Hautagaiak

2024/06/16 - 21:51

Inbestidura saioa eta lehendakari berriaren kargu-hartzea, asteko hitzordu politiko nagusiak EAEn

EAJ eta PSE-EEren arteko akordioa berrestearekin hasi, inbestidura saioa burutu eta larunbatean, Gernikako Juntetxean, lehendakari berriaren zinarekin amaituko da aste politikoa Euskadin.

2024/06/14 - 12:28

Otxandianok lehendakari izateko hautagaitza erregistratu du "nazio eraldaketa" lortzeko bidean

Idatzi batean azaldu duenez, Euskadiren egungo "ia salbuespeneko" agertoki politikoa abiapuntu hartuta, eta "hauteslekuetako emaitzek erakutsitako errealitate progresista eta ezkertiarra" kontuan izanda erabaki du bere hautagaitza aurkeztea.

2024/06/12 - 20:04

Frantziako LR alderdiak Ciotti kargutik kendu du, Le Penen ultraeskuinarekin ituna egiten saiatzeagatik

Erabakia "aho batez" onartu dute LR alderdiko zuzendaritzako kideek. Hala ere, Eric Ciottik ukatu egin du batzar horrek legezko ondoriorik duenik: "Gure alderdiko presidentea izaten jarraitzen dut".

2024/06/12 - 15:42

Macronek dio bere alderdia "aukera moderatu bakarra" izango dela Frantziako bozetan

Igandeko emaitzen ondoren hauteskundeak aurreratu izana defendatu du Frantziako presidenteak: "egin izan ez banu, arduragabekeria litzateke".

2024/06/12 - 00:47

Le Penen ultraeskuinak akordioa itxi du Ciottiren errepublikarrekin hauteskundeei begira

Eric Ciotti errepublikarren presidenteak, ordu batzuk lehenago, atea ireki dio RNrekin aliantza bat egiteko aukerari, eta barne-krisia eragin du alderdian, izan ere, eskuin muturrarekin akordio bat ixtearen aurka zeuden alderdikide asko.

2024/06/11 - 18:18

Otxandianok "herri proiektu alternatibo bat" aurkeztuko du inbestidura saioan

EH Bilduren zuzendaritzaren ustez, "EAJ-PSEren jardunbideak agerian uzten du Pello Otxandiano hautagai gisa aurkezteko eta bere herri proiektua planteatzeko beharra", jeltzaleek eta sozialistek lehendakariaren inbestidura saioa tramite huts gisa deitu zutela iritzita.

2024/06/11 - 13:40

EAJk eta PSE-EEk aurreakordio programatikoa lortu dute Eusko Jaurlaritza osatzeko

Aurreakordioaren ardatz nagusiak Estatutu berri baterako ituna lantzea, osasun publikoa bermatzea, zaintza-eredu berri bat ezartzea edota etxebizitza erosi ahal izateko ekimenak bultzatzea izango dira.

2024/06/10 - 21:54

Eusko Jaurlaritzan koalizio-gobernua osatzeko programa-akordioa ixtear daude EAJ eta PSE-EE

Dokumentua dagoeneko adostuta dago, gai jakin batzuk izan ezik, eta, beraz, "datozen ordu edo egunetan" ituna itxi eta publiko egin dezakete.

2024/06/07 - 09:40

Parte hartzerako azken deia eginez itxiko dute alderdiek hauteskunde kanpaina

EAJk eta Sumarrek Bilbo aukeratu dute kanpaina amaitzeko. EH Bilduk, PSE-EEk eta PPk, bestalde, Gasteizen egingo dituzte azken mitinak. EAEn ia 1,8 milioi herritarrek dute igandean botorako eskubidea.

2024/06/02 - 22:02

Martxan da bozketa Mexikon, Claudia Sheinbaum faborito dela

Inkestek Sheinbaum eta Galvez jotzen dituzte faborito. Beraz, ezustekorik ezean, lehendabizikoz emakume batek hartuko du Mexikoko Presidentetza. Ia 100 milioi mexikar daude hauteslekuetara deituta, eta 20.000 kargu daude jokoan.

2024/05/23 - 21:16

Europako hautagaien aurrez-aurrekoa, ultraeskuinaren parte-hartzerik gabe, baina oso presente eztabaidan

Ursula von der Leyen popularrak, Nicolas Schmit sozialdemokratak, Sandro Gozi liberalak, Terry Reintke "berdeak" eta Walter Baier ezkertiarrak hartu dute parte. Von der Leyenek esan du Meloni "Europaren aldekoa" dela eta berarekin egingo duela lan hurrengo legegintzaldian.

2024/05/23 - 13:11

Nora doa zure botoa Europan?

Hauteskundeen ostean, beren kidetasun eta ideologiaren arabera, estatu arteko talde politiko handietan antolatzen dira eurodiputatu gehienak. Amaitzear den legegintzaldian, eurodiputatu gehienak 7 bloke parlamentario handiren inguruan bildu dira.

2024/05/23 - 07:00

Gaur abiatuko da Europako hauteskundeetarako kanpaina, ultraeskuinaren balizko gorakada batek markatuta

EAJk gaur abiatuko du kanpaina Hondarribian (Gipuzkoa), eta gainerako indar politikoek, EH Bilduk, PSE-EEk, PPk eta Sumarrek, Bilbon.

2024/05/22 - 22:43

EAJk, CCk, Geroa Baik eta El Pik 'Europa solidario baten aldeko manifestua' sinatu dute Madrilen

EAJk, Coalicion Canariak, Geroa Baik eta Proposta per les Illes Balears indarrek Europako hauteskundeetarako hautagaitza aurkeztu dute Madrilen. CEUSen manifestuak "populismoa eta autoritarismoaren" auka borrokatzeko deia egin du.

2024/05/21 - 14:22

Inbestidura saioa ekainaren 20an egingo dute

Karguaren jabetze ekitaldia bi egun geroago, larunbatarekin, egingo dute Gernikan. Datok Bakartxo Tejeria Legebiltzarreko presidenteak jakinarazi dizkie Mahaiko gainerako kideei, baina baieztapen ofiziala ostegunean helduko da.

2024/05/18 - 17:47

EAJk "Euskadiren ahotsa" izan nahi du Europan

Era berean, "populismoak borrokatzeko" lortu nahi du ordezkaritza ekainaren 9an Europako hauteskundeetan.

2024/05/18 - 15:20

EH Bai ez da Europako hauteskundeetara aurkeztuko eta EH Bilduren zerrendan joango da Iparraldeko hautagaia

Pernando Barrena EH Bilduren Europako hauteskundeetarako zerrendaburuak esan du Euskal Herriko zazpi herrialdeak gogoan hartuta egingo dutela lan legealdi osoan. "Ipar Euskal Herriko arazo eta kezka politikoak, ekonomikoak eta sozialak Europako Parlamentuan izango dira", hitz eman du Barrenak.

2024/05/14 - 14:49

Gobernua osatzen saiatzeko zilegitasuna duela aldarrikatu du Puigdemontek, PSOEren kritiken aurrean

Generalitateko presidente izateko Juntsen hautagaiak sozialistei gogoratu die Pedro Sanchez Espainiako presidenteak ere ez zituela hauteskundeak irabazi.

2024/05/13 - 20:55

Illa ala Puigdemont, ekainaren 25a epemuga izango duen lehen inbestidura saiorako hautagaia

Ekainaren 10ean aukeratzen den Parlamentuko presidente berriak bere esku izango du inbestidurarako hautagaia izendatzea. Inbestidurako lehen bozketatik bi hilabete igaro eta hautagairik aukeratu ezin izan badute, Kataluniako Parlamentua automatikoki desegingo da.

2024/05/11 - 23:09

Gerenalitateko presidentegai nagusiek atseden hartzeko probestu dute gogoeta eguna

Puigdemonten absentziak markatutako ohiko "familia-argazkia" atera ondoren, familiekin, lagunekin eta zaletasunez gozatzen eman dute eguna zerrendaburuek, hauteskunde egunerako indarrak biltzeko.