Lurrikarak
2023/02/19 - 15:37
Turkian, etxerik gabe geratu diren asko beldur dira, laguntzak aurki bukatuko direlako
Turkian ezer gabe geratu dira asko lurrikaren ostean; batzuk kalean bizi dira eta, beste asko, kanpamentuetan. Baina leku horiek desegiten ari dira, eta bertan daudenen etorkizuna erabat ziurgabea da. Kaltetuek uste dute mundua berehala ahaztuko dela euretaz.
2023/02/18 - 13:34
Haur bat eta haren gurasoak bizirik aurkitu dituzte Turkian, lurrikaratik 12 egunera
12 egun bete dira Turkia eta Siria astindu zituzten lurrikara-sortak izan zirenetik, eta mirariak oraindik izaten ari dira: adingabe bat eta haren gurasoak bizirik atera dituzte hondakinen azpitik Antakya hirian. Zoritxarrez, ospitalerako bidean, umea hil egin da.
2023/02/17 - 15:38
Turkiako hilerriak bete egin dira, hildako senide eta lagunak omentzeko
Turkian eta Sirian, dagoeneko 43.000 hildako baino gehiago zenbatu dituzte. Biktimak artatu eta hildakoak omentzen ari dira bertan. Gaur Goizean, esaterako, hilerriak bete egin dira. Irudi gogorra, izan ere, hilobi askok izenik ere ez dute, gorpuak ez daude identifikatuta.
2023/02/17 - 09:55
12 urteko haur bat bizirik aurkitu dute 260 orduz hondakinen azpian harrapatuta egon ostean
Larrialdi taldeek bizirik erreskatatu dute Turkiako Hatay probintziako eraikin bateko hondakinen artean harrapatuta zegoen 12 urteko haur bat. Mutikoak 260 ordu egin ditu harrapatuta.
2023/02/16 - 15:43
Milioi bat pertsona kanpamentuetan bizi dira Turkian eta Sirian, etxea galdu dutelako
Jada, 40.000 dira hildakoak. 100.000 zauritu baino gehiago daude, eta milioitik gora pertsona etxerik gabe. Gobernuz Kanpoko Erakundeek argi utzi dute krisi humanitario hau hasi besterik ez dela egin.
2023/02/15 - 21:38
Euskal Herritik joandako osasun langileak ezagutu ditugu Iskenderuneko kanpaina-ospitalean
Iskenderun (Turkia) herrian irekitako kanpaina-ospitale batean izan da Itziar Benede EITBren berriemaile berezia.
2023/02/15 - 12:06
Mirariek ez dute etenik Turkian
Azken orduetan, Turkiako larrialdi zerbitzuek 70 urteko emakume bat bizirik ateratzea lortu dute, hondakinen azpian 212 orduz egon ostean. Lehentxeago, 203 ordu harrapatuta eman dituen 40 urteko beste emakume bat bizirik erreskatatu dute.
2023/02/14 - 15:53
Lurrikaratik 9 egunera, biktimak eta kale gorrian geratu direnak artatzea da lehentasuna Turkian eta Sirian
Laguntza humanitarioa Siriara iristen hasi da. Nazio Batuen Erakundea matxinoen kontrolpean dagoen ipar-mendebaldeko zonara joan daiteke, Al Asaden Gobernuak goizean Turkiaren mugako bi pasabide ireki ondoren.
2023/02/14 - 11:50
Hiru gazte erreskatatu dituzte Turkian, hondakinen azpian 198 ordu egin ostean
Erreskate hauek "miraritzat" jotzen dira dagoeneko, Turkia eta Siria astindu zituzten lurrikarak izan eta bederatzi egunera gertatu baitira. Egun hauetan 80.000 pertsona baino gehiago erreskatatu dituzte.
2023/02/13 - 19:57
Juan Carlos Delgado, Gasteizko suhiltzailea: ''Herritarrek eginahalak egin zituzten guri laguntzearren''
Gasteizko suhiltzaileekin hitz egin dugu, Turkiatik iritsi direnean. Azken egunetako lurrikaren ostean artatze lanetan laguntzeko bertaratu ziren. (Jatorrizko bideoa, gazteleraz)
2023/02/13 - 19:26
Ongietorri beroa egin diete Turkian izandako Gasteizko suhiltzaileei
Gasteizko suhiltzaileek beso zabalik eman diete ongietorria Turkiako lurrikaren zero gunera laguntzera bidaiatutako lankideei, 'Acción Norte' deritzon GKEko kideei, alegia. Hona hemen uneak utzitako irudi hunkigarriak.
2023/02/13 - 15:52
Erreskateak etenda, gorpuak hondakin artetik atera eta lur ematea da lehentasuna
Dozenaka gorpu daude oraindik hondakinen artean. Usaina handia da, eta hautsa astuna. Gorpuak aurkitu eta lurperatzea da lehentasuna une honetan.
2023/02/13 - 10:04
Erreskate taldeek zortzi pertsona atera dituzte azken orduetan, lurrikara gertatu eta sei egunera
Turkiako agintariek jakinarazi dutenez, hondakinen artean gutxienez zortzi pertsona erreskatatu dituzte azken orduetan. Turkia hegoaldea eta Siria iparraldea astindu zituen lurrikarak 40.000 hildako baino gehiago izan ditu, azken zenbaketaren arabera.
2023/02/12 - 23:41
Zortzi lagun bizirik atera dituzte hondakin artetik, sei egunez harrapatuta egon ostean
OMEren arabera, gutxienez 9.300 pertsona hil dira Sirian, eta beste ia 30.000 Turkian. NBEko buruzagi humanitarioak onartu du erakundeak "huts egin" diola Siria-ipar-mendebaldeko jendeari; hain zuzen ere, Kasko Zuriek salatu dute ez dutela inguru horietan NBEren laguntzarik jaso.
2023/02/12 - 21:19
Turkiako Justiziak 130 atxilotze agindu igorri ditu kalitate txarreko eraikinak egin dituztenak harrapatzeko
Azken datuen arabera, lurrikaretan hildakoak 39.000ra iritsi dira dagoeneko, eta 85.000 zauritutik gora daude. Turkiako Gobernuak esan du ikertu egingo duela nola zeuden azpiegiturak eraikita. Momentuz 14 lagun daude atxilotuta, tartean eraikitzaileak, eta beste ehun baino gehiago, atxilotzeke.
2023/02/12 - 15:52
Hatay, hiri mamu bilakatuta
Hondakinak bildu eta ingurua berreraikitzea dute orain erronka Turkian, zero gunean bereiziki, Hatay eskualdean, Turkia eta Siria arteko mugan. Bertan txikizioa izugarria da eta herritar gehienak ezer gabe geratu dira, kale gorrian.
2023/02/12 - 15:48
Nazioarteko erreskate taldeak Turkiatik itzultzen hasi dira, tartean Gasteiztik joandakoak
Ankaran daude, sentimendu gazi-gozoarekin itzuli dira, inor ez dutelako bizirik erreskatatu.
2023/02/11 - 21:51
Turkian erreskate lanean ibili diren suhiltzaile gasteiztarrak Euskal Herrira bueltan dira
Turkia eta Siriako hainbat eremutan erreskate-lanak amaitutzat eman dituzte, eta bizirik atera direnei laguntzeko fasea abiatu dute. Tartean Admayan hirian, Gasteizko suhiltzaileak aritu dira lanean. Ankararako bidea hartu dute, dagoeneko eta handik Euskal Herrira.
2023/02/11 - 21:30
Erreskate lanak bukatzear daude Antiokian, eta makina astunak soilik ari dira lanean
Turkiako lurrikarek gehien astindu duen eskualdea Hatay izan da, herriaren hegoaldean, Siriako mugan. Bertan da Mikel Ayestaran lankidea, eta azken orduko nondik norakoak kontatu dizkigu.
2023/02/11 - 17:02
25.000 hildakotik gora zenbatu dituzte Turkian eta Sirian, eta kopurua bikoiztu egin daiteke oraindik
Nazio Batuen Erakundea beldur da hildako kopurua 50.000tik gorakoa izango ote den, azkenean. Litekeena da Hungariaren tamainako eskualde bateko hondakinen azpian hamar milaka biktima egotea.