Frantziako Gobernua
2023/10/17 - 16:12
Versaillesko jauregia berriro hustu dute, beste bonba mehatxu batengatik
Joan den larunbatean, arrazoi beragatik, Versaillesko jauregia, Louvre museoa eta Parisko Lyon geltokia itxi zituzten, baina azkenean ez zuten lehergailurik aurkitu.
2023/10/11 - 13:52
Itxita jarraitzen duten mugako lau pasabideak urriaren 30ean irekiko dituztela iragarri du Frantziak
Horrela, Hendaiako Avenida zubia, Izpegiko lepoa eta Aldudeko eta Larraingo pasabideak berriz zabalduko dituzte, bi urte baino gehiago itxita izan ondoren. Bederatzi pasabide blokatu zituzten 2021eko urtarrilaren 14n. Frantziako Gobernuak segurtasun arriskuak argudiatuta itxi zituen pasabideak.
2023/10/07 - 17:00
12.000 sinadura bildu dituzte, Lapurdi-Gipuzkoa muga berriz ireki dezaten eskatzeko
Hendaiako auzapezak sinadurak jaso ditu, Hondarribiako eta Irungo alkateekin batera egindako ekitaldian. Frantziak gutxienez 2024ko apirilera arte mantenduko ditu lau pasabideak itxita.
2023/09/28 - 16:14
Macron, Korsikari "autonomia" emateko eta uhartearen "berezitasuna" aitortzeko prest
Frantziako presidenteak Korsikako politikariei estatutu berriari buruzko proposamen bat egiteko eskatu die, Parisekin adostuta, sei hilabeteko epean. Uhartea "izan behar duen lurralde autonomoa" bihurtzea espero dute agintari korsikarrek.
2023/09/03 - 12:54
Frantziako Gobernuak zigarro elektronikoak debekatu nahi ditu, gazteen kontsumoan eragina dutelakoan
Elisabeth Borne lehen ministroak tabakismoaren aurkako plan nazionala aurkeztuko duela iragarri, eta kontsumoak gora egin duela eta "urtean 75.000 hildako" eragiten dituela azpimarratu du.
2023/08/28 - 14:12
Frantziak abaya debekatu du eskoletan, erlijio bereizgarri bat delako
Gobernuko bozeramailearen hitzetan, "eskola ez da erlijio proselitismoa egiteko tokia", eta iragarri du aste honetan bilduko dela ikastetxeetako zuzendariekin, zuzentaraua azaltzeko.
2023/08/09 - 14:17
Irun eta Hendaia arteko Avenida zubia irekitzeko eskatu die Arartekoak Frantziako agintariei
2021eko urtarrilaren 14tik itxita dago oinezkoen zubia, baina salbuespen gisa aurtengo uztailaren 3an ireki egin zuten Frantziako Tourraren harira. Ondoren, berriro itxi zuten.
2023/08/01 - 23:03
Frantzia Nigerretik herritarrak ateratzen hasi da, Burkina Fasok eta Malik abisua eman ostean
Espainiako Gobernuak esan du 70 herritar baino gehiagoren ebakuazioa prestatzen ari dela, Italiak hegazkin bat pleitatuko du eta Berlinek alemaniarrei herrialdetik alde egitea gomendatu die. EBk, ordea, ez du aurreikusten oraingoz bere langileak ateratzea.
2023/08/01 - 20:47
Kutxa-tiketa automatikoak kendu dituzte Ipar Euskal Herrian arrazoi ekologikoengatik
Hala ere, kontsumitzaileak beti izango du erosketa-tiketa eskatzeko aukera, eta neurriak ez die eragiten bermepean dauden objektuei, horiek ere beren ordainagiria inprimatuta edukiko baitute.
2023/07/19 - 22:27
Ardatz Atlantikoak atzerapenik ez izatea eskatu dio lehendakariak Garraio komisarioari
Iñigo Urkullu lehendakaria eta Alain Rousset Akitania Berriko Eskualde Kontseiluko presidentea Adina Valean Europako Garraio komisarioarekin bildu dira gaur arratsaldean.
2023/07/19 - 18:38
Frantziak bere konpromisoak bete ditzan "ahal duen guztia" egiten ari dela ziurtatu du Europako Batzordeak
Bestalde, Iñigo Urkulluk eta Alain Roussetek eskerrak eman dizkiote Europari Bordele-Hendaia-Gasteiz interkonexioa 2030ean amaituta egon dadin "emandako laguntzagatik".
2023/07/19 - 07:00
Urkullu, Rousset eta Europako Garraio komisarioa bilduko dira gaur, Atlantikoko igarobidea eztabaidagai dutela
Lehendakaria eta Alain Rousset euroeskualdeko eta Akitania Berriko presidentea Adina Valeanekin bilduko dira gaur bideokonferentzia bidez, Iberiar penintsula eta Frantziako hego-mendebaldea lotuko dituen Atlantikoko igarobidearekin lotutako aurrerapenak aztertzeko.
2023/07/09 - 13:33
Frantziak su artifizialen erabilera pribatua debekatu du uztailaren 15era arte
Dekretuak "uztailaren 14ko jaietan ordena publikoari arazo larrien arriskuak prebenitzea" du helburu.
2023/07/07 - 21:46
Irunek eta Hendaiak Avenida zubiaren itxieraren aurkako elkarretaratzea egin dute
Ordezkaritza politiko eta instituzional zabalak babestu du Irungo eta Hendaiako alkateek, Jose Antonio Santanok eta Kotte Ezenarrok, deitutako protesta.
2023/07/07 - 11:51
Elkarretaratzea egingo dute gaur arratsaldean Avenida zubiaren itxieraren aurka, Irun eta Hendaia artean
Bi udalerrietako alkateek eskatzen dute "herritarrentzat iraingarria eta lotsagarria" den erabakia atzera botatzea, "anomalia" bat delako Frantziako eta Espainiako estatuak bereizten dituen muga osoan.
2023/07/04 - 17:19
Tourra igaro ostean, berriro itxi dute Hendaia eta Irun arteko Avenida zubia
24 orduz irekita egon ondoren, atzera hesiak jarri dituzte. Irungo eta Hendaiako alkateek "onartezina" dela salatu dute, eta elkarretaratzea deitu dute ostiral honetarako.
2023/07/03 - 13:13
Hendaia eta Irun arteko Avenida oinezkoentzako zubia zabaldu dute Tourra iritsi baino ordu batzuk lehenago
Bi urte terdi eman ditu itxita zubiak, Frantziako Gobernuak pasaden 2021ean arrisku terrorista argudiatuz muga pasabide hori itxi zuenetik.
2023/06/30 - 18:02
Frantzian larrialdi-egoera ezartzea saihestu du Macronek, eta "ardura" eskatu die gazteen gurasoei
875 pertsona atxilotu zituzten ostegun gauean. Segurtasun neurriak indartuko dituztela iragarri du Frantziako presidenteak, eta jaiak ospatzen ari diren toki gatazkatsuetan bertan behera utziko dituzte aurreikusitako ekitaldi guztiak.
2023/06/30 - 10:55
Gutxienez 875 pertsona atxilotu dituzte Frantzian, Poliziak hildako gaztearen heriotza salatzeko protestetan
Bart izandako protestetan, 300 polizia zauritu dira. Horrez gain, kalteak eragin dituzte 492 eraikin publikotan, eta 2.000 auto kiskali dituzte.
2023/06/29 - 11:16
150 bat pertsona atxilotu dituzte Frantzian, Poliziak tiroz hildako gaztearen heriotza salatzeko protestetan
Paris inguruan bakarrik ez, Tolosa eta Lille hiriburuetako barrutietan ere izan dira protestak bart. Egoeraren aurrean, Emmanuel Macron presidenteak Barne Ministerioaren premiazko bilera deitu du gaur eguerdirako.