PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
Laura Garrido PPk Eusko Legebiltzarrean duen bozeramailearen ustez, sozialistak “plantak egiten ari dira” EAJrekin Lan Eskaintza Publikoetan euskara blindatzeari buruzko negoziazioetan, eta kritikatu du Euskadin martxan jarritako hizkuntza politiketan “konplizeak” izan direla. Bien bitartean, ostegun honetan, PSE-EEk berriro eskatu du enplegu publikoko hizkuntza-eskakizunei buruzko eztabaida geldiarazteko, gero eta "polarizazio" handiagoa baitakar.
Garridok adierazpenok egin ditu prentsaurreko batean, Eusko Legebiltzarrean, Santiago Lopez kidearekin batera, Enplegu Publikoaren Legearen erreformari PPk egindako zuzenketak azaltzeko.
Zehazki, 38 zuzenketa aurkeztu dizkie EAJren eta EH Bilduren proposamenei, hain zuzen, euskara eskakizunak baliogabetu dituzten hainbat epairen ondotik, hizkuntza-eskakizunei segurtasun juridikoa emateko asmoz egin duten proposamenari.
PPren bozeramaileak uste du EAJren eta PSEren artean izandako talkek eta “ustelkeria kasuek” ez dutela eragingo EAJk PSOEri Kongresuan emandako babesean. Gainera, kritikatu egin du EAJren eta EH Bilduren arteko "lehia", hizkuntza-politiken alorrean.
EAJri egotzi dio EH Bilduri abstentzioa eskatzeak argi erakusten duela "etsi-etsian" dabilela, eta defendatu du egungo euskara politikek ez dutela emaitza onik eman, ez delako "euskara gehiago hitz egiten". Are gehiago, politika horiek “neurrigabeak” direla uste du.
Testuinguru horretan, PPk euskara derrigorrezkoa den lanpostuak % 50era mugatzea proposatu du, eta profilak irizpide objektiboen eta eremu bakoitzeko errealitatearen arabera egokitzea.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.