Delituak

2024/12/29 - 17:20

Elkarretaratzea egin dute Arrigorriagan, herritar batek jasotako jipoia salatzeko

13:00etan izan da elkarretaratzea, udaletxeko plazan, biktimari eta gertukoei elkartasuna adierazteko. Herriko merkatari bati eraso zioten hiru lagunek, eta, ondorioz, larri zaurituta eraman zuten ospitalera. Erasotzaileetako bat atxilotu dute, eta beste biren bila ari dira.

2024/12/28 - 17:14

Ertzaintza gorroto delitu bat ikertzen ari da Arrigorriagan, gizon batzuek beste bat jipoitu ostean

Biktima ospitalera eraman zuten, zenbait pertsonak emandako kolpeen ondorioz larri zaurituta. 20 urteko gizon bat atxilotu zuten, lesio delitua egotzita, baina gorroto delitua ikertzen ari dira. Erasoa denda txinatar batean gertatu zen.

2024/12/28 - 16:58

Maite Ibarra (alkatea): ''Arrigorriagan ez dugu onartzen sexu, erlijio edo arrazagatik inori eraso egitea''

Maite Ibarra Arrigorriagako alkateak herrian ostiralean gazte batzuek herriko merkatari bati egindako erasoa gogor gaitzetsi du, eta elkartasuna adierazi die, Udalaren partez, biktimari eta familiari.

2024/12/27 - 14:19

Gizon bat atxilotu dute Gasteizen amari eraso egiteagatik

Erasoa gertatu zen etxera iristean, udaltzainek amarekin eta semearekin hitz egin zuten, eta biek esandakoak entzun ondoren, eta emakumeak zituen markak ikusita, 33 urteko gizonezkoa atxilotu zuten, amaren aurkako eraso delitu bat leporatuta, etxeko indarkeriaren esparruan.

2024/12/27 - 13:44

1,3 milioi jarraitzaile dituen Castroko youtuber bat atxilotu dute, lehergailuak legez kanpo egiteagatik

Guardia Zibiliak atxilotuaren tailer klandestinoa desegin du. Konposatu leherkorrak eta su-eragileak fabrikatzen zituen, eta pausoz pauso erakusten zuen nola egin eta nola erabili. Bideo horiek guztiak tutorial gisa argitaratzen zituen, YouTubeko kanalean, ekarpen ekonomikoak ere eskatuz.

2024/12/26 - 11:25

Atxilotu bat Iruñean, urruntze agindua zuen emakumearen autoan kalteak eragiteagatik

Atxilotuari, 38 urteko gizonezkoa, bi delitu egozten dizkiote: kautelazko neurria haustea eta nahita kalteak eragitearena.

2024/12/19 - 12:22

Txutxi Athleticeko jokalari ohia atxilotu dute, narkotrafikoagatik zigortu eta ihesean 10 urte eman ostean

1995-1996 denboraldian lehen taldeko atzelaria izandakoari bederatzi urteko kartzela zigorra ezarri zioten 2014an ia 1.000 kilo kokaina Espainiako Estatuan sartzeagatik. Ordutik, ez dute haren berri izan, harik eta Cadizen ohiko polizia kontrol batean gelditu eta identifikatu duten arte.

2024/12/16 - 22:04

Getxon labankadaz eraso egiteagatik atxilotutako 20 urteko gaztea espetxeratu dute

Gaztea epailearen esku utzi dute gaur, eta epaileak behin-behinean espetxeratzea agindu du arratsaldeko azken orduan.

2024/12/16 - 13:39

Labankadaz eraso egiteagatik Getxon atxilotutako 20 urteko gizona epailearen aurrera eraman dute

Bestalde, larunbat goizaldean Getxon gizonezko bat labankadaz larri zauritzeagatik atxilotutako hiru adingabeak libre geratu dira, Fiskaltzaren aurrean deklaratzeko hitzorduaren zain. 23 urteko zaurituak, berriz, Gurutzetako Ospitalean jarraitzen du, larri.

2024/12/16 - 12:03

Atxilotu bat Usurbilen, aingira europarraren salerosketan jarduten zuen talde kriminal bat desegin ostean

10 pertsona gehiago daude ikerketapean Gipuzkoan, Madrilen eta Badajozen. Espezie babestuen trafikoa, kontrabandoa eta dokumentuak faltsutzea leporatu diete. Desegindako talde kriminalak angula europarra esportatzen zuen Mexikora aduana-espediente irregularrak erabilita.

2024/12/15 - 11:21

Aske utzi dituzte Getxoko labankadengatik atxilotutako adingabeak, Fiskaltzaren aurrean deklaratu aurretik

Atxilotutako lau lagunetako hiru askatu dituzte; laugarrena, 20 urtekoa, ertzain-etxean dute, epailearen esku uzteko zain.

2024/12/14 - 16:38

Lau atxilotu Getxon, hiru adin txikiko tartean, 23 urteko gizonezko bat labanaz larri zauritu ostean

Areetako metro-geltokiaren inguruan atxilotu dituzte ustezko erasotzaileak, eta trenbidera botatako arma bat berreskuratu dute. Zauritua larri eraman dute Gurutzetako Ospitalera.

2024/12/14 - 13:12

Gizon bat atxilotu dute Eibarko pabiloi batean 150 landareko marihuana-plantazio bat aurkitu ostean

Ur-iragazketa batzuen ondorioz langile batzuk Matsaria auzoko erabiltzen ez zen pabilioi batera sartzen saiatu zirenean topatu zuten, ustekebean, plantazioa. Ertzainak zaintza-dispositibo bat ezarri zuen, eta susmagarria aurkitu zuen.

2024/12/13 - 12:59

Adingabeengan espezializatutako atala sortuko du Ertzaintzak, Fiskaltzak eskatu bezala

Bingen Zupiriak iragarri duenez, atala ikerketa kriminaleko dibisioan egongo da, eta Ertzaintzaren erreferentzia izango da Fiskaltzaren eta epaileen aurrean. Bere gain hartuko du adingabeak delitu larrien biktima edo egile diren kasuak ikertzea.

2024/12/12 - 09:48

Eusko Jaurlaritzak itxitzat eman du aurrekontuen negoziazioa, EH Bilduk azken proposamenari ezetz esan ostean

Hortaz, EAJ eta PSE-EEren koalizio gobernuak oposizioko taldeen babesik gabe aterako ditu aurrera datorren urteko aurrekontuak.

2024/12/10 - 12:10

Telefono kontratuekin eta gailu elektronikoen salmentarekin iruzurra egiten zuen gaizkile taldea desegin dute

Ertzaintzak eta Guardia Zibilak 12 pertsona atxilotu ditu Bizkaian eta Burgosen. Iruzurra egotzita, talde horren kontrako 50 salaketa baino gehiago jaso dituzte Espainiako Estatu osoan. Ikerlarien arabera, legez kontra lortutako gailu elektronikoak salerosita ia 200.000 euroko iruzurra egin dute.

2024/12/09 - 14:23

Atxilotu bat eta ikertu bat Hernanin, migratzaileekin pertsona trafikoa egitea leporatuta

Atxilotuak 11 pertsona zeramatzan furgoneta barruan, Portugalera bidean. Bidaiarietako bat ikertu gisa dago, taldearen ustezko arduraduna zelakoan.

2024/12/08 - 11:02

Gizon gazte bat arma zuriz zauritu dute Bilboko dantzaleku batean

Erasotzaileak ihes egin du, eta Ertzaintza haren bila ari da. Zaurituak 20 urte ditu, eta Gurutzetako Ospitalera eraman dute.

2024/12/07 - 08:52

Ertzaintzak lau pertsona atxilotu ditu ikasle atzerritarrei etxebizitzen iragarkiekin iruzur egitea leporatuta

Bi gizon eta bi emakume atxilotu dituzte Gipuzkoan. Iragarki faltsuen bitartez 500 euroko seinalea eskatzen zieten biktimei.

2024/12/05 - 20:02

Espetxeratu egin dute Donostian gizon bat hiltzen saiatzeagatik atxilotutakoa

Ustezko erasotzailea asteazkenean atxilotu zuten, eztabaida baten ondoren beste bati arma zuri batekin mehatxu eta eraso egin ostean. Zauritua ospitalera eraman zuten, zituen lesioen larritasunagatik.