Cristina infantaren aurkako epaiketa historikoa gaur hasiko da Palman
Balear Uharteetako Administrazio Publikoaren Eskolan, Palmako kanpoaldean, hasiko da gaur 09:15 aldera Cristina infanta, haren senarra, Iñaki Urdangarin, eta beste 16 akusatu epaituko dituen ahozko saioa, Noos auziaren baitan.
Espainiako errege familiaren kide bat erruztatuen aulkian lehen aldiz eseriko duen ahozko saioak historiako ikusmin judizial handiena piztu du. Hala, nazioarteko eta Espainiako 84 komunikabidek jarraituko dute epaiketa. 352 lekukok testigantza emango dute prozesuan.
Urdangarinek eta haren bazkide ohiak, Diego Torresek, sortutako entitateak diru publikoarekin aberasteko ustezko sarea epaituko dute. Entitateek 3,5 bat milioi jaso zituzten Valentziako administrazio publikoen eskutik, beste 2,5 milioi Balear Uharteetako Gobernuarengandik, eta Madrilgo Udalak ere beste 114.000 euro eman zizkien. Ogasunari egindako iruzurra ere epaituko dute.
Akusatu nagusiak biak dira, baina Cristina infantak eta Ana Maria Tejeiro Torresen emazteak ustezko sarean erantzukizun zibila dutela uste du magistratuak, diru-sarrerak gastu pertsonalentzako erabiltzeagatik.
Gainera, zerga delituetan laguntzea leporatu dio Manos Limpiasek Cristinari, eta dirua zuritzea Tejeirori.
Herri akusazioa
Aldeek aurretiazko gaiak planteatuko dituzte gaur. Horrela, Manos Limpias herri akusazioaren legitimazioa zalantzan jarriko du erregearen arrebaren defentsak. Infantaren aurkako akusazioa bakarka aurrera eramateko gaitasunik ez duela uste du Cristinaren abokatuek. Zortzi urteko espetxe-zigorra eskatu du sindikatuak, senarrari zerga delituetan laguntzeagatik.
Ustelkeriaren Kontrako Fiskaltzak eta Estatuko Abokatutzak infantaren aurkako prozedura artxibatzea eskatu zuten, baina erantzukizun zibila duela uste dute: Ogasuneko ordezkari legalen arabera, 587.413 euro eta 168.571 euro eraman zituen.
Sindikatuak bakarrik erregearen arrebaren aurkako akusazioa mantentzerik ez duela azalduko dute Cristinaren abokatuak gaurko ahozko saioan. Horretarako Botin doktrina erabiliko dute.
Miquel Roca, Cristina infantaren abokatuetako bat. Argazkia: EFE
Prozedura Kriminaleko Legearen 782.1 artikulua eta Auzitegi Gorenak 2007an ezarritako doktrina hori aplikatzea eskatuko dute. Botin doktrinaren arabera, herri akusazioak ezin du bakarka inor zerga delituengatik erruztatuen aulkian eseri.
Lau aste
Aurretiazko gaiak ebatzi ondoren, Samantha Romerok, Eleonor Moyak eta Rocio Martinek osatutako epaimahaiak lau aste izango ditu erabakitzeko; izan ere, epaiketak otsailaren 9an jarraituko du.
Infantari Botin doktrina aplikatu ala ez erabakiko dute epaileek. Ondoren, akusatuek agerraldia egingo dute otsailaren 9tik 26ra bitartean. Jose Luis Pepote Ballester Balear Uharteetako Gobernuaren Kirol zuzendari nagusi ohia aurrena izango da, Ministerio Fiskalak proposatutako ordenaren arabera. Ondoren 352 lekukok deklaratuko dute martxoaren 8tik maiatzaren 17ra.
18 akusatuak
Noos auziak 18 pertsona eseriko ditu akusatuen aulkian: Cristina infanta eta Iñaki Urdangarin, Diego Torres bazkide ohia eta Ana Maria Tejeiro (Torresen emaztea), Marco Antonio eta Miguel Tejeiro (Torresen koinatuak), eta Jaume Matas Balear Uharteetako presidente ohia, besteak beste.
Horiekin batera, Jose Luis Ballester, Gonzalo Bernal, Juan Carlos Alia eta Miguel Angel Bonet Balear Uharteetako Administrazioaren goi-kargudun ohiak, Alfonso Grau, Luis Lobon, Jose Manuel Aguilar, Jorge Vela eta Elisa Maldonado Valentziako arduradun publiko ohiak, Mercedes Coghen Madrid 16ko kontseilari delegatu ohia eta Salvador Trinxet aholkulari fiskala daude auziperaturik.
Noos auzia Palmako auzitegiaren lehen sekzioak epaituko du. Juan Pedro Yllanes magistratua izango da epaimahaiko presidentea; Samantha Romero, txostengilea, eta Eleonor Moya, hirugarren magistratua.
Epaiketaren aretoa. Argazkia: EFE
Rato, Gallardon, Aza eta Almansa, lekukoak
Besteak beste, Fernando Almansa eta Alberto Aza (Erregearen Etxeko buru ohiak), Rodrigo Rato (Ekonomia ministro, Gobernuko presidenteorde eta NDFko presidente ohia) eta Alberto Ruiz-Gallardon (Madrilgo alkate eta Justizia ministro ohia) deitu dituzte lekuko gisa deklaratzera.
Guztira, 364 lekuko onartu ditu Auzitegiak, baina Felipe VI.aren deklarazioa legeak derrigortuta baztertu du. Gainera, ahozko saioan 21 aditu deitzea onartu du.
Ustelkeriaren Aurkako Fiskaltzak eskatutako 347 lekuko onartu ditu; besteak beste, Carlos Garcia Revenga infanten idazkari ohia eta Jose Manuel Romero (Fontaoko kondea) Erregearen Etxeko aholkulari juridiko ohia. Revenga auzian inputaturik egon zen.
Francisco Camps Valentziako presidente ohiak, Rita Barbera Valentziako alkateak, Esteban Gonzalez Pons kontseilari ohiak, eta Francisco Roig eta Vicente Soriano kirol enpresaburuek ere, lekuko bezala deklaratuko dute.
Noos auziaren dokumentazioa. Argazkia: EFE
Zure interesekoa izan daiteke
Aurrekari penalik eskatu gabe etorkinen erregularizazioaren alde egotea leporatu dio De Andresek EAJri
Javier de Andres Euskadiko PPko presidenteak EAJ kritikatu du Espainiako Gobernuak bultzatutako etorkinen erregularizazioren alde egoteagatik. Zentraltasunari uko egin diola eta ezkerraren koartada izatera pasa dela salatu du.
EAJk etxebizitzaren erronkari aurre egiteko euskal eredua aldarrikatu du
Etxebizitzari buruz eztabaidatzeko Bilbon egin duen ekitaldian, EAJk esan du laguntzak ematea, gehiago eraikitzea eta burokrazia murriztea dela bide egokia. Erronka konplexua dela eta ez duela konponbide bakarra adierazi du Joseba Díez Antxustegik, baina erantsi du EAJ lanean ari dela alokairuan zein etxebizitza propioan bizi nahi dutenei etxebizitza bat eskuratzeko aukera bermatzeko.
Anduezak esan du PSE-EEk ez diola uko egingo EAJrekin koalizioan gobernatzeari
Bilbon egin duten bileran, PSE-EEko idazkari nagusiak adierazi du bi alderdien arteko desadostasunen atzean ez dagoela hauteskundeei begira egindako kalkulurik. Eneko Anduezak esan du herritarren interesak defendatzea dela sozialisten helburu nagusia.
Voxek totalitarioa izatea leporatu dio EHUko errektoreari, eta kargutik kentzeko eta gaitasungabetzeko eskatu du
Amaia Martinez legebiltzarkideak totalitariotzat jo du Joserramon Bengoetxea EHUko errektorea, Voxek EHUren Arabako campusean ekitaldia egingo duela iragarri ostean unibertsitatea ixtea erabaki duelako.
Otegik EH Bilduren eredu munizipalista aldarrikatu du, "segurtasuna ematen" dielako herritarrei
Ezkerreko subiranistentzat munizipalismoa "herritarrak babesteko tresna" da, koalizioaren buruzagiak IV. Konferentzia Munizipalistan adierazi duenez.
Fiskaltzak artxibatu egin du EH Bilduk Guardiako EAJko alkatearen aurka jarritako salaketa
Alkateak presio kanpaina bat egitea leporatu dio koalizioari.
Bengoetxea, EHUko errektorea: "Ikasle-mugimenduari eskatu diogu ez erortzeko probokazioetan"
Joxerramon Bengoetxea EHUko errektoreak zentzuz jokatzeko eta probokazioetan ez erortzeko deia egin du. Ikasle-antolakundeekin harremanetan jarri dela adierazi du, eta Voxen jokoari ez jarraitzeko eskatu die, baina, horren ustez, "libre dira nola jokatu nahi duten erabakitzeko".
Santurtziko Udalak Fiskaltzari helarazi dio Udaltzaingoaren azterketen ustezko filtrazioaren kasua
Segurtasun arloko zinegotzi ohi Sonia Lopezen mezu elektronikoak aztertu ondoren, gertakariak Bizkaiko Fiskaltzaren aurrean aurkezteko izapideak hasteko erabakia hartu du gobernu-taldeak.
Aitor Esteban estatus berriaren itunaz: "Duela pare bat aste itxaropentsu nengoen, orain zalantzak ditut"
"Egun on" saioan Aitor Esteban EAJren EBBko presidenteak esan duenez, "duela pare bat aste itxaropentsu" zegoen estatus berria adosteko aukeraren aurrean, EAJ, EH Bildu eta PSE-EEren arteko hiruko elkarrizketak ikusita, baina "orain zalantzak" ditu. "Ateak irekita daudela dirudienean, ustekaberen bat gertatzen da", adierazi du.
ETAko preso batzuek jasotako espetxe baimen eta gradu aldaketaren inguruko eztabaida izan da gaur Legebiltzarrean
ETAko presoei mesede-tratua ematea leporatu diete Javier De Andres Euskadiko PPko buruak eta Amaia Martinez Voxeko legebiltzarkideak Imanol Pradales lehendakariari eta Maria Jesus San Jose Justizia sailburuari.