Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
%3Aeitb-banner?ts=1773676553795&dpr=off&fmt=webp-alpha&qlt=80 "baiona udal hauteskundeak hautagaiak")
Udal bozen lehen itzuliaren ondoren, Ipar Euskal Herriko herri askotan erabakita gelditu da herriko etxeen osaketa. 158 udalerritan egin ziren atzo hauteskundeak, eta 147tan datozen sei urteotako auzapeza nor izango den badakite.
Hiri edo herri nagusietan baina, inork ez du behar adinako alderik atera aginte makila eskuratzeko. 11 udalerritan joan beharko dute bigarren itzulira; besteak beste, Baiona, Miarritze, Kanbo, Maule eta Hendaian. Horietan, datorren igandean, martxoaren 21ean, zabalduko dituzte berriro hauteslekuak.
Baiona
Lapurdiko hiriburuan, Baionan, Jean-Rene Etchegarayk (Baiona, funtsezkoa zuek zarete!, zentroa eta eskuina) lortu du babes gehien; haren atzetik geratu ziren Jean-Claude Iriart (Baiona Mugimenduan, ezkerreko abertzaleak barne dituen zerrenda) eta Henri Etcheto (Bayonne tout simplement !).
Bozen biharamunean, bigarren itzulira pasatu diren ezkerreko bi taldeek (Iriarten eta Etchetoren zerrendak) goizean abiatu dituzte negoziazioak, eta erabakigarria izango da horiek hartuko duten bidea. Datorren igandeko bueltara batuta joatea erabakitzen badute, Etchegarayri aurrea hartzeko aukera izan baitezakete. Halere, euren arteko desadostasunak hain dira handiak, non zaila dirudien aukera horrek. Bihar arratsaldera arteko tartea dute negoziatzeko.
Bere aldetik, Etchegaray pozik eta lasai agertu da emaitzekin. "Hipotesi guztiak zabalik daude, baina alde nabarmena atera diet eta aste honetan lan handia dugu egiteko", esan du.
Biarritz
Biarritzen ere, atzo iluntzetik, telefono dantza handia dabil ezker-eskuin, balizko akordioen bila. Aurkeztu diren sei zerrendetatik bostek jarraitzen dute lehian, eta aukera asko zabaldu dira, herriko etxeko batza berria osatzeko.
12 botoko aldea atera zion Serge Blanco (Nire taldea Biarritz da !) errugbi jokalari ezagunak Maider Arosteguy (Bizi Biarritz elkarrekin) egungo auzapezari. Hala, lehia estua aurreikusten da bigarren itzulian.
Hirugarren postuan geratu den Ana Ezkurraren (Biarritz Berri) ezker abertzaleko alderdiak jada aurreratu du ez dutela Arosteguy babestuko. "Baditugu gure marra gorriak eta nahi ditugu segurtatu. Ikusiko dugu norekin eta zer", adierazi du Beñat Jauregi zerrendakideak.
Arosteguy, berriz, prest dago macronistekin akordioa erdietsi eta elkarrekin aurkezteko hurrengo bueltara.
Hendaia
Hendaiari dagokionez, lehen hiru postutan geratu diren hiru hautagaiek —Kotte Ezenarro (Hendaia Elgarrekin), Laetitia Navarron (Hendaia Biltzen) eta Tristan Proteau (Bizi Hendaian)— dagoeneko aurreratu dute ez dutela koaliziorik egingo.
Kanbo
Bestelakoa da egoera Kanbon. Han, hasi dira elkarrizketak eta negoziazioak. Garaile atera zen Peio Etxeleku (Kanbo Elkartu) jeltzalearekin hitz egiteko prest agertu da hirugarren tokian geratu den Argitxu Hiriart-Urruty (Nahi Dugun Herria) ezkerreko taldearen zerrendaburua.
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.