Denboraleak

2024/08/29 - 12:11

Ur-putzu handiak Bilbon, euriteen ondorioz

Ur-putzu handi batek Bilboko Santutxu auzoko Zabalbide kalea estali du. Zaparrada trumoitsuak espero dira Euskal Herri osoan, baita txingorra ere, lehen ordutik gauerdira arte (Idoia Zuluagaren irudiak).

2024/08/16 - 16:32

Menorcan ekaitzak eragindako kalteak ebaluatzen ari dira hondamendi eremu izendatzea eskatzeko

Es Mercadaleko bizilagunek bat egin dute metro koadroko 204,2 litroko euriteek eragindako kalteak eta utzitako hondakinak garbitzeko. Guardia Zibilak helikopteroz erreskatatu behar izan zituen 16 pertsona eta 5 maskota.

2024/08/16 - 10:41

Bilbo eta Palma arteko bi hegaldi bertan behera utzi dituzte, eta Menorcarakoa arazorik gabe irten da

Atzo Maotik Bilbora itzuli behar izan zen hegaldiko bidaiari guztiak ezin izan dituzte 06:45eko hegaldian sartu. Atzo, zortzi hegaldi bertan behera geratu ziren Balearretako euriteengatik. Gaur, normaltasunez ari dira artxipelagoko aireportuak.

2024/08/15 - 16:55

Balear Uharteak astindu dituen goi geruzetako depresioaren azken kolpeak

Azken orduetan Mediterraneoko kostaldeko hainbat leku gogor astindu dituen goi geruzetako depresioa ahultzen eta Italiarantz mugitzen hasi da, baina azken ukituek gogor astindu dute oraindik Balearretako artxipelagoa.

2024/08/15 - 15:37

Loiu-Menorca hegaldia bertan behera geratu ondoren, kaltetuek esan dute ez dakitela noiz egingo duten hegan

Balearretako autonomia-erkidegoak alarma gorrian jarraitzen du, muturreko arriskuan, eta dozenaka hegaldi bertan behera geratu dira. Hegaldi horietako bat gaur goizean Loiura itzuli den Menorcan lur hartu behar zuena izan da. Kaltetuek ez dakite noiz egin ahal izango duten hegan.

2024/08/14 - 16:41

Zangozako Zaharren Egoitzako sabaiak amore eman du euriteengatik

Kalte materialak handiak izan diren arren, egoiliarrik ez da zauritu, baina sei gelaz aldatu behar izan dituzte.

2024/08/14 - 12:47

Igandeko enbatak eramandako belaontzi baten zatiak aurkitu dituzte Igeldoko arroketan

Zazpi metroko luzera zuen belaontzi frantziarra Getarian ainguratuta zegoen. Igandeko galernan amarralekua galdu zuen eta noraezean geratu zen eskifaiarik gabe. Ontziaren zatiak Igeldon aurkitu dituzte, Orio eta Donostia artean.

2024/07/05 - 12:53

Eguraldi eguzkitsuak zaparrada trumoitsuak ekarriko ditu arratsean, eta giro freskoa gailenduko da asteburuan

Abisu horia ezarri dute gaurko, 18:00etatik 24:00etara, ordubetean metro koadroko 15 litro baino gehiago bota ditzakeelako. Igandean, orduak igaro ahala, hobera egingo du.

2024/06/30 - 14:12

Mendaroko Ospitaleko larrialdi zerbitzua berriro ireki dute, euriak eragindako kalteak konpondu ondoren

Zerbitzuak bere ohiko jarduera berreskuratu du, larunbat goizaldean izandako euriteek eragindako kalteak konpondu ondoren. Zaparrada iraunkorrek larrialdi zerbitzua ixtea eragin zuten.

2024/06/29 - 16:06

Mendaroko Ospitaleko larrialdi zerbitzua itxita, euriaren eraginez erizaindegiko sabaia kaltetu ondoren

Inor ez da zauritu, eta larrialdietan zeuden pazienteak ospitaleko beste gune batzuetara lekualdatu dituzte, “berme guztiekin” artatu ahal izateko.

2024/06/29 - 16:06

Horrela iragazi da ura Mendaroko Ospitaleko erizaintzako kontrolera

Mendaroko Ospitaleko larrialdi zerbitzua itxita dago larunbat honetan, azken orduotako prezipitazio iraunkorren eraginez erizaintzako kontrolaren sabaia ura iragazita kaltetu ostean.

2024/06/16 - 12:24

50.000 kaltetu baino gehiago Txinako hego-ekialdean izandako uholdeengatik

Ekainaren 9az geroztik izaten ari diren euriteen ondorioz, 27.000 herritar etxetik irtenarazi dituzte. 500 mm-tik gora pilatu dituzte Nanping hirian.

2024/06/12 - 00:59

Mallorcako aireportua igerileku bihurtu da astearte honetako ekaitz bortitzen ostean

Ur zaparrada batek, 43 litro metro koadroko ordubetean, aireportua kolapsatu du. Ordubetez ez da hegazkinen aireratzerik edo lurreratzerik izan, eta instalazioetan ur asko sartu da.

2024/06/05 - 20:22

Bost urte baino gutxiagoan gainditu liteke Parisko Akordioaren tenperatura-muga

Munduko Meteorologia Erakundearen arabera, 2024 eta 2028 urteen artean baliteke munduko tenperaturek batez beste 1,5 graduko igoera pilatzea.

2024/05/14 - 11:22

14 hildako eta 70 zauritu Mumbain, euriaren ondorioz erori den publizitate-kartel batek azpian harrapatuta

Agintariek adierazi dutenez, oraindik pertsona batzuk hesien azpian harrapatuta daude, eta erreskatatzen ari dira; izan ere, 150 ibilgailu inguru gasolindegian zeuden istripuaren unean.

2024/04/23 - 14:43

Txinak uholde masiboak jasan ditu, eta 45.000 lagunetik gora ebakuatu dituzte

Txinako Gobernuak larrialdi neurriak hartu ditu arriskuan egon daitezkeen 127 milioi pertsona babesteko. Denboraleak irudi apokaliptikoak utzi ditu.

2024/03/29 - 11:24

Bi pertsona hil dira Tarragonan eta bi Asturiasen, Nelson denboraleak sortutako olatuek itota

15 urteko gazte bat hil da Tarragonako hondartza batean, "zuhurtziagabekeria" baten ondorioz, baita erreskatatzera abiatu den gizona ere. Asturiasen, gizon bat eta emakume bat uretara erori dira olatuengatik, eta bertan hil dira.

2024/03/29 - 11:18

Nelson ekaitzak lau pertsona hil ditu Asturiasen eta Tarragonan

Itsasora eroritako 16 urteko mutil bat eta hura erreskatatzen saiatu den gizona itota hil dira Tarragonan. San Esteban de Pravian, berriz, itsasoari begira zegoen turista ingeles bat uretara erori da eta olatuek eraman dute. Cudilleron, olatu batek emakume bat eraman du arrastaka.

2024/03/28 - 20:32

Nelson depresioak 4 metro inguruko olatuak utzi ditu Ostegun Santu arratsaldean

Kostaldean abisu horia aktibatuta dago gauerdira arte, olatu altuengatik. Gainera, 110 km/h-tik gorako haize boladak neurtu dira.

2024/03/28 - 16:04

Abisu horia aktibatuta Euskal Herrian, Erriberan salbu, haizeagatik

Araban, Bizkaian eta Gipuzkoan 15:00etatik 00:00etara egongo da indarrean abisua; Nafarroan, 14:00etatik 22:00etara, eta Ipar Euskal Herrian, 12:00etatik gauerdira. Horrez gain, ostiralera arte, itsasaldeko arriskuagatik beste bi abisu aktibatuko dituzte.