Alerta Meteorologikoak
2023/08/17 - 10:17
Abisu horia ezarri dute gaurko Araban eta Nafarroan, beroagatik
Abisua 14:00etatik 20:00etara egongo da indarrean Araban, tenperaturak 37 gradura iristea espero baita. Nafarroan, ostera, lurralde osoan ezarriko da abisu horia, iparraldean salbu.
2023/08/13 - 22:59
Abisu horia euriagatik Bizkaian eta Gipuzkoan, eta ekaitzengatik Nafarroan
Nafarroako erdialdean, abisua 17:00etan sartu da indarrean gauerdira arte, eta Bizkaiko eta Gipuzkoako kostaldean, berriz, ordubete geroago. Azken hori astelehen goizaldeko 03:00ak arte egongo da indarrean.
2023/08/11 - 20:23
Kanpezun 37 graduko tenperatura maximoa, eta Guardian, Espejon eta Agurainen 36 gradukoa
Gasteizen 35 ºC neurtu dituzte termometroek, Igorren 34 ºC eta Arrasaten 33 ºC.
2023/08/09 - 18:47
Muturreko beroa barnealdean, 40 gradutik gorako maximoekin
Alarma gorria aktibatu dute, 15:00etatik 18:00etara, Araban eta Bizkaia eta Gipuzkoa barnealdean.
2023/08/09 - 15:36
Laudion izan da tenperaturarik altuena, 43,4 ºC
Gueñesen (Bizkaia), berriz, 43,2 gradura iritsi dira, Zallan 41,9ra, Amurrion eta Orozkon 41,4ra, eta Igorren 41era. Osakidetzako larrialdi-zerbitzuek 56 pertsona artatu dituzte 19:00ak arte, muturreko beroak jota.
2023/08/09 - 13:56
Jaurlaritzak erabaki du beroagatik EAEren barnealde osoan alarma gorria ezartzea hiru orduz
Euskalmeten arabera, inoizko bost erregistrorik altuenetakoak neur daitezke gaur. Ricardo Ituarte Azpiazu Larrialdiei Aurre Egiteko eta Meteorologiako zuzendariak jakinarazi du beroagatik EAEren barnealde osoan egoeraren maila gorrira igotzea erabaki dutela 15:00etatik 18:00etara.
2023/08/09 - 13:08
Tenperatura maximoak 34 ºC ingurukoak izan daitezke gaur kostaldean eta 40 ºC ingurukoak barnealdean
Gainera, Segurtasun Sailak abisu horia ezarri du baso-sute arriskuagatik eta galerna arriskuagatik. Ricardo Ituarte Larrialdiei Aurre Egiteko eta Meteorologiako zuzendariak agerraldia egingo du 11:30ean.
2023/08/08 - 16:29
Alerta laranja ezarri dute asteazkenerako EAEn eta Nafarroa erdi eta hegoan, muturreko tenperaturengatik
Gainera, abisu horia aktibatuko dute EAEn, baso-sute arriskuagatik eta galerna arriskuagatik.
2023/08/08 - 09:00
EAE osoa alerta laranjan izango da bihar, "muturreko beroa" tarteko
Segurtasun Sailak alerta ezarri du muturreko tenperatura oso altuengatik. Kostaldean 34 °C-ra helduko dira maximoak; Bizkaia eta Gipuzkoa barnealdean, 39 °C-ra, eta 40ra irits daitezke Araba erdialdean eta hegoaldean. Nafarroan, Erribera eta erkidegoaren erdialdea jarri dituzte alertapean.
2023/08/07 - 15:35
Bero uhartea, hormigoizko hirietako efektua, gakoa muturreko tenperaturak daudenean
Asfaltoaren eta ingurune berdearen arteko tenperaturetan alde handia egon daiteke: 10 ºC-tik gorakoa. Gure hirien diseinuak berebiziko garrantzia du muturreko beroaldietan.
2023/08/04 - 10:40
Hiru metroko olatuak eta euri-jasak Gipuzkoan eta Nafarroa iparraldean, denboralearen azken egunean
EAEn bi abisu hori daude indarrean, bat nabigaziorako, 18:00ak arte, eta bestea euriteengatik Gipuzkoan, 12:00ak arte. Nafarroan, Baztan abisupean egongo da arrazoi beragatik, eta 12 orduko epean 40 litro pila daitezke metro koadroko.
2023/08/03 - 15:58
Euskal kostaldeko olatu handien eta itsaso zakarraren irudi ikusgarriak, drone batetik ikusita
Donostiako buian 9,5 metrorainoko olatuak erregistratu dituzte, altuera adierazgarria 6 metrokoa izan bada ere. Bizkaian, Armintzan (Lemoiz), 8,5 metroko olatuak izan dira (altuera adierazgarria, 4,9 m-koa). Bilboko Portuan, olatu altuenak 6,6 metrokoak izan dira (altuera adierazgarria, 4,6 m-koa).
2023/08/03 - 15:24
'Patricia' depresioak 6 metrorainoko olatuak utzi ditu euskal kostaldean
Osteguneko alertaren ostean, hiru abisu hori egongo dira indarrean nabigaziorako eta kostaldeko inpaktuagatik. Horrez gain, Nafarroa iparraldean euriagatik jarri dute abisua, eta bihar Gipuzkoa ere egongo da abisupean arrazoi horrengatik.
2023/08/03 - 13:54
Denboraleak olatu handiak utzi ditu Donostian
Pasealeku Berria ibilgailuentzat itxi du Donostiako Udalak itsas denboraleagatik, 4 metrorainoko olatuak espero baitira; oinezkoak kontu handiz ibil daitezke.
2023/08/02 - 14:47
Alerta laranja ezarri dute biharko kostaldean, 4 metroko olatuak espero baitituzte
Gaurko 15:00etatik ostiraleko 18:00etara, sei abisu hori egongo dira aktibo nabigaziorako eta kostaldeko inpaktuagatik. Horrez gain, Nafarroa hegoaldea abisupean dago gaur, beroagatik. Bihar eta etzi, berriz, euriagatik jarriko dute abisua Nafarroa iparraldean.
2023/08/02 - 12:40
Itsas denboralea tarteko, Santa Klara uhartea itxi dute eta Kontxako gabarroi batzuk kendu dituzte Donostian
Hiru metroko olatuak eta marea biziak espero dira ostiralera arte, eta, hala, prebentzio neurriak hartu ditu Donostiako Udalak. Hondalea instalazio artistikoa ere zarratuta egongo da.
2023/08/02 - 09:08
Abisu horia gaurtik ostiralera olatuengatik
Zehazki, Euskalmetek abisuak aktibatuko ditu nabigaziorako arriskuagatik eta olatuek Bizkaiko eta Gipuzkoako kostaldean izango duten inpaktuagatik. Gainera, Aemetek abisu horia ezarriko du gaurko Erriberan tenperatura altuengatik.
2023/08/01 - 11:05
Tenperaturei dagokienez "ohiko" uztaila izan dugu Euskal Herrian, iazkoa baino 1,5 gradu freskoagoa
Euskal Herriko zazpi estazio meteorologiko adierazgarrienen batez besteko tenperatura 20,22 °C-koa izan da, balio leuna da Espainiako Estatuko eta munduko beste txoko batzuekin izan den sargoriarekin alderatuta.
2023/07/27 - 11:37
Abisu horia ezarri dute Hego Euskal Herriko zati handi batean, prezipitazio handiengatik
Euriteek barnealdean izango dute eragina, Araban eta Nafarroan, batik bat.
2023/07/22 - 16:00
"2022ko uztaileko heriotza-kopurua % 30 igo zen bero-boladaren ondorioz"
Pello Latasa Euskadiko zaintza epidemiologikoaren arduradunak Radio Euskadin azaldu duenez, duela urtebeteko uztailean heriotza-tasa nabarmen igo zen herritar ahulenen artean bi faktoreengatik: bero handiagatik eta covid gaitzagatik.