Montse Minguez PSOEko bozeramaileak “pauso bat atzera” eman du bikotekidea dozenaka etxebizitzaren jabea dela argitara irten ostean
Minguez Kongresurako Lleidako hautagai izendatu zuten, baina bere bikotekidearen ustezko higiezinen negozioen berri zabaldu ostean, hautagaitzari eta diputatu izateari uko egitea erabaki du.
Montse Minguez PSOEko bozeramaileak iragarri du "atzerapausoa" ematea erabaki duela, bere bikotekidearen ustezko higiezinen negozioen berri zabaldu izanak polemika eragin ostean, dozenaka etxebizitzaren jabea baita.
PSOEko iturriek jakitera eman dutenez, Minguezek erabaki du uko egitea bozeramaile izateari, PSOEko zuzendaritza batzordean duen postuari eta 2026ko azaroaren 29ko hauteskundeetarako hautagaitzari.
X sare sozialean zabaldutako mezu batean adierazi duenez, "kontzientzia lasai, burua gora eta nire printzipioekiko fideltasun osoarekin" hartu du erabaki hori, PSOEren egitasmorako "onena" hori dela iritzita.
Bere bikotekidearen negozioei buruzko informazioak argitaratu ondoren, Pedro Sanchez Espainiako Gobernuko presidentearen babesa jaso zuen. Atzo Bruselan "noski" batekin erantzun zuen Sanchezek bozeramailea babesten jarraitzen duen galdetu ziotenean.
Pedro Sanchez: "Dimisioa ez emateko eskatu nion"
Minguezen dimisioaren berri izan ostean, Pedro Sanchezek esan du bere karguak ez uzteko eskatu ziola, baina badakiela "oso gaizki" pasatzen ari dela bere bikotekidearen ustezko higiezinen negozioen inguruan piztutako polemikaren harira.
"Ikuspuntu pertsonaletik, politikak batzuetan tratu txarra ematen die pertsona onei, eta kasu hau horietako bat da", esan du.
Zure interesekoa izan daiteke
Marokok bazekien milaka migratzaile Ceutara sartzea prestatzen ari zirela, CNIren arabera
Erkidego batzuetan bakarrik akordioak itxita heldu da ezkerra koalizioak aurkezteko azken egunera
Irene Monterok Podemosen primarioak irabazi ditu hautagai izateko
Asironek arbuiatu egin ditu Iruñeko istiluak, eta "probokazioei eta faxismoari" egotzi dizkie
EH Bilduk Oskar Matute, Mikel Otero, Oihana Etxebarrieta eta Eneka Maiz proposatu ditu Kongresurako zerrendaburu izateko
Ezkerreko alderdien artean azken orduko akordioa lortzea espero du Lander Martinezek
Rufianek aitortu du "porrot" egin duela: "Litekeena da akordiorik ez egotea ezkerreko alderdien artean"
Albiste izango dira: azaroaren 29rako koalizioak aurkezteko azken eguna, menopausia goiztiarra eta etxebizitzaren aldeko manifestazioa
