Kostaldean, ostera, ez du bero handirik egingo, 25 gradu inguruko tenperaturekin.

XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.

Baionako bestak ohi baino bi aste lehenago hasi ziren asteazken gauean, herriko etxeko balkoitik giltzak jaurtiz bost gau eta lau eguneko parranda abiatzeko.

02:45 aldera desagertu omen da, jai-eremutik kilometro batera. Suhiltzaileak eta bi urpekari bertaratu dira, eta droneak ere baliatu dituzte hura bilatzeko lanetan.

Urtero legez, Leon Erregearen Iratzartzeak eman dio hasiera Baionako besten hasierari. Hiriko hiru giltzak udaletxeko balkoitik jaurtita, hasi dira Lapurdiko hiriburuko festak.

Baionako Lanbide Heziketako ikastetxe batean sute handia izan da eguerdian, eta lau lagun zauritu dira. 45 suhiltzailek lanak izan dituzte sua itzaltzeko eta 200 lagun bertatik ateratzeko.

Zuzendaritzak ez du baztertzen sua inork piztu izana, eta ikerketa zabalik dago. 

Igande gaueko zirimiriarekin batera, astelehenean freskotasuna eta zirimiria bueltatuko da Euskal Herrira, tenperatura jaitsierekin. Hala ere, San Fermin eguna euririk gabe ospatu ahalko da. Asteak aurrera egin ahala, ordea, termometroek gora egingo dute berriro ere.

Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.

Asteburuko bero-boladak jarraipena izango du astean zehar, eta 30 ºC-tik gorako tenperaturak neurtuko dira berriro hiriburuetan.

Kostaldean edo barnealdean, igande honetan jende askok eguna naturguneetan pasatzea erabaki du, eguzkia hartzen edo familian jarduera ezberdinak egiten. Hala ere, batzuek beren lan betebeharrak bete behar izan dituzte bero bolada betean, eta, horren ondorioz, ordutegiak egokitu eta eguneko ordurik freskoenetan lan egin behar izan dute.

Euskal Herriko tenperaturak 40º C-tik gertu dira eremu gehienetan; batez ere, Nafarroako hegoaldean.

Enkarterrin, Bizkaian, 35 gradutik gorako tenperaturak izan dira, oro har. Tenperatura beroenak Balmasedan (38,7 gradu), Zallan (37,9 ºC) eta Sodupen (37,8 ºC)  izan dira.

Egun dauden prefabrikatuetatik gertu, lursail bat erosi du Beskoitzeko Udalak, eta horren zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean hasiko dira lanak, eta hurrengo ikasturtean hasiko dira Beskoitze aldeko 50 haur inguru baldintza duinetan euskaraz ikasten.

Ipar Euskal Herriko 4.500 ikasle inguru daude deituta egunotan baxoa azterketak egitera. Azterketa frantsesez egin behar dute derrigorrez, nahiz eta txikitatik ikasketak euskaraz egin dituzten.

Trumoi-zaparradak bota ditzake, zenbait lekutan handiak izan daitezke eta txingorra egin dezake. Nafarroako hegoaldeko muturrean ere zaparradak eta trumoi-ekaitzak izango dira, Espainiako Meteorologia Agentziak iragarri duenez. 

Haizeak hegoaldetik joko du, eta nabarituko da. Arratsaldean bero-hodeiak agertuko dira, eta zaparrada trumoitsu batzuk bota ditzake. Han-hemenka zaparrada handiak izan daitezke, eta txingorra bota dezake.

Saharako hautsa hego-mendebaldetik iritsi da, eta datozen egunetan ipar-ekialderantz egingo du pixkanaka. Partikula txikiek osasunean eragin dezakete, arnasteko arazoak eta mukosen narritadura areagotuz.