Rafahren kontrako erasoak "badu data", Netanyahuren esanetan
Benjamin Netanyahu Israelgo lehen ministroak iragarri duenez, Rafahren kontrako eraso militarrak "badu data". Rafah Gazako Zerrendako hegoaldean dago, Egiptorekin mugan, eta han daude babestuta bonbetatik ihesi joandako milioi bat palestinar.
Sare sozialetan eskegitako bideo batean, Rafahn sartzea "derrigorrezkoa" dela defendatu du Israelgo buruzagiak, "han dauden batailoi terroristak desagerrarazteko. Gertatuko da, badu data", azpimarratu du.
Aurretik esana zuen Israelek Palestinako hiri horren kontra egingo zuela, eta nazioartea kritiko azaldu zen. Israelen bonbek txikitu ez duten eremu bakarrenetarikoa da Rafah.
Bien bitartean, Hamasek eta Israelek su-etena negoziatzen jarraitzen dute Kairon (Egipto). Urriaren 7an Hamasek bahitutako pertsonak askatzearen truke, Tel Avivek aldi baterako su-etena ezartzea da helburua.
"Kairoko elkarrizketen inguruko txosten zehatza jaso dut, gure helburuak lortzeko lanean ari gara, batez ere bahitutako guztiak askatzea eta Hamasen gaineko erabateko garaipena lortzea", azpimarratu du Netanyahuk.
Hamasek argitu du Israelen azken proposamena aztertzen ari dela, eta Tel Avivi "burua lehengo lepotik edukitzea" egotzi dio.
Egipto eta Qatar bitartekari lanak egiten ari dira. Hain justu, hartu-emanez galdetuta, Majed al Ansari Qatarko Atzerri ministroak aitortu du "baikorragoa" dela. Horren esanetan, AEBn presioa "erabakigarria izango da elkarrizketak arrakastatsu izateko", baina ez du bestelako argibiderik eman.
Giza laguntzako 400 kamioi sartu ziren Gazako Zerrendan, gerra hasi zenetik kopururik handiena, Israelen arabera. Urria baino lehen, 500 bat kamioi sartzen ziren egunero Palestinako eremu horretan, eta argindarra eta txorrotako ura bermatuta zeuden.
Zure interesekoa izan daiteke
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.