Benjamin Netanyahu

2024/09/10 - 14:34

Israelgo Armadak 40 palestinar hil eta 60tik gora zauritu ditu Gazan, gune humanitario baten aurkako erasoan

Israelgo Armadak Gaza hegoaldean, kostatik gertu, dagoen gune humanitarioaren kontra egin izan du lehen ere. Iragan uztaileko erasoan, 90 pertsona hil zituen.

2024/09/02 - 00:11

Greba orokorra deitu dute Israelen, bahituak askatzeko balioko lukeen akordioa behartzeko

Israelgo sindikatu garrantzitsuenak greba orokorra deitu du asteleheneko 06:00etan hasita, Israelgo Gobernua Hamasekin su-etena lortzea behartzeko. Oposizioko buruak, enpresariek eta hiri nagusietako alkateek ere bat egin dute deialdiarekin.

2024/09/01 - 22:33

Milaka lagun atera dira kalera Israelen, Netanyahuri bahituen aldeko akordioa eskatzeko

Sei bahitu israeldarren gorpuak aurkitu dituzte Gazan, eta horrek protesta oldea eragin du Israelen, Netanyahuren aurka. Bahituen senideak martxa jendetsu baten buru izan dira Tel Aviven, eta "Israel osoa kaleak hartzera eta historiaren alde zuzena aukeratzera" deitu dute.

2024/09/01 - 17:55

Hamasek dio erreskatatutako sei bahituak Israelen bonbardaketen ondorioz hil zirela

Bahituen senideek haserre bizian jarri dira igandean haien senideen heriotzaren berri izan dutenean, eta ziurtatu dute Benjamin Netanyahu Israelgo lehen ministroak Hamasekin su-etena sinatu izan balu, bizirik jarraituko luketela.

2024/09/01 - 13:15

Israelek hilik aurkitu ditu sei bahitu Rafahn, Gaza hegoaldean

Senideak oso haserre agertu dira, eta manifestazioa egingo dute Gobernuak "bazterrean" utzi dituelako. Gobernuak "barkamena" eskatu die. Netanyahuk mugimendu islamista jo du negoziazioetarako oztopo nagusitzat: "Bahituak hiltzen dituenak ez du akordiorik nahi".

2024/08/31 - 23:46

Gutxienez 48 pertsona hil ditu Israelek Gazan, larunbat odoltsu batean

Israelrek Deir al Balah eta Khan Yunisen emandako azken ebakuazio aginduen ondoren, Al Mawasi eremu humanitarioan (zerrendaren % 14 inguru hartzen du) pilaketa eta bizi-baldintzak are zailagoak bihurtu dira.

2024/08/22 - 10:38

Albiste izango dira: Bi mendizale gipuzkoar hil dira Mont Blancen, Parekotasun Legea, eta Israel-Hamas

Gaurkoan albiste izango direnen laburpena, bi hitzetan.

2024/08/19 - 23:17

Blinkenek esan du bake proposamen berriari babesa ematen diola Israelek

Blinkenek esan berri du Israelek konpromisoa hartu duela bake elkarrizketetan aurrera egiteko, eta azaldu du Ameriketako Estatu Batuen proposamen berriari babesa ematen diola.

2024/08/18 - 00:23

NBEk su-etena eskatu du Gazan polioaren aurkako txertoa jartzeko, berragertu egin baita 25 urteren ostean

Anthony Blinken AEBko Estatu idazkaria Israelera iritsi da gaur gauean, Gazan su-etena lortze aldera "ahalegin diplomatikoak" egiten jarraitzeko. Bien bitartean, Israelek Libano ere bonbarbatu du.

2024/07/29 - 18:52

Hamasek "baldintza berriekin" su-eten akordioa "luzatzea eta saihestea" leporatu dio Netanyahuri

Erakunde islamistak uste du Israelen azken eskaerak atzerapausoak direla AEBek maiatzaren amaieran aurkeztutako hasierako proposamenarekin alderatuta. Ondoren, NBEko Segurtasun Kontseiluak proposamen hura babestu zuen.

2024/07/29 - 17:31

Netanyahuk ohartarazi du Majdal Shamseko erasoari "gogor" erantzungo diola Israelek

Israelgo Segurtaun Kabineteak "baimena" eman zion atzo iluntzean Netanyahuri, "Hezbollah taldearen kontrako erasoa erabakitzeko". Israelgo lehen ministroak Golango herria bisitatu du, eta oihu artean hartu dute.

2024/07/28 - 21:34

Libanoren eta Israelen arteko gatazka fase berri batera igaro da Majdal Shamsen aurkako erasoaren ostean

Israelek bonbardaketak egin ditu Libano hegoaldean eta "erantzun gogorra" prestatzen ari da Hezbollahren aurka. Libanoko Gobernuak, baina, ez du uste Hezbollahren "eraso zuzen bat" izan denik. Bien bitartean, Golango gainetan, Majdal Shamsen, milaka lagunek hartu dute parte hildakoen hiletan.

2024/07/26 - 22:47

Donald Trumpek Floridako bere etxean hartu du Benjamin Netanyahu, bien arteko adiskidetasunaren erakusgarri

Trumpek Israeli buruz "errespeturik gabe" hitz egitea leporatu dio Kamala Harrisi. Netanyahuren ustez, akordioa lortzeko bidean "mugimenduak egon dira presio militarrari esker, baina ikusi beharko da presio nahikoa izan den". Erroman egingo diren elkarreizketetara talde bat bidaliko duela esan du.

2024/07/26 - 11:51

Gazako gerrarekin bukatzeko eskatu dio Kamala Harrisek Netanyahuri

Kamala Harris AEBko presidenteordea Benjamin Netanyahu Israelgo lehen ministroarekin bildu da. Israelgo Estatuarekin duen "konpromiso hautsezina" helarazi, eta, aldi berean, Gazako Zerrendan su-etena adosteko eskatu dio.

2024/07/26 - 10:35

Harrisek babesa helarazi dio Netanyahuri, eta su-etena eskatu dio Gazako sufrimenduarekin bukatzeko

AEBko presidenteordea Israelgo lehen ministroarekin bildu da, hura Joe Bidenekin egon ostean. Harrisek esan du ezin dela onartu "hildako haurren irudiak" egotea. "Gerra hau amaitzeko ordua da", gaineratu du.

2024/07/24 - 23:04

Netanyahu: "AEBk eta Israelek batuta egon behar dute zibilizazioa suntsitu nahi dutenak garaitzeko"

AEBko Kongresuko bi ganberek Israelgo lehen ministroa gonbidatu dute, eta haren hitzaldiaren kontrako dozenaka ordezkarik boikota egin diote. Gainera, Kamala Harris ez da bertan izan, eta parlamentari batzuek Gazan su-etena eskatzen zuten kamisetekin joatea erabaki dute.

2024/07/24 - 22:51

Netanyahu, AEBko Kongresuaren aurrean: 'AEBk eta Israelek bat eginda egon behar dute'

Benjamin Netanyahu Israelgo lehen ministroak AEBk eta Israelek "batuta" egon behar dutela aldarrikatu du "zibilizazioa suntsitu" nahi dutenei irabazteko.

2024/07/24 - 21:02

Protesta jendetsuak Washingtonen, Netanyahuren bisitaren aurka

Milaka manifestari bildu dira AEBko Kapitolioaren inguruan, Benjamin Netanyahu Israelgo lehen ministroak hitzaldi bat emango baitu. Diskurtsoa ekiditeko eta Gazan egindako gerra krimenengatik agintariaren "atxiloketa zibila" egiteko asmoz batu dira.

2024/07/19 - 23:09

Hagak legez kanpokotzat jo ditu Palestinako kokalekuak, eta legeak deuseztatzeko eskatu dio Israeli

"1967an okupazioa hasi zenetik" gaurdaino "eragindako kalteak guztiz konpontzeko betebeharra" duela ohartarazi dio Israeli. Netanyahuren iritziz, ebazpena "zentzugabea" da eta "egia historikoari" erreparatzeko eskatu du; Palestinako Aginte Nazionalak pozik hartu du erabakia.

2024/07/15 - 19:44

Israelek Gazako eremu humanitario batean egindako eraso batek 141 hildako eta ehunka zauritu eragin ditu

Israelgo aire eraso batek gutxienez 141 palestinar hil eta 400 zauritu ditu, horietako batzuk egoera kritikoan, Al Mawasi inguruan, Gazako zerrendaren hegoaldean. Israelgo armadaren arabera, bonbardaketa Hamaseko goi-agintari baten aurka egin dute.