Euskal alderdi politikoek parte hartzeko deia egin dute
Euskal alderdiek hauteskunde-kanpainari hasiera eman diote gauerdian. Europako hauteskundeetan izaten den abstentzio handiari beldur diote alderdiek, eta hautagai gehienak euren kezka azaldu dute. Horregatik, herritarrei parte hartzeko eskatu diete.
Ekitaldiak errepikatu dira arratsaldean eta gauean, Euskal Herriko hiriburuetan. EAJk Hondarribian egin du kanpaina hasierako ekitaldia. EH Bilduk Iruñean hasi du kanpaina, San Frantzisko plazan. Ramon Jauregi eta Eider Gardeazabal hautagai sozialistak Bilbon hasi dute hauteskunde-kanpaina.
Alderdi Popularrak Carlos Iturgaiz izan du Gasteizen, UPyDk Bilbon egin du ekitaldia eta Ezker Anitzak ere Bilbon hasi du bere kanpaina.
EAJ
Iñigo Urkullu lehendakariak Euskadiren ekoizpen ereduaren alde egin du, "eguzkiaren, adreiluaren, txiringitoaren eta sangriaren" ereduaren aurrean.
Lehendakariak industriaren, berrikuntzaren eta nazioartekotasunaren alde egiten duen eredua babestu du, estrategia horrek "oinarri sendoak" baititu.
EH Bildu
EH Bilduk Iruñean eman dio hasiera Europako hautekundeetako kanpainari. Bertan, Josu Juaristi zerrendaburuak "herriz herri eta auzoz auzo" lan egiteko deia egin du, "Euskal Herriaren ahotsa Bruselan argi eta garbi entzun dadin".
Juaristiren hitzetan, "Rajoyk, Rubalcabak eta Barcinak" ez dute EH Bildu Europara iristea nahi. Horregatik, "Euskal Herriaren ahotsa Bruselan argi eta garbi entzun dadin". "Herrialde honetako independentistak Europako Parlamentura eramango dituen bideari ekin diogu gaur", nabarmendu du.
PSE
Patxi Lopez PSE-EEko idazkari nagusiak "Europako alderdi eskuindarrek inposatzen dizkiguten politikak" aldatzea beharrezkoa dela ohartarazi du, eta, horren ildotik, maiatzaren 25eko hauteskundeetan etxean geratzea "eskuin neoliberalari botoa ematea" izango dela ohartarazi du.
Lopezek hasiera eman dio Alderdi Sozialistaren hauteskunde kanpainari, Bilbon, Ramon Jauregui eta Eider Gardiazabal hautagaiekin batera. Horren esanetan, "Europaren ordua iritsi da", eta deitoratu egin du alderdi batzuen kezkak "estatus berria, mugak sortzea eta subiranotasun baztertzaileak bilatzea" izatea.
PP
Arantza Quiroga EAEko PPko presidenteak bere alderdiaren alde bozkatzeko deia zabaldu du ostegun honetan, Europan "eragina" izateko "berme onena" baita. Horrenbestez, sozialisten proposamen "txikitzaileei" ezetz esatea eskatu du.
Ekitaldian, hauteskundeak garrantzitsuak direla gogorarazi du Quirogak, Espainiak eta Euskadik "asko" baitute jokoan.
UPyD
EAJren eta EH Bilduren "zatiketa, borroka eta mugen" aurrean, Europan "batasun eta integrazio gehiago" beharrezkoa dela defendatu du Gorka Maneiro UPyDko bozeramaileak hauteskunde-kanpainaren hasiera ekitaldian.
Herritarren parte-hartzea eskatu du UPyDko buruzagiak,"jokoan asko dugulako". Europako hauteskundeetan"gehiegizko" abstentzioa ematen dela kritikatu du Maneirok.
Ezker Anitza-Iratzarri
Ezker Anitza-Iratzarri koalizioak babesa eskatu die herritarrei, Europako Parlamentuan ezkerrak "kontrabotere" bat sortu eta "politika eskuindarrak geldiarazteko".
Ezkertiarrek Bilbon hasi dute Europako hauteskundeetakokanpaina. Bertan, Isabel Salud Ezker Anitzako koordinatzaile nagusia, Mikel Anderez Iratzarriko burua eta Leire Martinezeta Iñigo Martinez hautagaiak izan dira.
Zure interesekoa izan daiteke
Youtuberra, komunikatzaile polemikoa eta ohikoa auzitegietan... Nor da Luis Alvise?
Gutxik espero zituzten atzo Se Acabo la Fiesta ultraeskuineko taldeak lortutako emaitzak. Luis Alvise elkarte horretako buruak UPyDn eta Ciudadanosen eman zituen aurreneko pausoak. Egun, ehunka milaka jarraitzaile ditu sare sozialetan.
PSOEk irabazi du EAEko hiriburu guztietan, eta PP lehenengo indarra da Iruñean
Alderdi Sozialistak irabazi ditu hauteskundeak Gasteizen, Donostian eta Bilbon, eta Alderdi Popularrak gauza bera egin du Iruñean.
Sei ordezkarik eramango dute Euskal Herriaren ahotsa Europako Parlamentura
Idoia Mendia (PSE-PSOE), Oihane Agirregoitia (EAJ-CEUS), Pernando Barrena (EH Bildu-Orain Errepublikak), Elena Sancho (PSN-PSOE), Javier Zarzalejos (PP) eta Antonio Lopez Isturiz (PP) izango dira gaurko bozen ondoren Europako Parlamentuan eserlekua izango duten euskal herritarrak.
Ultraeskuina eta migrazioa, Europako ardatz nagusietakoak, izan dituzte hizpide alderdiek
EAJ, EH Bildu, PSOE, Sumar, PP eta Podemos hautagaitzen ekitaldi politikoak kanpainaren 10. egunean.
Europan lehiakorrak izateko neurriak proposatu dituzte euskal alderdiek
EAJ, EH Bildu, PSOE, Sumar, PP eta Podemos hautagaitzen ekitaldi politikoak kanpainaren 9. egunean.
Liberalen eta berdeen gorakadak ultraeskuina geldiaraztea lortu du Europan
Popularrrak izan dira garaile, eta sozialistak, bigarren indarra. Euroeszeptizismoak gora egin duen arren, ez du lortu Euroganbera blokeatzeko behar adina indar batzea.
Ultraeskuinaren gorakadari so hautatu dituzte europarlamentariak Ipar Euskal Herrian
Ipar Euskal Herriak eta Biarnok osatzen duten departamenduan, Pirinio Atlantikoetan, % 43,99koa izan da parte-hartzea 17:00etan, orain dela bost urte baino sei puntu handiagoa.
EAJk eta EH Bilduk eurodiputatua izango dute berriro
Bestalde, PSOEk Europako hauteskundeak irabazi ditu Espainian, 20 eserleku lortuta, ondoren PPk 12 erdietsi ditu. Gainera, Puigdemonten zerrendak garaipena eskuratu du Katalunian.
Europarrak bozkatzen hasi dira, zatikatuago ageriko den Euroganbera osatzeko
Herbehereek eta, paradoxikoki, martxoan 'brexita' gauzatu behar zuen Erresuma Batuak gaur, osteguna, abiatu dituzte hausteskundeak, Estatu gehienetan igandean egingo direnak.
EAJk gazteen mugikortasuna eta prestakuntza sustatzen duten programekin bat egin du
Hamar urte daramatza Izaskun Bilbaok Europako Parlamentuan diputatu gisa, eta EAJk aspalditik Europa sozial baten alde egiten duela gogoratu die gazteei hautagaiak.