Jaiak

2024/07/05 - 14:57

Maria Chivitek ''sexu-erasorik gabeko jaien'' alde topa egin du

Maria Chivite Nafarroako Gobernuko presidenteak adierazi duenez, bihar hasiko diren sanferminak "normaltasunez, errespetuz eta alaitasunez" beterik egotea espero du.

2024/07/03 - 14:02

Likido irristagaitzaz busti dute entzierroko zati handi bat

Langileek 1.500 litro likido irristagaitz zabaldu dute bart Udaletxe plazaren eta Estafeta kalearen hasieraren artean, eta, bigarren urtez, Gaseko eskortaren irteeran ere. Helburua erorikoak saihestea eta entzierroa seguruagoa egitea da.

2024/06/30 - 15:42

Alarde parekideak Irungo kaleak zeharkatu ditu, ehunka pertsonak babestuta

Desfile horretako jenerala, Maite Bergara, arrapaladan sartu da plazan, eta, haren atzetik, desfile mistoko gainerako agintariak, Thania Pazos Elkarrekin Irungo zinegotziaren eskutik hiriko bandera jaso dutenak. 10:30 aldera atera da, eta istilurik gabe desfilatu du.

2024/06/29 - 19:03

Euriak Kaxarranka kofradia barruan dantzatzera behartu du

Eguraldiak baldintzatuta, baina tradizioari eutsiz, kaxarranka dantzatu da beste behin Lekeition. San Pedro Kofradian dantzatu du Unai Urkiagak, lehen aldiz.

2024/06/28 - 19:54

Centinela, edarian 22 droga mota detektatzeko gai den eskumuturrekoa

Nafarroan sortutako eskumuturrekoak, Centinela, 22 droga mota detektatzen ditu edarian sexu-erasoak saihesteko. Bi eskumuturreko mota daude, eta premiumak, gainera, geolokalizatzeko aukera eskaintzen du.

2024/06/27 - 19:47

Emakundek eta Eudelek jaietan sexu-erasoak saihesteko jardunbide egokiak partekatu dituzte udalekin

Jaiguneak inklusiboak eta indarkeriarik gabekoak izan daitezen lan egiteko konpromisoa hartu dute. Jaiak antolatzen hasten diren lehen unetik, emakumeentzako gune seguruak izan behar dutela nabarmendu dute.

2024/06/27 - 19:42

Cristina Ibarrola, Joseba Asiron eta Palestina Iruñeko peñen pankartetako protagonistak

Iruñeko Peñen Federazioak sanferminetarako programazioa eta 16 pankarten diseinuak aurkeztu ditu. Cristina Ibarrola eta Joseba Asiron protagonista dituen zentsura mozioa ez da oharkabean pasatu, ezta palestinar herriarentzako askatasun aldarrikapena ere.

2024/06/27 - 14:43

Iruñeko Udalak herritarren erabateko inplikazioa eskatu du sanferminetan sexu indarkeriari aurre egiteko

Gazteluko Plaza sentsibilizazioaren epizentro izango da berriro, eta biktimen arretan zentratutako hamar profesionalek txandak egingo dituzte eguneko 24 orduetan zehar.

2024/06/26 - 20:19

Itziar Ituño izango da Bilboko Aste Nagusiko pregoilaria

Nagore Ugarte Ruiz "txinbotarra" izango da txupinera abuztuaren 17an hasiko diren jaietan.

2024/06/26 - 16:23

Emakundek eta EUDELek bilera egingo dute ostegun honetan, jaietan eraso sexistak prebenitzeko

Emakumearen Euskal Erakundeak eta Euskadiko Udalen Elkarteak indarkeria matxista nola prebenitu eta eraso bat gertatzen denean nola jokatu aztertuko dute aurten ere.

2024/06/25 - 14:50

Honako hau izango da Bilboko Aste Nagusia 2024ko kartela

'Azul Agosto' deituriko proposamena izan da abuztuaren 17 eta 24 bitartean ospatuko den 2024ko Bilboko Aste Nagusiko kartel lehiaketako irabazlea. Hori horrela, Mario Larrinaga Mochales diseinatzaileak 3.000 euroko saria irabazi du.

2024/06/23 - 23:50

Natura zaintzeko deia ardatz hartuta piztu dute Donostian San Joan bezperako sua

San Joan sua piztu eta suaren bueltan dantza egin dute udal ordezkariek eta dantzariek, Udal Txistulari Bandaren laguntzaz. Konstituzio plazan egin dute eitaldi nagusia, milaka herritar inguruan zirela.

2024/06/21 - 12:51

Suak, errituek eta dantzek girotuko dute San Joan bezpera euskal hiriburuetan

Sua izango da gau horretako protagonista nagusia Euskal Herriko txoko gehienetan. Hiriburuen artean, Bilbo eta Donostia dira aipatzekoak, su gehien bi horietan piztuko direlako.

2024/06/18 - 13:45

2024ko Andre Maria Zuriaren jaiek badute kartel irabazlea

Amaia Arrazola ilustratzaile eta sortzaile gasteiztarra da aurtengo kartel irabazlearen egilea. Irudian festetako bere unerik gustukoena islatu nahi izan du, Zeledonen jaitsiera, alegia.

2024/06/15 - 19:06

Munduko arrozik onenak dastatu dituzte larunbat honetan San Frantzisko auzoan

70 herrialdetako 3.000 lagunek parte hartu dute Munduko Arrozak jaian. 50 bat arroz txapelketan lehiatu dira. Jaia bukatzeko, mauka-mauka jan dituzte prestatutako arroz guztiak.

2024/06/13 - 21:32

Ehunka lagun bildu dira Urkiolako santutegian San Antonio eguna ospatzeko

Ehunka lagun bildu dira ostegun honetan Urkiolako santutegian San Antonio eguna ospatzeko. Nekazari eta artisauen hogeita hamar postuko merkatuaz gozatu ahal izan da.

2024/06/11 - 16:15

Duguna Iruñeko dantzari taldeak botako du sanferminetako txupinazoa

Udal dantza taldeak 75 urte beteko ditu aurten. Bere hautagaitzak 3.971 boto eskuratu ditu.

2024/06/10 - 22:23

Bilboko Konpartsek ukatu egin dute "betorik ezarri izana", hainbat kulturgilek salatu zuten bezela

Gasteizko Txosna Batzordeak egin bezala, Bilboko Konpartsen federazioak ere gezurtatu egin ditu duela bi aste 150 kultur eragilek sinatutako manifestuan adierazitakoak. Minduta agertu dira, gainera, sinatzaileak ez zirelako eurekin harremanetan jarri, euren iritzia jakiteko.

2024/06/09 - 21:34

Etxebarriko bizilagunek bat egin dute jaietan emakume batek jasandako sexu-erasoa gaitzesteko

San Antonioko jai batzordeak, txosnek eta Udalak elkarretaratzea deitu dute herriko jaietan emakume batek jasandako erasoa salatzeko.

2024/06/09 - 17:00

Etxebarrin izandako sexu-eraso bat ikertzen ari da Ertzaintza

San Antonioko jaiak ospatzen ari den udalerrian sexu-erasoa egin diotela salatu du larunbatean emakume batek. San Antonioko Jai Batzordeak, txosnek eta Etxebarriko Udalak elkarretaratzea deitu dute gaur, 17:00etan.