Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Aliantzak aurkezteko ordu gutxiren faltan, Ipar Euskal Herriko udal hauteskundeen agertokia ari da argitzen. Orotara, 11 udalerritan egingo da bigarren itzulia, eta, gutxienez bitan, badira berrikuntzak: Baionan eta Biarritzen ezkerreko indarrek bat egingo dute, datorren igandean bozen bigarren itzulira elkarrekin aurkezteko.
Baionaren kasuan, akordio historikoa itxi dute ezkerreko taldeek. Jean-Claude Iriart (Baiona Mugimenduan) eta Henri Etcheto (Baiona, sinpleki!) ezkerreko hautagaien zerrendak batu egingo dira, bigarren bueltarako. Igande iluntzetik negoziatzen aritu ondoren, bart lortu dute aliantza ixtea.
Lapurdiko hiriburuan, Jean-Rene Etchegarayk (Baiona, funtsezkoa zuek zarete!) lortu zuen babes gehien igandeko bozetan, botoen % 42 bereganatuta; haren atzetik geratu ziren Iriart abertzalea, % 21,9kin, eta Etcheto sozialista jakobinoa, % 21,3kin.
Gaur arratsaldean, 17:00etan, egin duten agerraldian baieztatu dute aliantza. Elgarrekin Baionarentzat izena hartuko du, eta Iriart izango da auzapezgaia. Lehen itzuliko emaitzen araberako zerrenda kideen banaketa proportzionala egingo dute.
Aurreko bi bozetan, 2014an eta 2020an, ez zuen emaitzarik eman ezkerreko taldeen arteko elkarlanak, baina, oraingoan, militanteen oniritziarekin adostu dute akordioa. Helburua da azken 12 urtetan Baionako auzapeza izan den Etchegaray kargutik kentzea.
Gauzak horrela, hiru hautagai izango dira lehian datorren igandean Baionan: Etchegaray zentrista, Iriarte ezkertiarra eta Pascal Lesellier ultraeskuindarra.
Eta Biarritzen, bat ez, bi aliantza itxi dira azken ordu hauetan. Batetik, ezkerren artekoa: lehen bueltan hirugarren geratu zen Ana Ezcurraren (Biarritz Berri) zerrenda eta bosgarren gelditu zen Guillaume Baruckena elkartu egin dira.
Bestetik, berriz, garaile izan zen Serge Blanco (Nire taldea Biarritz da!) errugbilari ohia, laugarren izan zen Jean-Baptiste Dussaussois-Larralde zentristarekin batu da.
Maider Arosteguy (Bizi Biarritz elkarrekin) orain arteko alkateak bakarrik jarraituko du lasterketan.
Orotara, 11 udalerri joango dira bigarren itzulira. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen ez da aliantzarik egongo, eta zerrenda bakoitzak bere bidea egingo du.
Joan den igandean egin zen udal bozen lehen itzulia Ipar Euskal Herriko 158 udalerritan, eta horietatik 147tan erabakita geratu zen datozen sei urteotako udal osaketa.
Zure interesekoa izan daiteke
Bizkaiko garraio publikoen artean egindako aldaketak doakoak izango dira 2027an
Lehen fasea 2026ko urriaren 1ean hasiko da, Metro Bilbaoren eta Euskotrenen arteko proba pilotu batekin. Era berean, lurraldea 5 gunetik 3ra pasako da, eta horrek egungo tarifa-sistema sinplifikatzea ahalbidetuko du.
Eusko Jaurlaritzak 70 milioi eskaini ditu medikuen lan-baldintzak eta soldatak hobetzeko
Alberto Martinez Osasun sailburuak Euskadiko osasun profesionalekin egindako negoziazioen aurrerapenak azpimarratu ditu, eta Estatutu Marko berriaren tramitazioan Osasun Ministerioak egindako kudeaketa kritikatu du.
Otegi, Enplegu Publikoaren Legeaz: "Akordio eza ez da aukera bat"
Arnaldo Otegi EH Bilduren koordinatzaile nagusiak esan du "denbora irabazi" nahi izan dutela, euskararen legean negoziatzen jarraitu ahal izateko. Espainiako ustelkeria kasuen inguruan esan du "zalantzarik gabe borrokatu" behar dela, baina, haren ustez, funtsean helburu politiko batek eragin ditu operazioak: "PSOE hau" eta Pedro Sanchezek osatu duen ezkerreko aliantza suntsitzea.
Nor da Mikel Hidalgo, EAJren Bilboko alkategaia?
Bilbon 1993an jaioa, sektore pribatuaren eta Eusko Jaurlaritzaren artean garatu du bere ibilbidea. 2022tik garapen iraunkorrari eta 2030 Agendari lotutako Nazio Batuen proiektuetan dihardu.
Albiste izango dira: Eusko Jaurlaritzaren 90. urteurrenaren hasiera, Leon XIV.a Bartzelonan eta Euskal Herriko Bertsolari Txapelketaren aurkezpena
Orain-ek gaur landuko dituen albiste nagusien laburpena.
Mikel Hidalgo izendatu dute Bilboko alkatetzarako EAJren hautagai, eta oinarrien esku geratu da berrespena
33 urte ditu eta Enpresen Administrazio eta Zuzendaritzan graduatua da. Imanol Pradalesen Lehendakaritzako kide da gaur egun. Hain zuzen ere, Nazio Batuen 2030 Agenda Euskadin aplikatzeko arduradunetako bat da.
Sanchezek ekainaren 24an emango ditu PSOEri eragiten dioten auziei buruzko azalpenak Kongresuan
Espainiako Gobernuko presidenteak berak eskatu zuen agerraldia egitea, joan den maiatzaren 27an, Guardia Zibilaren UCO unitatea Ferrazen sartu eta gero, Leire Diaz militante ohi sozialistaren auziarekin lotutako informazioa biltzera.
Pazienteek osasungintzan parte har dezatela ahalbidetuko duen legea tramitatzen hasiko direla iragarri du Martinez sailburuak
Neurri aitzindaria izango da; izan ere, onartuz gero, pazienteen elkarteek "osasun-politikak diseinatzen eta erabakitzen" parte har dezaten ahalbidetuko duen Estatuko lehen legea izango da. Sailburuak hilabete barru hasi nahi du tramitazioa, orduan Gobernu Kontseilura aurreproiektua eraman asmo du.
Enplegu Publikoaren Legea erreformatzeko EAJk egindako proposamenak tramitazioan aurrera egingo du, EH Bilduren abstentzioari esker
"Akordiorik eza ez da aukera bat. Euskarak zein Enplegu Publikoaren Legeak akordio eta adostasun zabalak eskatzen dituzte", esan du EH Bilduk. Bestalde, koalizioaren jatorrizko proposamena ere eztabaidatuko da batzordean.
EAJk lidergoa mantenduko luke Araban eta Bizkaian, eta EH Bildu gailenduko litzateke Gipuzkoan
Eusko Jaurlaritzaren inkestaren arabera, PSE-EE hirugarren indarra izango litzateke hiru lurraldeetan, eta abstentzioa, % 41 ingurukoa.