Martxoaren 8ak bi hilketa matxista berri utz ditzake, Martosko eta Blanesko kasuak baieztatzen badira
Martxoaren 8a, Emakumeen Nazioarteko Eguna, bi hilketa matxista gehituta amaituko da, Martosen (Jaen) eta Blanesen (Girona) ikertzen ari diren kasuak baieztatzen badira. Biak baieztatuz gero, lau izango dira 2025ean Espainiako Estatuan eraildako emakumeak.
Zehazki, Martosko Udalak (Jaen) bertan behera utzi ditu larunbat honetan Emakumeen Nazioarteko Egunarekin lotutako ekitaldi guztiak, bai eta egun horretarako aurreikusita zuen agenda instituzionala ere, bertako 78 urteko emakume bat hil delako, eta litekeena delako erailketa matxista kasu bat izatea.
Udalak Facebook sare sozialean duen kontu ofizialean eman du horren berri. Orain arte, ez da dolu egun ofizialik ezarri, indarkeriazko heriotza izan den edo aukera hori baztertzen den argitzeko. Gainera, Genero Indarkeria Kasuen Jarraipen Integralerako Sisteman (VioGen Sistema) ez da ageri bikote honen aurrekaririk.
Martxoaren 3an, astelehenean, 80 urteko gizon britainiar batek larrialdi-zerbitzuetara deitu zuen. Osasun-zerbitzuak bertaratu zirenean, 78 urteko emakumea larri aurkitu zuten, eta ospitalera eraman zuten berehla. Egun horretan bertan hil zen, ospitaleratu eta ordu batzuetara.
Pedro Fernandez Espainiako Gobernuak Andaluzian duen ordezkariak azaldu duenez, hasiera batean "heriotza naturaltzat jo zen, eta horrela baieztatu zen, harik eta datu eta testigantza batzuk bildu ondoren Guardia Zibilak ikerketarekin jarraitzea beharrezkoa zela erabaki zuen arte; izan ere, baziren beste zerbaitegatik hil zela uste izateko zantzuak".
"Autopsian, heriotza izan aurretik eragindako eta genero indarkeriarekin bateragarriak diren lesio batzuk atzeman dituzte", Gobernuko ordezkariaren hitzetan, eta gaineratu duenez, gaur egun, "kasua prozesu judizialean dago, epaileak akusatua espetxeratzeko agindua eman baitu".
Horren arabera, orain "agintaritza judizialari dagokio ikerketarekin jarraitzea, sakontzea eta azkenean indarkeriazko heriotza izan den edo ez zehaztea".
Bestalde, Blanesen (Girona) emakume baten heriotza ikertzen ari dira, bikotekideak hil ote duen argitzeko. Ostegunean hil zen, Udalak larunbat honetan ohar baten bidez jakinarazi duenez.
Hala, ostegunean, 18:30ean, larrialdi-zerbitzuek Udaltzaingoari jakinarazi zioten anbulantzia bat bidali zutela La Plantera auzoko etxebizitza batera, bihotz-geldialdia izan zuen emakume bat artatzera. Bertara iritsitakoan, emakumea hilda aurkitu zuten, eta "garbi zegoen ordu batzuk zeramatzala hilik".
Larunbat goizean, Udaltzaingoak eta Esquadra Mossoek Jordi Hernandez alkateari jakinarazi diotenez, zalantzak piztu zaizkie eta ikerketa abiatzea erabaki dute, emakumea bere bikotekideak hil ote duen argitzeko.
Alkatearen esanetan, "oraindik gauza batzuk baieztatu behar badira ere, badirudi bikotekideak hil zuela". Hori dela eta, astelehenean, 17:45ean, udaletxe aurrean, minutu bateko isilunea egitea erabaki dute, eta hiru dolu egun ezarri dituzte. Hori dela eta, bandera ofizialak haga erdian egongo dira asteartera arte, udaletxeko balkoi nagusian eta Udaltzaingoaren bulegoetan.
Zure interesekoa izan daiteke
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Abian da Osakidetzako EPEaren bigarren eguna, zeladore, erizaintzako laguntzaile eta zerbitzuetako langile izateko probekin
Ostiralean hasi eta igandera bitartean, 9 kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.