Asteazkenean aire masa hotz bat sartuko da eta elur-maila 400 metrora jaitsi daiteke
Negu beteko giroarekin iritsi da urtarrileko bigarren astea Euskal Herrira. Zeropeko tenperaturekin eta izoztuta esnatu dira hainbat txoko. Nolanahi ere, okerrena asteazkenean iritsiko da, goi geruzetan isolaturiko aire masa hotz bat sartzea espero delako. Ezegonkortasuna areagotu egingo da eta elur-maila 400 metrora jaitsi daiteke, baita beherago ere toki askotan.
Euskalmet Euskal Metereologia Agentziaren arabera, fronte bat iritsiko da penintsularen barnealdetik, aire masa oso hotzarekin. Elurrak lurraldearen hegoaldean eta ekialdean izango dute eragin handiena. Prezipitazio txiki-ertaina egingo du, bereziki eta sarriago egunaren lehen partean. Elur-kota 400-700 inguruan kokatuko da, eta 1.000 metrora, 15 cm-rainoko lodierak espero dituzte. 600 metrora, aldiz, 5 cm-rainoko geruza pila daiteke. Maila horretatik behera ez du zurituko.
Hori horrela, Eusko Jaurlaritzako Segurtasun Sailak abisu horia ezarriko du barnealdean, elurteengatik.
Horrez gain, asteartean beste abisu bat egongo da indarrean (gauerditik 10:00ak arte) muturreko tenperatura baxuak eta izotzagatik, hori ere barnealdean. Izotzarekin batera lainoguneak ager daitezke.
Nafarroan, Aemetek ere bi abisu ezarriko ditu egunotarako. Biharko, zeroz azpiko tenperaturengatik emandakoa egongo da, lurraldearen erdialdean eta Pirinioetan. Termometroa -4 ºC-ra jaitsi daiteke Nafarroako erdialdean, eta -7 ºC-ra Pirinioetan. Asteazkenerako, bestalde, elurragatik ezarriko dute abisua Pirinioetan. 600 metrotik gora 5 zentimetroko geruza pila daiteke, iragarpenaren arabera.
Iragarpenaren aurrean, besteak beste, Gasteizko Udalak gaur gauerditik abian du elurteei aurre egiteko plana "aurre larrialdi fasean". Halaber, Arabako Foru Aldundiak ere Neguko Bidezaintza Programa Operatiboa martxan du, eta besteak beste, 25 langile eta elurra kentzeko bederatzi makina prest ditu, errepideen egoera zaintzeko.
Iragarpena, egunez egun
Gaur, astelehenarekin, atertzera egingo du orduek aurrera egin ahala. Goizean tarteka euria egingo du, batez ere iparraldeko eskualdeetan, baina arratsaldean, atertzera. Elur-kota 600-800 metro inguruan egongo da goizean. Zeruan aurreko egunetan baino ostarte gehiago ikusiko ditugu, hodeitza saretuago egongo baita. Tenperatura maximoak 5-9 ºC-koak izango dira, eta barnealdeko zenbait lekutan izotza egingo du goizean goiz eta gauean, batez ere mendi inguruetan. Haizeak iparraldetik joko du hasieran, baina arratsaldean baretzera egingo du eta ekialdera aldatuko da.
Asteartean giro hotza, baina, oro har, lehorra. Izotza espero dugu lurraldearen zati handi batean, eta behe-lainoa sortuko da goizean goiz bailara batzuetan. Goizean hodeiak eta ostarteak tartekatuko dira. Arratsaldean hodeiak ugarituko dira, hegoaldetik hasita.
Asteazkenean, esan bezala, elurra espero dugu maila behean. Elurraz gain, izotza egingo du, batez ere mendi inguruetan.
Zure interesekoa izan daiteke
Tenperaturak goranzko bidean Euskal Herrian asteburuari agur esateko
Goizeko lehen orduetan, behe-hodeiak eta behe-lainoa agertuko dira ohiko lekuetan. Orduak igaro ahala, ordea, desagertu egingo dira, eta eguraldi atsegina izango dugu, orokorrean. Tenperatura maximoak igotzen joango dira egunez egun: igandean, 25 ºC ingurura iritsiko dira kostaldean eta 30 ºC-tik gora ibiliko dira barnealdean.
Hondartzarako girorik ez, baina tenperatura atseginak ia aste osoan
Aste beroa eta eguzkitsua izango ez bada ere, oraindik mahuka hutsean ibiltzeko aukera izango dugu datozen egunetan; asteazkenean salbu. Euria nonahi eta tenperatura freskoak izango ditugu orduan Euskal Herri osoan.
Abisu horia bero handiagatik igandean ere
35 ºC inguruko tenperaturak espero dira barnealdean. Kostan, berriz, ez dago abisurik, eta tenperaturak 30 ºCtik behera kokatuko dira.
Beroa nagusi igandera arte: 30 ºC-tik gora gaurtik aurrera Euskal Herrian
Araban, abisu horia egongo da indarrean ostiralean eta larunbatean, muturreko tenperatura oso altuengatik, eta Nafarroan alerta laranja ezarri dute ostiral honetan, beroagatik. Igandean, aldaketa etorriko da.
NBEren arabera, El Niño fenomeno meteorologikoa inoiz izan den handiena izan daiteke
Gertakaria urte honen amaieran iritsiko da puntu gorenera, baina 2027an zehar izango ditu ondorioak, eta datorren urtean munduko batez besteko tenperaturak igotzen lagunduko du.
Bero itogarria Euskal Herrira itzuliko da
Asteazken honetan tenperaturek ez dute aldaketa handirik izan, baina ostegunetik nabarmen igoko dira: termometroak 30 ºC-tik gora kokatuko dira Bilbon, Gasteizen eta Iruñean.
Abuztua bigarren hilabeterik beroena izan da 1970etik, eta mendeko lehorrenetakoa Euskadin
Batez besteko tenperatura ohikoa baino 2,4 °C altuagoa izan da, eta muturreko beroak, lehorteak eta prezipitazio handiek markatu dute hilabetea. Gainera, hainbat fenomeno meteorologikok 17 abisu hori aktibatzea eragin dute.
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.