Jauregui: 'Konstituzioak ez du inoiz autodeterminazioa jasoko'
Ramon Jauregui PSOEren eurodiputatuak eta lehendakariorde izandakoak Espainiaren Konstituzioa eta Autonomia Estatutua erreformatzearen alde egin du gaur, euskal autogobernua XXI. mendera egokitzeko bidean. Dena dela, buruzagi sozialistak garbi utzi du Espainian ez dela izango autodeterminazio eskubidea jasoko duen konstituziorik.
Eusko Legebiltzarreko autogobernuko lantaldean azaldu duenez, estatu eredu federal batera iristea da helburua, eta bide horretan Euskal Herriak zuzenean parte hartu behar du. "EAEren egoera ezin hobea da, Espainiako kide izanda ia erabateko autonomia duelako eta ekonomikoki onura handiak dituelako", esan du.
Euskal Herriak Espainiarekin duen lotura hautsiko balu, euskaldunentzat "ondorioak jasanezinak" izango liratekeela gaineratu du. Europara begira ere, Euskal Herriaren independentzia ez litzatekeela bideragarria izango nabarmendu du, Europako Batasunak ez duelako estatu berri gehiago onartuko.
Euskal Herriak ez ditu estatu izaera erdiesteko ezaugarriak betetzen, Jaureguiren aburuz. "Konstituzioaren erreforma beharrezkoa da, baina erreforma horretan ez da autodeterminazioa eskubidea jasoko. Etorkizuneko egonkortasuna zalantzan jarriko duen araurik ez da jasoko", zehaztu du.
Etorkizun politikoa erabakitzeko kontsultak egitearen kontra agertu da, "muturreko irtenbideak" proposatzen direlako galdeketetan, "xehetasunak kontuan hartu gabe".
Gernikako Estatutua onartu zenetik, egungo estatu ereduak emaitza oso onak ekarri ditu Euskal Herrira, eurodiputatuaren arabera, baina autogobernua eguneratzeko "eskaera politikoa" egon badagoela onartu du.
Zure interesekoa izan daiteke
Lourdes Herrasti eta Paco Etxeberria omendu dituzte, memoria demokratikoa berreskuratzeko egindako lanagatik
Gerra Zibilaren hasieraren 90. urteurrena dela eta, Gipuzkoako Foru Aldundiak ekitaldi instituzionala egin du ostiral honetan Aieteko Jauregiaren lorategietan, Giza Eskubideen Etxearen egoitzan.
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.
EAJk eta EH Bilduk Euskal Herriaren eta Estatuaren arteko harreman politiko berri bat aldarrikatu dute adierazpen bateratu batean
Ekimena Foruen abolizioaren 150. urteurrenarekin eta Bergarako Alkate Mugimenduaren 50. urteurrenarekin bat dator; bi efemerideak igande honetan gogoratuko dituzte.
Giza Eskubideen Behatokiaren txosten batek Estatuko aparatuak lotu ditu Perturren desagerpenarekin
40 orrialdeko txosten baten bidez, ondorioztatzen du Perturren desagerpena Estatuko aparatu polizial edo parapolizialen operazio baten ondorio izan zela, eta haren ingurune politikotik etorritako lankidetza batek erraztu zuela.
Eusko Jaurlaritzak gaur espero du Espainiako Gobernuaren transferentzien inguruko proposamen berriak jasotzea
Gizarte Segurantzaren eskumen batzuk eta interes orokorreko portuen transferentzien inguruan negoziatzen jarraitzen dute, eta behin proposamena jasota erabakiko du Jaurlaritzak abuztua aurretik egin beharreko Bitariko Batzordearen bilerara bilerara agertuko den ala ez.
Albiste izango dira: Transferentzien inguruko proposamen berria, Pasai Antxoko geltokiaren inaugurazioa eta Trumpek nazioari eskainitako hitzaldia
Gaurkoan Orain-en albiste izango direnen laburpena, bi hitzetan.
Zeintzuk dira hurrengo urratsak? Epaiak ez du ekarriko Puigdemonti amnistia berehala ezartzea
Carles Puigdemont presidente ohia eta Toni Comin zein Lluis Puig kontseilari ohiak atxilotzeko aginduek indarrean jarraitzen dute. Europako epaia gorabehera, Espainiako Justiziak kasua aztertzeko eta ebazteko ardura du orain.
Madrilgo Auzitegiak berretsi egin du herri-epaimahai batek epaituko duela Begoña Gomez, eta kautelazko neurriak kendu dizkio
Ihes egiteko arriskurik ez dagoela iritzita kendu dizkio aurretik ezarritako kautelazko neurriak, hau da, Espainiatik irteteko debekua, pasaportea entregatzea eta 15 egunean behin agintaritza judizialaren aurrean sinatzeko betebeharra. Hala ere, lokalizatuta egon beharko du une oro.