Pentsioak 2024
2023/02/21 - 10:44
Pentsio sistema propio baten beharra aldarrikatu du Garbiñe Aranburuk
Euskadi Irratian egin dioten elkarrizketan, aurreratu du euskal alderdiei eta Podemosi eskutitzak bidali dizkietela azken urteetako murrizketen bidea albora dezaten, pentsio erreforman murrizketa berririk onar ez dezaten eta pentsio sistema propio baten aldeko eztabaidari bidea eman diezaioten.
2023/02/11 - 20:12
Milioi bat pertsona, 2,5 milioi CGTren arabera, pentsioen erreformaren aurka atera dira Frantzian
Frantziako Gobernuaren arabera, 963.000 pertsona atera dira kalera herrialde osoan, eta CGT sindikatuak, berriz, 2,5 milioi aipatu ditu. Edozein kasutan, orain arteko protestarik jendetsuena izango litzateke.
2023/02/11 - 17:21
Noiz, nola edo zenbat? Erretretaren inguruko kezka dute hainbatek Iparraldean
Iparraldean erretreta laster hartzear dauden bi lagunekin eta noiz hartuko ote duen jakin ezin duen batekin izan da ETB. Erreformak eta erretretaren baldintzek sortzen dizkieten galdera eta kezkak azaldu dituzte; eta ez dira gutxi.
2023/02/11 - 15:55
Frantziako sindikatuak, laugarrenez kalean Macronen erretreten erreformaren aurka
Sindikatuek deituta, milaka herritar atera dira kalera Macronen erretreten erreformaren aurka. Laugarren manifestazioa da erreformaren aurka, eta helburua da gaurkoak orain arteko jendetsuenak izatea. 250 manifestazio deitu dituzte estatu osoan. Baionan ere, milaka lagun atera dira kalera.
2023/02/07 - 21:45
Erretreten erreformaren aurkako mobilizazioek indartsu jarraitzen dute Ipar Euskal Herrian eta Frantzian
Dagoeneko Asanblada Nazionalean eztabaidatzen ari diren pentsioen sistemaren erreformaren aurkako hirugarren greba eguna izan dute gaur. Baionan 12.000 lagunetik gora bildu dira, sindikatuen hitzetan; 9.000, Poliziaren arabera.
2023/02/07 - 19:56
Pentsioen erreforma bertan behera uzteko eskatu diote Macroni, eztabaida parlamentarioa hasi berritan
Baionan, 12.000 lagun atera dira kalera, sindikatuek aho batez deituta. Deitzaileek beste manifestazio batera deitu dute larunbaterako.
2023/02/05 - 14:00
Erretiro aurreratuen tartea handitzea erabaki du Frantziako Gobernuak, protestak gelditzeko
Lehen ministroak "negoziaezintzat" jo zuen hasierako erabakia, eta orain proposatu du 20 eta 21 urte bitartean kotizatzen hasi denak 63 urterekin hartu ahal izatea erretiroa, gutxieneko adina baino urtebete lehenago alegia.
2023/02/04 - 12:52
Pentsiodunek 1.080 eurora arteko igoera berehala egiteko eskatu dute
Gainera, mobilizazio aste bat prestatzen ari omen dira martxorako, Bilbon hilabete horretako 18an egingo duten manifestazioari begira.
2023/01/31 - 17:39
Pentsioen erreformaren aurkako bigarren protesta jendetsua Frantzian eta Ipar Euskal Herrian
Baionan, 17.000 lagun inguru bildu dira manifestazioan, deialdia egin duten sindikatuen arabera. Poliziak ere duela bi astekoa baino jendetsuagoa izan dela aitortu du. Frantziako sindikatuek bi greba egun berri iragarri dituzte otsailaren 7rako (asteartea) eta 11rako (larunbata).
2023/01/31 - 16:33
Erretreten erreformaren kontrako mobilizazio jendetsua Baionan
Sindikatuen arabera, 17.000 lagun bildu dira protestara, eta poliziak berak onartu du aurrekoan baino gehiago izan direla.
2023/01/31 - 08:43
Albiste izango dira: Greba Iparraldean eta Frantzian, gutxieneko soldata eta Puigdemonten aurkako euroagindua
Gaurkoan albiste izango direnen laburpena, hitz bitan.
2023/01/31 - 08:11
Pentsioen erreformaren aurkako bigarren greba orokorra gaur Frantzian eta Ipar Euskal Herrian
Ipar Euskal Herrian garraioan espero dira mobilizazio handienak. Frantziako Estatuan 200 bat manifestazio daude deituta, eta Poliziaren informazio zerbitzuen aurreikuspenen arabera, 1 edo 1,2 milioi manifestari inguru espero dira, hilaren 19an baino gehiago.
2023/01/30 - 21:48
Frantzia geldiarazi dezake astearteko grebak
Oraingoan protesta handiagoa izan daiteke. Izan ere, Macornen Gobernuak azpimarratu duenez, erretiroa hartzeko adina 62 urtetik 64ra atzeratzea negoziaezina da.
2023/01/29 - 12:11
Erretiroa hartzeko gutxieneko adinaren igoera "negoziaezina" dela adierazi du Frantziako lehen ministroak
"Sistemaren oreka" bermatzeko neurri negoziaezina eta beharrezkoa dela berretsi du Elisabeth Bornek, erabakiaren aurkako protesta gogorrak gorabehera.
2023/01/24 - 22:55
EAEko erretiro pentsioak 131,36 euro igoko dira batez beste
Espainiako Gobernuak onartutako % 8,5eko igoeraren ondoren, batez besteko jubilazio pentsioa 1.676,68 eurokoa izango da, eta Estatuko altuena izango da. Pentsio guztien batez bestekoa 1.474,44 eurokoa izango da.
2023/01/23 - 18:22
Frantziako Lan ministroak erretiroa hartzeko adina igotzea defendatu du, "sistema orekatzeko"
Urte hasieran pentsioen erreforma iragarri zuen Frantziak, eta erretiroa hartzeko adina 64 urtera igo du 2030erako; neurri horrek oposizioaren eta biztanleriaren zati baten kritikak piztu ditu.
2023/01/23 - 17:30
Zeintzuk dira batez besteko pentsioak eta erretiro adina Europan?
Europako pentsioen erreformek erretiro adina eta lan egindako urteak handitu dituzte. Herrialde horietako batzuen egungo egoera ezagutuko dugu, bakoitzeko zifra horien batez bestekoaren arabera.
2023/01/21 - 21:04
150.000 lagun kalera atera dira berriro Frantzian, pentsioen erreformaren kontrako protestan
2030erako jubilaziorako gutxieneko adina 62tik 64 urtera atzeratzeaz gain, erreformak jubilazio osoa gozatzeko kotizazio urteen kopurua 42tik 43ra igotzea 2027ra aurreratu nahi du, orain arte 2035erako aurreikusita zegoenean. Bi egunean bigarren protesta da gaurkoa.
2023/01/20 - 09:41
Urtarrilaren 31rako beste greba bat deitu dute Ipar Euskal Herrian eta Frantzian, pentsioen erreformaren aurka
Atzoko mobilizazioek izandako erantzunaren ondotik, sindikatuek borrokan jarraitzeko deia egin diete herritarrei. Bien bitartean, Macronek erreformari eusteko asmoa berretsi zuen, atzo, berriro. Besteak beste, erretreta hartzeko adina atzeratu nahi dU, 64tik 67ra.
2023/01/19 - 21:27
Inoizko manifestazio sindikalik handiena egin dute Baionan, pentsioen erreformaren kontra
10:30ean abiatu da manifestazioa, Lan Burtsaren eraikinetik, eta antolatzaileen arabera, 10.000 pertsona inguru batu dira. Greba deialdia garraio zerbitzuetan eta hezkuntzan eragin handia izaten ari da. Erretreta 62 urtetik 64ra atzeratzea nahi du Emmanuel Macron Frantziako presidenteak.