Carolina Bescansak Podemosen zuzendaritza utzi du
Carolina Bescansa Podemoseko hirugarren buruzagiak eta Nacho Alvarez Ekonomia arduradunak Podemosen zuzendaritza uzteko erabakia hartu dutela jakinarazi dute.
Sare sozialen bidez zabaldu duten gutunean, Pablo Iglesiasek eta Iñigo Errejonek izan duten jarrera gogor kritikatu dute, "elkarrizketarako eta akordiorako borondateari bizkarra emanez ari direlako".
Hortaz, alderdiaren zuzendaritza lehiatzeko aurkeztuko diren zerrendetako bakar batekin ere ezin dutela bat egin nabarmendu dute.
Agiri horretan azpimarratu dute "ohore bat" izan dela Podemoseko zuzendaritzako partaide izan izana, "baina une honetan beste toki batetik lagungarriagoak izango garelakoan gaude, Podemosek otsailaren 13tik aurrera izango dituen erronkei baldintzarik onenetan aurre egiteko asmoz".
"Ez diogu gure erantzukizunari uko egiten. Baina uste dugu Podemosen sorrera eragin zuten eztabaida politiko handiak berreskuratzen lagundu behar dugula orain eta horretarako atzera pausu bat eman behar dugu", azaldu dute.
Pablo Iglesiasek eta Iñigo Errejonek izan duten liskarrak "zarata handia" sorrarazi duela eta horrek alderdiaren baitan proiektu politikoak lasaitasunez eztabaidatzea galarazi duela kritikatu dute.
"Duela hilabete, konfrontazioari irtenbidea eman nahian, gutxiengo akordio batera heltzea proposatu genuen, proiektu politikoak eta antolakuntzari buruzko proposamenak eztabaidatu ahal izateko", gogoratu dute.
"Alabaina, gaur aitortu behar dugu ez dugula gure helburuetako bat bera ere bete", erantsi dute.
"Erabaki zail hau itxaropenarekin hartu dugu, Podemos zaintzea beste edozein helbururen gainetik dagoelako", zehaztu dute.
Akordio falta Iglesias eta Errejonen artean
Pablo Iglesias Podemoseko idazkari nagusiak eta Iñigo Errejon alderdiko idazkari politikoak ez dute akordiorik lortu eta bakoitzak bere proiektua defendatuko du otsailean.
Bien arteko desadostasun politikoek ezinezkoa egin dute proiektu bera aurkeztea, eta azken hamar egunotan sortu diren desadostasunen ondorioz bakoitzak bere proposamena aurkeztuko du.
Egunetik egunera Iglesiasen eta Errejonen arteko desadostasunak areagotu besterik ez dira egin. Dena dela, akordioa bilatzeko harremanetan jarraitu dute azkeneko unera arte.
Errejonen aldeko alderdikideek akordioa bilatzeko borondate falta leporatu diote Iglesiasi. Bestalde, Iglesiasi babesa ematen dietenek botereari garrantzia handiegia ematen diola leporatu diote Errejoni.
Zure interesekoa izan daiteke
Bilboko Konpartsek eta Sarek manifestazioa deitu dute abuztuaren 28rako, 2027an euskal presorik egon ez dadin aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.