Frantziako Gobernuak hainbat neurri iragarri ditu laborarien protestak baretzeko asmoz
Gabriel Attal Frantziako lehen ministroak hainbat neurri iragarri ditu laborarien protestak baretzeko asmoz, hala nola, diesel gaineko zergaren igoera mailakatua amaitzea, heskaien araudia sinplifikatzea eta nekazaritza ekologikorako 50 milioi euroko igoera.
Gainera, Emmanuel Macron Frantziako presidenteak lurraren % 4 lugorrian uzteko betebeharra indargabetzea eta NPB sinplifikatzea eskatuko du otsailaren 1eko Europar Batasunaren (EB) goi-bileran.
Hala ere, Nekazaritza Ustiatzaileen Sindikatuen Federazio Nazionalak (FNSEA) eta Nekazari Gazteek (JJAA), sektoreko erakunde nagusietako bik, mobilizazioekin jarraitzeko eskatu dute Estatu osoan.
Herri Konfederazioa ere, sektoreko beste erakunde bat, mobilizazioarekin jarraitzearen alde agertu da, neurri eskasak direla iritzita.
"NPBa sinplifikatu behar da, egitate bat da", adierazi du Attalek gaur Montastruc de Salieseko etxalde batetik, Toulouseko iparraldean. Bertara joan da nekazaritza-sektorearen aldeko laguntzak iragartzeko. Izan ere, duela zortzi egunetik hona, areagotu egin da Gobernuaren gaineko presioa, Estatu osoan autobideak eta errepideak blokeatuta.
Attalek agindu du Nekazaritza Politika Bateratuaren (NPB) ordainketak bizkortuko dituztela. Frantzia da mekanismo horren onuradun nagusia, urtean 9.000 milioi eurorekin. Esan duenez, "Europa gure babesik onena bada ere, tinko eutsi behar diogu gure nekazaritza defendatzeko".
Bestalde, "Frantzia Mercosur Ituna sinatzearen aurka dago, argi eta garbi, Emmanuel Macron Errepublikako presidenteak lehen egunetik argi utzi duen bezala", adierazi du Frantziako lehen ministroak, eta berriro berretsi du Frantziako Gobernuak "aurka egiten" jarraituko duela etorkizunean, BFMTV telebista kateak jaso duenez.
EB eta Mercosur 2000. urtean hasi ziren merkataritza libreko itun bat negoziatzen, nahiz eta ordutik hainbat fase igaro diren, eta elkarrizketak gelditu egin diren. Eliseok salatutako hainbat ingurumen-gai prozesua amaitzeko mehatxu bihurtu dira.
TF1 irratian egindako adierazpenetan, iragarritako neurrietan "urrunago joateko" eskatu dio Arnaud Rousseau FNSEAko presidenteak Frantziako Exekutiboari. "Esandakoak ez du ondoeza baretzen", gaineratu du Rousseauk.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.