Euskal errepublika aldarrikatu dute Gernikako Aberri Egunean
Milaka pertsona bildu dira gaur Gernikan (Bizkaia) Aberri Eguna dela eta, lehen "euskal errepublika" aldarrikatzeko. EH Bilduk koalizioak eta LAB sindikatuak bat egin dute deialdiarekin.
Azken urteotan egin duten moduan, Independentistak sareak Aberri Eguna ospatzeko ekitaldia antolatu du. Aurten, Gernikako bonbardaketaren 80. urteurrena izanik, Gernikan ospatu dute, orain dela bost urte bezala. Hori dela eta, Gernika Batzordea elkarteak hartu du parte antolakuntzan.
Manifestazio batekin ekin diote ospakizunari, "Askatasuna eta bakea. Euskal Herria erabaki!" lemapean eta ikurriña eta estelada ugari zituztela.
Manifestazioa egin dute Gernikako kaleetan barrena. Argazkia: EFE
Gernikako kaleetan barrena "independentzia" leloa oihukatuz ibili ondoren, ekitaldi politikoa hasi dute, "Gernikatik independentziara" goiburua ardatz hartuta. Txutxi Ariznabarreta Independentistak sareko bozeramaileak azpimarratu duenez, Aberri Egunak "subiranotasunaren prozesuaren ziklo berria" abiatuko du, "lehen euskal errepublika independientea" lortzeko. Berebat, "gizartearen gehiengo independentista sustatzea premiazkoa" iruditzen zaiola aldarrikatu du.
Maddalen Iriarte EH Bilduko parlamentaria izan da ekitaldian, eta bat egiteko deia zabaldu du, "Guztion artean Euskal Herri askea" lortzeko. Iriarteren aburuz, ETAren armagabetzeak ekarri duen garai itxaropentsua euskal gizarteari zor diogu: "Haiek izan dira herri hau, behin eta berriz, dagokion tokira ekarri dutenak". Zentzu horretan, euskal herritarrei "hegan" egiteko deia luzatu die, "I. euskal errepublika" aldarrikatzeko.
Horrez gain, Maiorga Ramirez parlamentari nafarrak ez ezik, Xabier Ugartemendia LAB sindikatuko kideak ere hartu du parte. Ordezkari sindikalaren esanetan, "konpententziatan oinarritutako eredua agortuta dago" eta "ezinbestekoa da euskal estatua sortzea kapitalismoari aurre egiteko".
Halaber, Jordi Gaseni independentziaren aldeko herrien Kataluniako elkarteko (AMI) presidenteordea Gernikara joan da. "Amaierara heltzeko prest" daudela berretsi su Gasenik: "Edozer egiteko prest gaude, baita Espainiako Gobernuarekin erreferenduma adosteko ere", gaineratu du.
Agiria
Manifestazioa amaitu denean, Gernikako Aberri Egunaren antolatzaileek agiri bat irakurri dute, eta horren arabera, "Euskal Herriaren etorkizunari buruz hausnarketa sakona egin eta urrats zehatzak definitzeko unea" da.
"Euskal Herriko herri askotan galdeketa prozesu zabala abian dela ospatu dugu aurtengo Aberri Eguna. Erabakitzeko fasean murgilduta gaude bete-betean, eta iraganeko menpekotasunera lotzen gaituen kateak eten eta etorkizunera jauzi egiteko garaia da", adierazi dute.
adierazi dute.Zure interesekoa izan daiteke
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.