Frantziako Gobernua
2023/04/07 - 13:32
Bornek gauzak "ez behartzearen" alde egin du, eta beharrezkotzat jo du "sendatze epe bat errespetatzea"
Elisabeth Borne Frantziako lehen ministroa Macron presidenteak pentsioen erreformaren inguruan darabilen tonu irmotik aldendu da. Bitartean, sindikatuek erreformaren aurka mobilizatzeko deia egiten jarraitzen dute.
2023/04/06 - 23:08
Gutxienez 150 atxilotu Frantzian, pentsioen erreformaren aurkako 11. protesta egunean
Herrialdeko hiri nagusietan manifestaziok egin dira Gobernuaren eta sindikatuen arteko bileraren porrotaren ondoren. Baionan 15.000 lagun inguru bildu dira antolatzaileen arabera.
2023/04/06 - 09:50
11. greba eguna Ipar Euskal Herrian eta Frantzian, sindikatuen eta Gobernuaren arteko bilera antzuaren ostean
Lanuzteek Marseilla, Tolosa, Bordele eta Nanteseko aireportuei eragingo diete, hegaldiak bertan behera utzita edo atzeratuta. Garraio publikoari dagokionez, eragin handia izango du sektore anitzeko grebak.
2023/04/05 - 18:09
Ezerezean amaitu da sindikatuek eta Frantziako Gobernuak pentsioen erreformari buruz egindako bilera
Lehen Ministroak ez du testua atzera bota nahi izan eta sindikatuek biharko deituta dauden protesta-ekintzetan modu masiboan parte hartzeko deia egin dute. Pentsioen erreforma atzera botatzea eskatzeko hamaikagarren mobilizazio eguna izango da.
2023/04/05 - 11:43
Berriz batuko dira Frantziako Gobernua eta sindikatuak, pentsioen erreformaren aurkako protesten ondoren
Sindikatuek iragarri dute proposamenak eramango dituztela bilerara. Erreforma osoa edo, gutxienez, alderdi korapilatsuenak bertan behera uzteko eskatuko dute. Erretiroa hartzeko adina 2030erako 64 urtera igotzea da alderdi horietako bat.
2023/03/29 - 14:48
Pentsioen erreforma dela-eta, datorren astean bilera bat egitea proposatu die Frantziako Gobernuak sindikatuei
Asteartean, pentsioen erreformaren aurka deitutako hamargarren mobilizazio egunean, Frantziako sindikatu nagusiek jarrerak hurbiltzeko "bitartekaritza" bat proposatu diote Gobernuari. Macronen Gobernuak, ordea, uko egin dio aukera horri.
2023/03/28 - 21:14
Jai giroan egindako manifestazio jendetsua berriro istiluekin bukatu da Parisen
Protesta jendetsuak milaka pertsona bildu ditu Frantziako hiriburuan, pentsioen erreformaren aurkako grebaren hamargarren egunean. Manifestazioa jai giroan egin dute, baina berriz ere liskarrekin amaitu da.
2023/03/28 - 20:45
Protesta jendetsua Baionan, erreformaren aurkako hamargarren greba egunean
Antolatzaileen arabera, 13.000 lagun bildu dira Lapurdiko hiriburuan. Poliziaren hitzetan, ordea, 6.500 pertsonak baino gehiagok parte hartu dute protestan.
2023/03/28 - 19:59
Sindikatuek Macroni bitartekaritza proposatu diote mobilizazio masiboak errepikatu diren egunean
CGT sindikatuak 450.000 manifestari inguru zenbatu ditu gaur hamargarren grebaren baitan, eta agintariek 93.000 pertsonara jaitsi dute kopuru hori. Sindikatuek greba orokorra deitu dute apirilaren 6rako.
2023/03/28 - 07:00
Gaur pentsioen erreformaren aurkako hamargarren greba eta mobilizazio eguna dute Frantzian
Gaurkoa aukera ona izango da mobilizazioen indarra neurtzeko. Sindikatuek Macron presidentea berriro estu hartu nahi dute.
2023/03/26 - 20:53
Manifestari bat hilzorian dago Frantzian, protesta ekologista batean zauritu ostean
Sainte-Solineko nekazal-urtegi bat okupatu nahi zuten manifestariek, uraren pribatizazioa salatzeko asmoz. Liskar larriak izan ziren Poliziaren eta ekintzaileen artean, eta 200 pertsona zauritu ziren, horietatik 40 larri.
2023/03/24 - 14:42
Frantziak debekatu egin ditu aisialdiko aplikazioak, TikTok barne, telefono ofizialetan
Frantziako Gobernuaren ustez, aisialdiko aplikazioek "ez dute Administrazioaren ekipoetan instalatzeko adina zibersegurtasun eta datu-babes maila".
2023/03/24 - 10:42
457 atxilotu eta 441 agente zaurituak Frantzian, osteguneko protestetan
Hiriburuan bezala, manifestazioak istilu bihurtu dira Frantziako Estatuko beste hiri batzuetan, hala nola Rennesen, Nantesen, Bordelen eta Lorienten. Darmanin ministroak "muturreko ezkerra" jo du indarkeria ekintzen erantzuletzat.
2023/03/23 - 19:39
Istiluak izan dira pentsioen erreformaren aurkako manifestazio jendetsuetan, Frantziako hainbat hiritan
Parisen bezala, liskarrak Frantziako Estatuko beste hiri batzuetan ere izan dira, hala nola Rennes, Nantes, Bordele edo Lorienten. 3,5 milioi manifestarik protesta egin dutela diote Frantziako sindikatuek, eta mobilizazio egun berri bat deitu dute hilaren 28rako, hamargarrena.
2023/03/23 - 15:30
Lan uzteak eta 300 manifestaziotik gora, gaur, Frantzian
Pariseko Gare de Lyon geltokian, trenbidea blokeatu dute goizean manifestariek. Linearen arabera, trenen % 50 eta 80 artean geratu dira bertan behera hiriburuan. Metroan, berriz, automatikoak diren bi linea baino ez dabiltza normal.
2023/03/23 - 08:41
Protesta eta mobilizazio eguna Frantzian eta Ipar Euskal Herrian, pentsioen erreformaren aurka
Baionan goizean egin duten manifestazioa orain arteko jendetsuenetako bat izan da, 24.000 lagun inguru bertaratu direla jakinarazi baitute antolatzaileek. Istiluak izan dira manifestarien eta Frantziako Poliziaren artean.
2023/03/22 - 18:01
Macronek herritarren "haserre legitimoa" ulertzen du, baina erreforma "beharrezkoa" dela azpimarratu du
Frantziako presidenteak TF1 eta France 2ri egindako elkarrizketa batean azaldu duenez, ez ditu aldaketa horiek egin "plazeragatik". Oposizioak eta sindikatuek Macronen argudioak kritikatu dituzte, "harroputza" izatea eta ustezko kontra proposamenen faltaren inguruan gezurra esatea egotzita.
2023/03/22 - 09:59
Gutxienez 46 pertsona atxilotu dituzte Parisen, Poliziaren eta manifestarien arteko liskar gogorretan
Gaua nahasia izan da Frantziako hainbat hiritan, pentsioen erreformaren kontra. Istiluak izan dira, besteak beste, Parisen. Su eman diete edukiontziei eta hainbat motorrei. Gutxienez 46 atxilotu daude.
2023/03/21 - 14:56
Ia 300 pertsona atxilotu dituzte Frantzian, pentsioen erreformaren kontrako enegarren protesta gauean
Macronek elkarrizketa eskainiko die bihar Frantziako bi telebista kateei, exekutiboaren barruan balizko aldaketen zurrumurruak hauspotuta. Halaber, zerbitzugune batzuk erregairik gabe geratu direla eta, esku hartu behar izan du Gobernuak.
2023/03/21 - 08:04
Frantziako Gobernuak bi zentsura mozioak gainditu ditu
Lehenengo mozioak 278 boto jaso ditu, behar zituen 287 botoetatik (bederatzi botoko aldea baino ez, beraz), eta eskuin muturrak 94. Bi mozioak atzera botatzeak pentsioen erreforma onartzea dakar.