Macronek eskuinera jo du eskuin muturrari aurre egiteko
Emmanuel Macron Frantziako presidenteak eskuinerako joera berretsi du Frantziako gobernu berriarekin. Oraingoan, Nicolas Sarkozy presidente ohi kontserbadorearen garaiko pertsonak izendatu ditu. Bere bigarren agintaldiari indarra emateko ahalegin moduan ulertzen da jarrera hori, eta Europako hauteskundeetan eskuin muturraren garaipena saihestea du helburu.
Gabriel Attal 34 urteko lehen ministro berriarekin egindako lehen kontseiluan, Macronek "emaitza azkarrak" nahi dituela azpimarratu du.
Funtsezko izango diren 14 ministroko talde txikiko 8 kide Errepublikanoak Sarkozyren alderdian egon dira, Rachida Dati Kultura ministro berria tartean. Dati Justizia ministroa izan zen Sarkozy presidentearen gobernuan 2007a eta 2009a bitartean. Catherine Vautrin, Sarkozyren lankide leiala, Jacques Chirac presidente kontserbadorearen garaian ere ministro izandakoa, Osasuna, Lana eta Elkartasuna batzen dituen ministerio zabalaren buru izango da. 2022an Macronen gobernuan sartu zenean, presidentearen alderdi zentristako kide ezkertienen kritikak jaso zituen, sexu bereko pertsonen arteko ezkontzak legeztatzearen aurka agertu zelako.
Sarkozyrekin ibilbide luzea egin duten Gérard Darmanin eta Bruno Le Maire politikariek euren karterari eutsi diote (Barne Ministerioa eta Finantza Ministerioa, hurrenez hurren). Emmanuel Moulin, Sarkozyren aholkulari ohi eta Altxorreko zuzendari ohia, da lehen ministro berriaren kabineteburua.
Attalek berak ere nahita erabiltzen du Sarkozyk 2007ko hauteskunde kanpainan Jean-Mari Le Pen ultraeskuindarra garaitzeko arrakastaz erabili zuen hiztegia. Sarkozyk soldata txikia edo ertaina zuten langile "goiztiarrei" egiten zien dei, orain lehen ministro berriak egiten duen moduan, eta segurtasuna, merituak, agintaritza eta erdi mailako klaseari zergak jaistea zituen hizketagai nagusi.
Ezkerretik Olivier Faure Alderdi Sozialistako idazkari nagusiak esan duenez, Macronen berritu nahiak "Sarkozyren dinosauroak" berpiztea baino ez da. Beste buruzagi sozialista batzuen iritzian ere, immigrazio lege murriztailea onartu ondoren, gobernu berriak berretsi egin du Macronek eskuinera egin duela.
Ekainean Europako hauteskundeak proba bat izango dira Macronentzat, bigarren agintaldiaren erdian. Oraingoz, Marine Le Penen Bilgune Nazionala ultraeskuineko alderdia aurretik doa inkestetan.
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germaineko jokalaria Marokoko selekzioarekin Munduko Futbol Txapelketan parte hartzen ari da. Versalleseko Apelazio Epaitegiak atzera bota du futbolariaren defentsak aurkeztutako helegitea, eta, ondorioz, akusatuen aulkian eseriko da 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.