Albiste izango dira: Bi mendizale gipuzkoar hil dira Mont Blancen, Parekotasun Legea, eta Israel-Hamas
Honako gai hauek hartuko dituzte gaur, 2024ko abuztuaren 22an, hedabideetako lerroburu nagusiak:
- Ezbeharra Mont Blancen: Gipuzkoako bi mendizale hil dira Mont Blanc mendian (Frantziako Alpeeetan) tontorretik jaisten ari zirela istripu bat izan dutenean. Haiekin eskalatzen ari zen hirugarren mendizale bat bizirik atera da, eta zauri arinak ditu. Hildakoek 26 eta 27 urte zituzten, eta Oiartzun eta Usurbilen jaiotakoak ziren, baina bigarrena Lezon bizi zen. Bizirik atera den mendizalea, berriz, Oiartzungoa da. Mikel Arruti Lezoko alkateak eta Joana Mendiburu Oiartzungo alkateak doluminak eman dizkiete Mont Blanc mendian atzo hildako mendizaleen senide eta lagunei.
- Parekotasun Legea: Parekotasun Legea, emakumeen eta gizonen ordezkaritza parekideari eta presentzia orekatuari buruzko Lege Organikoa, gaur sartu da indarrean "akats tekniko" batekin. Akats horrek babesik gabe uzten ditu istripu, gaixotasun larri edo ospitaleratze baten ondorioz senitarteko bat zaintzeko bost eguneko baimen berria edo lanaldia egokitzeko baimena hartzen duten langileak.
- Israel-Hamas azken ordua: Israelen eta Hamasen artean bitartekari lanak egiten ari diren Egiptok, Qatarrek eta AEBk "atzeratu" egin dituzte Gazan su etena lortzen ahalegintzeko pasa den asteazkenerako Kairon iragarrita zeuden negoziazioak. Halaber, Antony Blinken AEBko Estatu idazkariak Dohara egindako bisita amaitu du, Gazako gerra hasi zenetik Ekialde Hurbilera egin duen bederatzigarren bisitan. Gauzak horrela, elkarrizketak ez atzera ez aurrera daude.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.