Alerta Meteorologikoak
2024/06/08 - 13:04
Abisu horiak prezipitazio handiengatik, gauerdira arte, eta alerta laranja Nafarroa hegoaldean
18:00etatik gauerdira, denean izango da abisu horia, 15-20 litro pila bailitezke ordubetean, eta ekaitza lehertu eta txingorra egin lezake, barnealdean bereziki. Igande goizaldean, kostaldean izango da prezipitazio handiena, eta 40-50 litro ere pila litezke zenbait lekutan.
2024/05/20 - 13:40
Abisu horia ezarri dute arratsalderako Araban, prezipitazio handiengatik
Abisua 15:00etatik 21:00etara egongo da indarrean, izan ere, ordubetean 15 litro pila litezke metro koadroko.
2024/05/19 - 18:52
Euri-jasa handi batek urpean utzi ditu kaleak Lazkaon
Abisu horia ezarri dute EAEn zaparrada mardulengatik asteleheneko 09:00ak arte. Euskalmeten arabera, hamar minutuan metro koadroko ia 5 litro bota ditu, eta tenperatura lau gradu jaitsi da bat-batean. Araitz Apaolazak eta Ane Garmendiak grabatutako irudiak.
2024/05/19 - 14:21
Abisu horia igandeko 15:00etatik asteleheneko 09:00etara, prezipitazio handiagatik, kostaldean bereziki
Igandean, 15 litro baino gehiago pila litezke, eta zaparradak botako ditu, tarteka handiak eta trumoitsuak, bereziki arratsaldean barnealdean eta azken orduetan kostaldean. Astelehenean, 20 litro pila litezke, eta gogorrago botako du kostaldean.
2024/05/13 - 12:47
Abisu horia ezarri dute Euskal Herri osoan, prezipitazio handiengatik
Eguraldi iragarpenaren arabera, ordubetean 15 litro pilatu daitezke metro koadroko.
2024/05/08 - 17:29
Euskalmeten arabera, apirila beroa eta oso lehorra izan da
Tenperatura altuen errekorrak hautsi dira eta apiril batean lehenengo aldiz erregistratu ziren gau tropikalak kostaldean. Hilabetean zehar erregistratutako prezipitazioen arabera, hilabetea Arabako Lautadan eta Arabako Errioxan izandako lehorrenetakoa izan da.
2024/05/06 - 10:09
Zeru estaliekin eta euriarekin hasiko da astea, baina atertzera egingo du
Goizeko euri apurrarne ostean, eguraldiak atertzeko joera hartuko du, lehendabizi mendebaldean eta gero gainerako tokietan. Haizea ipar-mendebaldetik sartuko da, eta kostaldean biziago ibiliko da, bereziki egunaren bigarren zatian.
2024/04/27 - 21:46
Hainbat tornadok hiru zauritu eta kalte material handiak eragin dituzte Nebraskan
40 tornadotik gora izan dira azken orduetan. Iragarpenen arabera, igandera arte ez da egoera baretuko.
2024/04/27 - 19:55
Igande goiz eguzkitsua, baina arratsalde euritsua
Tenperaturak jaitsi egingo dira, bereziki minimoak. Astelehenean, euria egiteko aukera hegoaldeko mendi inguruetara eta Piriniotara mugatuko da.
2024/04/18 - 13:54
Abisu horia ezarri dute ostiralerako izotzagatik, Araban
Abisua 00:00etatik 10:00ak arte egongo da indarrean.
2024/04/08 - 13:44
Itsasaldeko arriskuagatik abisuak ezarri dituzte gaurko eta biharko, lau metroko olatuak espero dira eta
Gaur arratsaldean aktibatuko dute lehena, nabigazioagatik. Biharko, kostaldean inpaktua izan dezakeela eta, beste bi sartuko dira indarrean. Itsasgorarekin 5 metro igoko da marea, aurreikuspenen arabera.
2024/04/07 - 23:57
Eguraldi grisa asteazken eguerdira arte, eta argitsu hortik aurrera
Astelehenean, euria egingo du eguerditik aurrera, eta bustitik jarraituko du asteazken eguerdira arte. Hortik aurrera, oskarbi eta epel joango da astea, gauetan dezente freskatuko badu ere. Abisu horia izango da astelehenean itsasaldeko arriskuagatik.
2024/04/07 - 00:42
Amaitu da haizeagatik ezarritako abisu horia
Euskalmeteko estazio meteorologikoek 100 km/h-tik gorako haize-ufadak neurtu dituzte Jaizkibelen, Zaldiaranen, Matxitxakon eta Oizen.
2024/04/06 - 14:02
Beroa, 30 °C-rainoko maximoekin, eta hego-haizea protagonista
Hego-haize zakarra ibiliko da, eta zerua gris egongo da gehienean. Gainera, gandua sartuko da, eta hauts laino potoloa izango dugu asteburuan.
2024/04/06 - 12:39
Hego-haize zakarra eta 20 ºC-rainoko tenperaturak izan dira goizaldean kostaldeko hainbat puntutan
Euskalmeteko estazio meteorologikoek neurtuta, 100 km/h-tik gorako haize-ufadak izan dira Jaizkibelen, Zaldiaranen, Matxitxakon eta Oizen. Txomin Rezolak eta Marivi Gonzalez de Audicanak grabatutako irudiak.
2024/04/04 - 15:23
Euskal Herria gandu laino baten azpian izango da asteburuan
Bihartik aurrera hegoaldeko haizeak Saharako hautsa ekarriko du Kantauri Isurialdera, eta hauts geruza lodi baten pean izango gara larunbatean eta igandean. Are gehiago, larunbat iluntzean izan daitezkeen ekaitzetan "lokatz euria" egin dezake.
2024/03/29 - 12:46
Olatuak, turisten eta donostiarren gozagarri
Makina bat pertsona hurbildu dira gaur goizean Donostiako Haizearen Orrazira, itsasoaren ikuskizuna bertatik bertara ikustera. Olatuek ustekabekoren bat edo beste eman dute, ordea.
2024/03/28 - 16:04
Abisu horia aktibatuta Euskal Herrian, Erriberan salbu, haizeagatik
Araban, Bizkaian eta Gipuzkoan 15:00etatik 00:00etara egongo da indarrean abisua; Nafarroan, 14:00etatik 22:00etara, eta Ipar Euskal Herrian, 12:00etatik gauerdira. Horrez gain, ostiralera arte, itsasaldeko arriskuagatik beste bi abisu aktibatuko dituzte.
2024/03/28 - 14:30
Gutxienez hiru hegaldi bertan behera eta hainbat atzeratuta gaur Bilboko Aireportuan, haize zakarragatik
15:00etatik aurrera egoera gehiago korapilatu daiteke, orduan sartuko baita indarrean haizeari dagokion abisu horia. Izan ere, 100 km/-tik gorako haize boladak espero dira.
2024/03/28 - 10:57
Haize bortitza eta olatuak nagusi, Aste Santuko lehen orduetan
Araban, Bizkaian eta Gipuzkoan 15:00etatik 00:00etara egongo da indarrean abisu horia haizeagatik. Nafarroan, berriz, 14:00etatik 22:00etara. Horrez gain, ostiralera arte, itsasaldeko arriskuagatik beste bi abisu aktibatuko dituzte.