Non du jatorria Ipar Euskal Herriko laborarien protestak eta zein helburu dituzte aldarri?
Zenbait laguntza publiko atzerapenekin iritsi zaizkie, laborantzarako gasolioaren diru laguntzak kenduko dizkiete, ingurumenarekin lotutako arau berriak ezarri ditu Europar Batasunak, eta nekazaritzako elikagaien industriek salneurriak edo kostuak igo dizkiete. Horrek guztiak kalera eraman ditu laborari eta abeltzainak Ipar Euskal Herrian, bai eta frantziar Estatu osoan ere.
Sindikatuak Europatik datozen politiken koherentzia faltagatik kexu dira: "Batetik, inportazioak handitzea lagatzen dute, merkataritza akordioen bidez (Zeelanda Berriarekin duela gutxi hitzartutako ituna, kasu); bestetik, geroz eta ingurumen edo osasun arau gehiago inposatzen dituzte, eta horrek kostuen garestitzea eta lehiakortasunaren moteltzea dakar".
Gauzak horrela, Ipar Euskal Herriko laborariek bat egin dute Europako beste hainbat herrialdeetan (Alemanian, Herbehereetan, Polonian edo Errumanian) abiatutako protestekin, eta A-63 autobidea, Baiona parean, blokeatuta dute atzotik.
"Entzun gaitzatela, arren. Aldarrikapenak ditugu, baina oraingoz ez da ezer aldatu. Hemen jarraituko dugu, erantzun bat jaso arte", esan dute autobidea blokeatu duten laborariek.
Europako politikak, kritiken muinean
Esan bezala, Europatik datozen politikak dira nekazariak mobilizatzera "behartu" dituen arrazoi nagusia.
"Aste osoan zehar egingo ditugu protestak, eta behar izanez gero, gehiago luzatuko ditugu", ohartarazi du Arnaud Rousseauk, Nekazaritza Ustiategien Sindikatuen Federazioko presidenteak.
Rousseauk azaldu duenez, "nazkatuta" daude, eta "laborariek lortu nahi dute beren lana berriro duintasunez egitea".
Horregatik, salatu du ulertezina dela laborariei hainbeste eskatzea, herritarrak elikatzeko kontsumitu behar dutelako, baina, aldi berean, europar kontsumitzaileek kalitatea, naturaltasuna eta kanpoko produktua sartzea exijitzen dutelako.
"Ezin da, alde batetik, gureekin bat ez datozen ekoizpen baldintzak betetzen dituzten produktuekin akordio komertzialak itxi, eta, bestetik, Frantziako laborariei —laborantza jasangarrienetakoa dugu— ekoizleek jasan ezin dituzten ekoizpen baldintzak exijitu", kritikatu du Rousseauk.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.