Milioi askoko lapurreta kriptomoneta-plataforma handienean

Zibererasoa egin diote mundu mailan kriptomonetak trukatzeko plataforma handienari, Binance-ri. Kolpea 6.300 milioi dolarrean (5.650 milioi) zenbatu dute, baina horien erdia, 3.000 milioi dolar (2.690 milioi euro), blokeatzea lortu du plataformak.

Konpainiak jakinarazi duenez, lehen ikerketen arabera, erasoaren jatorrian ingeniari baten ordenagailu eramangarriarekin segurtasun-gorabehera bat egon liteke. Horri esker, erasotzaileak sistemara sartu eta, handik, baimenik gabe dirua atera zuen.

6.000 milioi dolarretik gorako inpaktua izan arren, Binancek ziurtatu du harrapakinaren erdia blokeatzeko gai izan dela. Operazio hori blockhaineko beste kide batzuekin elkarlanean egindakoa da, eta bere helburua da erasotzaileei izoztutako zatiarekin transakzioak eragoztea.

Nolanahi ere, plataformak ziurtatu du erabiltzaileek ez dutela galerarik izango, estali egingo baititu, bai SAFUren (Erabiltzaileentzako Aktibo Seguruen Funtsa, ingelesezko akronimoan) bidez, bai plataformaren beraren funtsen bidez. 

Prebentzio-neurri gisa, eta segurtasun-berrikuspena amaitu arte, etenda daude diru-ateratzeak. Hasieran, gordailutzeak ere gelditu zituzten, baina horiek normaltasunez funtzionatzen dihardute. Ateratzeak 48 orduko epean berriz hastea aurreikusten dute.