Benjamin Netanyahu

2024/04/01 - 10:57

Levinek hartu ditu Netanyahuren lanak, hari egin beharreko ebakuntza "ongi" atera ostean

Israelgo lehen ministroaren bulegoak azaldu duenez, ebakuntza igande gauean egin diote, anestesia orokorrarekin. Hura ez dagoen bitartean, Israelgo lehen ministrorde eta Justizia ministro Yariv Levinek egingo ditu haren lanak.

2024/04/01 - 00:15

Netanyahuren dimisioa eskatu dute 100.000 lagunek Jerusalemen, U-7tik izandako mobilizaziorik handienean

Manifestariek gutxienez lau eguneko kanpaldia antolatu dute Israelgo Parlamentuaren aurrean, "protesta aste nazional" baten lehen urrats gisa, Hamaseko bahituen senideen babesarekin.

2024/03/31 - 14:38

Gazan su-etenerako negoziazioak, gaur, Kairon, Netanyahuk bahituen senideen babesa galtzen duen bitartean

Hainbat bahituren senideek haiek askatzeko "akordio baterako oztopo" gisa ikusten dute lehen ministroa, eta Tel Aviveko Bahituen Plazako elkarretaratzeetan parte hartzeari utzi eta agintariaren aurkako kale mobilizazioetan parte hartzen hasiko direla iragarri dute.

2024/03/25 - 19:06

Israel Gazan genozidioa egiten ari dela ondorioztatzeko "zantzuak" ikusten ditu NBEko errelatoreak

25 orrialdeko agiriaren arabera, Israelek gutxienez hiru "ekintza genozida" egin ditu nahita, 1948ko Genozidio Delitua Prebenitzeko eta Zigortzeko Konbentzioan hala definitzen direnak.

2024/03/25 - 17:15

NBEko Segurtasun Kontseiluak lehen aldiz eskatu du "berehalako" su-etena Gazan

Ebazpenak 14 babes jaso ditu bozketan, kontrako botorik ez, eta abstentzio bakarra izan da, AEBena. Errusiak eta Txinak iragan ostiralean Washingtonek aurkeztutako ebazpen proposamen bati betoa jarri ostean gertatu da.

2024/03/25 - 13:45

Israelek Sanchezi: "Palestinako Estatua aitortzea terrorismoa saritzea litzateke"

Lior Haiat Israelgo Atzerri ministroak Sanchez kritikatu du eta ostiralean Espainiak, Irlandak, Maltak eta Esloveniak sinatutako adierazpena jomugan jarri. Lau herrialdeak Palestinaren aitortza egiteko prest azaldu ziren.

2024/03/22 - 19:43

Errusiak eta Txinak atzera bota dute AEBk Gazarako egindako su-eten proposamena, "sendotasun faltagatik"

Bi kide iraunkor horiez gain, Aljeriak ere egin du AEBk NBEko Segurtasun Kontseiluan aurkeztutako ebazpenaren kontra. Guyana abstenitu egin da, eta beste hamaika herrialdek aldeko botoa eman dute.

2024/03/19 - 18:31

Gazako herritarrak gosetera eramanda, Israelek gerra krimena egiten duela salatu du NBEk

Gutxienez 210.000 pertsona eraman dituzte gosetera iparraldean, eta 1,1 milioi gazatar baino gehiago egoera bera pairatzeko arriskuan daude. Bestalde, Netanyahuk baieztatu du Washingtonek "bere ideiak" aurkeztu ahal izango dituela Rafahen lurreko inbasioaren inguruan.

2024/03/18 - 11:42

Israelek Gazako Al Shifa ospitalea setiatu du laugarren aldiz, frankotiratzaileekin eta tankeekin

Zerrendako ospitale inportanteena da, eta hildakoak izan dira barruan aterpe hartzen ari diren 30.000 desplazatuen artean.

2024/03/18 - 10:59

Israelgo Armada Gazako Al Shifa Ospitalean sartu da gauez

Israelek dio kontrolpean duela Al Shifa ospitalea, Gazako garrantzitsuena. Gainera, operazioak zehaztu gabeko hildako kopuru bat utzi duela adierazi dute, eta gutxienez 80 pertsona atxilotu dituztela, "jarduera terroristekin zerikusia dutelakoan".

2024/03/17 - 20:24

Netanyahuk nazioarteko erreguei entzungor eginez esan duenez, Israelek eraso egingo dio Rafahri

Alemaniako kantzilerrarekin izan duen bileraren ostean adierazi du Rafahko zibilak ez direla han harrapatuta geratuko erasoaldia hasten denean. Scholzen ustez, "ezin gara besoak antxumatuta geratu, palestinarrak gosez hiltzen diren bitartean".

2024/03/12 - 15:40

''Israelek aldi baterako su-etena nahi du, bahituak askatu ondoren erasoei berrekiteko''

Basem Naim Hamaseko nazioarteko harremanen arduradunarekin eta ministro islamista ohiarekin hitz egiteko aukera izan du Mikel Ayestaranek. Hamaseko kideak uste du talde islamista "indartsu" dagoela eta Israelek egin duen su-eten planteamendua "tranpa" bat besterik ez da.

2024/03/06 - 09:30

Israelek ez du mugatuko Al Aqsako meskitarako sarbidea Ramadanean

Datorren larunbatean abiatuko da Ramadana, eta komunitate musulmanarentzat hilabete sakratua den honetan, Netanyahuren gertuko zenbait ministrok Meskiten Zabaldegia delakoan otoitza debekatzea eskatu zuten.

2024/03/05 - 10:56

Israelek eta Hamasek su-eten baterako "oinarriko puntuak" adostu dituzte, iturri palestinarren arabera

Iturrion arabera, 40 egun iraungo iraungo lituzke su-etenak. 40 bahitu israeldar (umeak, haurrak eta 60 urtetik gorako gizonezkoak) eta 404 preso palestinar aske utziko lituzkete tarte horretan.

2024/03/04 - 14:18

Hamasen eta Israelen arteko elkarrizketek astelehen honetan jarraitzen dute Kairon

Elkarrizketan ez dago Israelgo ordezkaririk, Hamasek oraindik bizirik dauden bahituen zerrenda emateari uko egin izana salatzeko.

2024/03/01 - 11:49

Nazioarteak gogor gaitzetsi du Gazan janaria hartzeko ilaran zain zeuden kontra Israelek egindako erasoa

AEBk NBEren Segurtasun Kontseiluan sarraskia gaitzesteko adierazpena blokeatu zuen, beste behin. EBk eta dozenaka herrialdek, tartean Espainiak, Frantziak edo Australiak, gaitzespen irmoa egin dute. Kolonbia harago joan da eta Israeli armak erosteari utziko diola jakinarazi du.

2024/02/29 - 23:58

Hamar haurtxo gosez eta egarriz hil dira azken hiru egunetan, Gazako ospitaleetan, Israelen setioaren ondorioz

Lau umetxo hil dira gaur Kamal Adwan ospitalean, desnutrizioaren eta deshidratazioaren ondorioz. Asteazkenean beste lau haurtxo hil ziren ospitale berdinean, eta beste bi egun berean hil ziren Gaza hiriko Shifa ospitalean.

2024/02/29 - 16:26

Gazan janaria hartzeko ilaran zain zeuden 100 palestinar baino gehiago hil ditu Israelek

Gazako Osasun Ministerioak jakitera eman duenez, aurrez pentsatutako eta antolatutako erasoa izan da. "Goseak hiltzen ari diren herritarrak hiltzen ari dira", esan dute.

2024/02/29 - 15:58

100 hildako baino gehiago Gazan, laguntza banatzeko ilara baten aurka Israelek egindako eraso batean

Israelgo Armadak adierazi duenez, "zenbait palestinar elikagaiak lapurtzen ari zirelako" egin behar izan dute tiro. Gazako agintariek, berriz, salatu dute "aurrez pentsatutako eta antolatutako" erasoa izan dela.

2024/02/26 - 09:53

Gazan su-eten bat ezartzeko negoziazioak berrabiarazi dituzte Israelek eta Hamasek, Qatarren

Negoziazioaren gertuko iturriek aurreratu dutenez, Israelek mahai gainean jarriko duen zirriborroak sei asteko su-etena proposatzen du, 40 bahitu israeldar eta 200-300 preso palestinar askatzearen truke.